خرقاء في شباك طبيبها

part 10

اليوم هو زفاف ايلين و اوس

استيقظت ايلين صباحا او خرجت من غرفتها بالاحرى لأنها لم تستطع النوم بسبب توترها الزائد
ضربت ايلين بعلي الذي كان خارجا من غرفته
علي وهو ينظر لها:
ايلين فيكي شي شو القصة شكلك متل المجانين
ايلين ببكاء :
علي رح اشتقلك يا زنخ
علي وهو يحتضنها :
لا تبكي حبيبتي لولو والله بفركش كل هي الجوازة وبتضلي انتي وزناختك معي شو رأيك
ايلين :
اي موافقة ما عاد بدي بدي ضل عندك اصلا انا بحبك اكتر من اوس ما رح اتزوج بطلت
علي بضحك :
والله مجنونة هلأ تذكرتي اني اخوكي وبتحبيني لو قبل كم يوم يمكن بس اليوم العرس ما بيصير تبطلي خلص روحي اليوم و بكرا تعالي تمام
ايلين بنعاس:
اي بيصير خلص بروح اليوم وبكرا برجع
امسكها علي جيدا وسار بها الى غرفتها وضعها في سريرها قبل رأسها وخرج
يتصل ب اوس

اوس على الجهة الاخرى
اهلين علوش كيفك
علي بغضب :
مو منيح يا زفت انت ما لقيت غير اختي لتتزوجها
اوس :
شبك يا زلمة ليش معصب لهي الدرجة بدك تخرب عليي يوم عرسي وبعدين شو بدك تعمل اي حبيت اختك وع فكرة هي كمان بتحبني
علي :
شوف  اوس انا وافقت لأنو بعرفها بتحبك وبدي تضل فرحانة بس شوف حتى لو صارت مرتك بتضل اختي اذا بيوم شفت نزلت منها دمعة بسببك والله ما برحمك سمعان روح من وجهي
واغلق الخط بوجه اوس
اوس :
لعما شبو اخد دور الاخ العصبي يخرب بيتو نزعلي صباحي بس المهم ايلين رح تصير حبيبتي ومرتي بسيطة يا علي بدي طالع عيونك لخليك تشوفا متل ما طالعت عيوني بهاد الاسبوع

فلقد منعه علي من رؤية ايلين طوال الاسبوع الذي سبق الزفاف بسبب غضبه من فكرة زواج اوس ب ايلين

انطلق اوس ليتجهز ليومه ويتأكد من اتمام كل شيء على اتم وجه فهو لا يتزوج كل يوم

عند ايلين قامت والدتها بأيقاظها وبعد ان تناولت طعام الافطار صعدت ايلين الى غرفتها فلقد وصلت مصففة الشعر وخبيرة المكياج الى جانب وصول المصممة مع فستان الزفاف من اجل التأكد من التفاصيل

وهنا بدأ العمل على ايلين بين هؤلاء الفتيات الثلاثة
الى جانب وصول ايلا وليا وقدوم فريق اخر من اجل تجهيزهن بعد مدة وصلت كل من والدة اوس و والدة ادم و ايضا والدة ليا واجتمعن مع والدة ايلين بعد ان تجهزن وجلسن ينتظرن تلك العروس الجميلة

في المساء كان الجميع جاهزا من اجل الانطلاق الى قاعة الزفاف
قبلت والدة ايلين جبينها وهي تبكي الى جانب دموع ابنتها التي لم تتوقف مما ادى الى اعادة ترتيب المكياج اكثر من مرة
خرجت ايلين من الغرفة لتجد والدها امامها
لتحتضنه بقوة

ربت على ظهرها بحنان وهو يقول :
مسحي دموعك صغيرتي أذا شافها علي ما رح يتم اليوم على خير
ابتسمت ايلين ومسحت دموعها :
اذا القصة بأيد علي خليني امسحهن احسن الي
امسك والدها يدها وسار بها لينزلو الدرج لكن مقابلة علي لهم اوقفتهم
علي هو يصفر :
شو هاد الجمال ماشاء الله طلع عندي اخت قمر وما بعرف
ايلين بفرح :
شكرا ياعمري
علي بنصف ابتسامة :
قبل ما تتزوج وعم تقلي شكرا ع الناشف بكرا بس تتزوجي هاد الغبي ما رح تسلمي عليي من الاساس
اقتربت منه ايلين ليحتضنها بحنان اخويي
قبل رأسها وقال : شو رأيك تبطلي تتزوجي ما عندي مشكلة بتحمل زناختك بس ما بتحمل البيت بدونك
قطع كلامه عندما رأى ليا وجمالها الاخاذ عندما خرجت من الغرفة
علي وهو يهمس في اذنها : ام اللول ولا قلك روحي تزوجي لأنو انا لاحقك بعد كم شهر ورح اتركك حرام تضلي لحالك لأنو هي بنت عمك شكلا ما ناوية على خير
ايلين بضحك: بعت اختك يا خاين بطلت بدي ضل قاعدة ع قلبك
علي وهو يجرها من يدها بمزاح : شو ضل ما ضل روحي يا اختي الله يوفقك قال تضل قال
اعادت يدها الى يد والدها لتنزل معه الى حيث يقف اوس والى جواره ادم الذي تعلقت عيناه ب ايلا ما ان نزلت خلف ايلين