عائلة الشلق

الجزء 2

#عائلة_الشلق
     ج 2

= بتضربني ليه ؟؟ بعد العمر دا كله بتمد ايدك عليا ؟؟
= ليكي عين تردي انتي ماتلزمنيش ،يالا روحي عند ابوكي ،
= حرام عليك سيب العباية ،،كفاية بهدلة فيا بقي أنا مش صغيرة ..

بكت ام ايمان حتي احمرت عيناها وتورمت ، ترجت زوجها مسعد البالغ من العمر خمسة وأربعين عاماً ، استنجدت بالجميع ولم يجبها أحد ،تقف ابنتها تسنيم تبكي في زاوية غرفتها تحتضن أطرافها في صمت لا تريد التدخل بين أبويها وربما لا تستطيع هي عاجزة أمام غضب أبيها وعنفوانه يقاتل ويشتد غيظه لأسباب تافهه

= قولتلك ماتروحيش عند جارتنا دي ناشز ومابتسمعش كلام جوزها عايزا تمشي عليه
= طلبت مني اساعدها في الخبيز هقولها لا وهي أيدها في أيدي لما بعمل شغلانه تقيلة
= انا جوزك ولازم تسمعي كلامي ،، والله مانتي بابته فيها
= طب استني لما اشرف يرجع من الجيش ينفع الواد يرجع يلاقي أمه غضبانه ، اختشي بقي ي مسعد وبطل فضائح بنتك علي وش جواز

لم يأبه بما تقوله بل زاده إصرار قذفها خارج أعتاب منزله ،اغلق الباب خلفها بقوة ثم عاد يستنشق سموم تبغه في صمت وعيونه بارزه تكاد تفر من وجهه الغليظ .. في ذلك الوقت كانت هناء تفتح باب شقتها لأخت زوجها التي طرقته وهي تهمس
= هناء افتحي أهلك تحت والبياعة بتشتكي منك
= كمان هي اللي جايه تغلطني طب والله ماهسكت لها ، خدي امجد واقعدي هنا علي مارجع
= طب هفتح فيس علي ماتيجي
= الباسورد عندك في الكشكول الازرق دا ،، أنا نازلة اوعي الواد يعيط ولا تسبيه يقع من علي السرير ..

___________ #أماني_عنان _____

تركت هناء صغيرها امجد الذي لم يكمل عامه الثاني وهبطت مسرعة في حماس للقاء البائعة العجوز التي تتصيد أخطائها بالاسفل لتضعها في موقف سيئ امام زوجها وأهلها ، تخاطب نفسها

= والله ماهسكت لها هي فاكره ايه عشان كبيره في السن خلاص تغلط براحتها وتقل ادبها

دخلت علي الحضور الصامتين وعيونهم تتحدث ،نظرات لوم وعتاب قطعها والدها حين قال
= ليه كدا ي هناء وقفتي في الشارع وغلطتي ف ام نادية وقولتي ي رب تصرفيهم علي عيالك وصحتك ..
= انا ماقولتش كدا بالظبط ،، هي نرفزتني وطمعت فيا وف رزق عيالي بتغلي عليا وتستغل الازمة اللي الناس فيها ..

= انتي اللي جيتي الموز بعد ماتفعص وجايه تقولي رجعيه
= انا ي ست اتقي الله انتي اللي رمتيه ورفعتي عليا شبشك و..
قاطعها والدها بحدة حيث قال
= هناء خلاص فضينا من الحوار التافه دا ،حاجة زي دي ماتستاهلش تعيطي وتجيبي اهلك فيها

= انت ليه مش فاهمني انا مش بتكلم علي الفلوس انا بتكلم أنها ليه تستغلني وتعاملني وحش وكلمتكم تجيبولي حقي مش تحقوني ليها ..

تجلس ام ناديه بخبث تحاول اخفاء ابتسامتها ، حدث ماخططت له هي وبناتها حيث حرضوها قائلين
نادية .. ابوها ورجالة كتير نزلت من عربية قدام بيتهم الحقي روحي قبل ماتزود في الكلام ويجولك هنا ويبقي شكلنا وحش

فادية .. ايوا امه وماتنسيش تقولي أن هناء غلطت فينا كلنا ودعت علينا ..
الام .. طب هاتولي العباية السودا وخليكوا جوه
فادية .. انا راحه اسمع المسلسل ومش شاغله بالي العيلة كلها متعلمة ومالهاش في الخناقات يعني مافيش ضرب وشرشحه النهاردة

نادية .. انا دماغي مصدعة من قعدت السوق هدخل انام ولما ترجعي كلميني .. امال جوزك فين ي فادية ؟؟

فادية .. ماعرفش تلاقيه عند صاحبه بيلعبوا علي التليفون
نادية .. والله ماعرف جايبه البرود دا منين ؟؟ انا لما اتجوز مش هسيبه يغيب عن عيني الا اماعرف هو فين بالظبط
أمسكت فادية بريموت التليفزيون لتودعهم في عجالة وتركيز مع بداية تتر المسلسل ..

لا مجال لنصرة هناء أمام هذه المرأة التي تعلم جيدا ماذا تقول وماذا تفعل ؟؟
الحق احيانا يضيع إذا كان ضئيل لا لكونه ليس حق ولكن لكثرة المحكمين ،حماتها بكلمة ،اخوها بكلمة ، ابوها بكلمة حتي قادتهم الطرق الي فض المجلس ولا جديد .. صعدت هناء الي شقتها في حزن شديد وهي تفكر كيف ترد اعتبارها .. تفتح باب شقتها وإذا باحدا ما يطلبها علي الهاتف
امسكته .. عبير
= الو
= ايوا ي هناء انا مخنوقه اوووي
= في ايه وايه الدوشه دي كلها ؟؟
= ابويا اتخانق مع امي عشان راحت عند ام نادية وضربها وطردها كمان
= يوووه احنا مش هنخلص من التخلف دا بقي ،كل راجل شايف نفسه سيد وزوجته عبد ومن حقه يادبها ويضربها علي أي سبب
= المشكلة مش ف كدا
= امال ايه ؟
= المشكلة اني هربت وسبت البيت ،ماعرفش ازاي دا حصل بس فجأة حاسيت نفسي زي الطير المحبوس ولازم يهرب ويتحرر من سجنه
= لا اوعي ،ارجعي ي تسنيم الشوارع جحيم ومابترحمش الولايا
= مستحيل ابويا هيضربني زي مابيضرب امي 😔

يتبع
#أماني_عنان