عائلة الشلق

الفصل 4

#عائلة_الشلق
   ج4

-فادية تعالي اوريكي حاجة ؟
-لا المسلسل حلو اووي وانا متابعاه من زمان قولي هنا
بصت لامها وغمزت قالت مش هينفع افهمي ،قامت فادية ورا أختها وهي مزمزقه ومتضرره مسكت أيدها وطلعت السلم وعلي السطح قالت لها وهما طالعين
-جوزك فين ؟او بيعمل ايه
استغربت وردت بصبر علي تصرفاتها

-تلاقيه مع رجب أو الشباب هيكون فين يعني ،
-بصي طيب وامسكي اعصابك وبعدين نتكلم

وقفتها قدامها وبدأت تسمع صوت جوزها اللي بيتكلم في التليفون بصوت حنين وهمس ماسمعتهوش منه قبل كدا واهي متجوزاه ليها تلت سنين .. بيقول

-اسمك حلو اوووي ياريماس دا اسمك ولا بتكدبي عليا ؟
بضحكة ودلع
-هكدب عليك ليه انا صريحة معاك
-عندك كام سنة ؟

-23 وانت
انا .. 25
ضربت صدرها بغل وهي تعض شفتاها وتقول يا عجوز ياكداب دا انت عندك اكتر من 34سنة
اكمل تائها في صوت الأخري علي الهاتف
-مش هتوافقي اشوفك بقي وتبعتيلي صوره ؟
-لا
-طب افتحي فيديو واقفلي علي طول
- تؤ تؤ عايز تشوفني تعالي اسكندرية

-ايوووه علي اسكندريه. وبنات اسكندرية انا عندي شغل في المصنع اليومين دول ومش هعرف اسيبه
- انا معاك لما تفضي ننزل

لوت فادية فمها وقالت
-مصنع ياصايع انت لاقي تأكل والله لادخل اسيح دمك .. شدتها نادية وكتمت بوقها ونزلتها بالعافية وقالت

-ماتبقيش مجنونه العلاقات مابتتحلش كدا ما تكسرهوش قدامها وشوفي ايه اللي ناقصه واعمليه عدلي من نفسك وبعد
كدا حاسبيه ويمكن هو من نفسه يحب القاعدة معاكي ومايكلمش البت دي تاني ..

سحبت ذراعها من بين أيدي اختها وقالت بحدة
-والنبي اتلهي قالوا ابوقردان بيخض السمنه برجله قالوا كان بان علي ركبه ..

جلست نادية علي اقرب درجة سلم مبتلعه لسانها ولا تزد بعد ماسمعت اختها الوحيده تعيرها بعدم زواجها ومكوثها عذراء الي الآن وعمرها 24سنة في الأرياف تعد كبيرة ،الفتايات تتزوج في العادي من الثامنة عشر وتنجب بعد عام وتدخل دوامة الحياة الزوجية مبكرا وما دون ذلك فهي عانس تاه عنها القطار الذي سياكل ركابه يوما ما بسبب أفكارهم الرجعية 😁
_______ #أماني_عنان _______

تاني ليلة علي تسنيم في الغيط وماحدش عارف عنها حاجة وأبوها وأمها رجعوا البيت سوا بس مابيكلموش بعد ..
-ياولاد ..
كناية عن اسم سامية بما أنه مخاصمها وفي حالة نكد في البيت فبينادي باسم الولاد ردت نعم

-جهزولي لقمة اكلها ماكلتش من الصبح
- مافيش اخبار ؟
-مافيش ي وش الخير انتي وخلفتك

-ماتبلغ البوليس وهو يتصرف
-بنتك مش قاصر عشان ابلغ دلوقتي ولا تايهه هي مشيت بكيفها وقريب هوصل لها وأقطع رقبتها بايدي ..
-يا لهوي يابنتي لا

بتكلم نفسها بصوت واطي ،دخلت تحضر العشا وعماله تفكر فيها وشايله همها
-تكون راحت فين بس ياربي ، ياتري انتي فين ياتسنيم ؟؟
بعد ماياكل ويطلع يدور عليها انا هطلع انا كمان مش هفضل قاعدة حاطه ايدي علي خدي وبنتي في خطر  اللي يجري عليها يجري عليا بقي وربنا يسترها ..

#أماني_عنان _____________
هناء نسيت اللي حصل من ام ناديه وشاغل بالها تسنيم وهي متأكدة أن البنت شريفه وبريئه خدت امجد أبنها ونزلت الشارع قاصده بيت سامية قابلتها جارتها وقالت

-انتي راحه فين ياهناء ؟
-داخله عند ام تسنيم ليه في حاجة ؟
لوت بوقها وضيقت عيونها بتكبر وقالت :
-ام تسنيم ايه اللي تروحيلها ما تحافظي علي بيتك واسم جوزك وبلاش الجيرة دي خالص

غضبت هناء والتفتت له وقالت :
-بتقولي كدا ليه ؟
-مش بنتها طفشت مع واحد ومشيت معاه من غير جواز ولا حد يعرف لهم طريق
-واحد مين ؟
زاغت عيناها في حيرة
-مش عارفة
-امال بتقولي كدا ليه ،،مش حرام عليكي مادام مادام مافيش دليل ليه تفتري عليها
رفعت أيدها لتبرء نفسها قائلة :
-والله مانا دي ام نادية هي اللي بتقول
اتسعت عيون هناء :

-ام زفته تاني الست دي زي النار بتحرق الكل ومالهاش كبير ولا حد يترد عليه ،انا هروح لها
مسكت أيدها وقالت
ارجعي ياخايبه عشان ابنك بدل ماتطلع تفرج عليكي الشارع وتتبهدلي وانتي لا ليكي ولا عليكي ..
هدءت قليلا ثم عادت في صمت وذهول الي شقتها تفكر
-ازاي الناس دي عايشه وبتفتري كدا من غير ماتخاف من ربنا ؟؟
حسبي الله ونعم الوكيل ..
_________ #اماني_عنان ______
جت رسالة علي تليفون نادية
-وحشتيني
ابتسمت وتنفست بأريحية وهي تقول
-اسامة حبيبي
رن الهاتف بعدها مباشرة تردد لحظات وشردت في مستوي أسامة ابن تاجر الحبوب وبين مستواها ،هو دكتور وهي أمية تفك الخط وتكتب اسمها بصعوبة ..
-نادية انا لازم اشوفك حالا
-انت اتصلت تاني ليه ؟ مش قولنا خلاص ي دكتور طريقك غير طريقي ومافيش نصيب مابينا

-لا في انا بحبك ومش قادر اكمل مذاكرة ولا اكمل حياتي من غيرك انهد صدقيني

ابتسمت وقالت بحدة تخفي سعادتها
-واخرتها
-سيبي اخرتها لربنا وتعالي اشوفك وحشتيني حسي بقي بشوقي ولهفتي ..
-وانتي كمان وحشتني اوووي
-الله اخيرا اعترفي يألا انزلي

-استني يامجنون هنتقابل ازاي وفين ؟ انت فاكر نفسك ساكن في كومباوند
-هههههه جبتي كومباوند دي منين ؟
-شوفت هنقضيها تريقة واني جاهلة وماعرفش حاجة
-لا خلاص خلاص تعالي في الأرض نتمشي شويه وأملي عيني منك ..
لو حد شافنا تبقي مصيبة ،
-ماتخافيش في نفس الوقت كانت تسنيم نطت من الشباك قبل مالشباب تدخل وبدأت تجري وماكنش فيهم  ابن عمها لكن للاسف في ولد شافها وهي خايفه عجبه منظرها وحس احساس بدائي زي الوحش اللي بيطارد فريسته صرخ وقال :

-في بنت بتجري هناك اهي يا شباب

يتبع
#أماني_عنان