رواية فصلية الشيخ رافد الجزء العاشر
...
ﺯﻭﺟﻲ ﮔﺎﻝ ﻣﺪﺍﻡ ﺻﺮﺗﻲ ﺣﺎﻣﻞ ﺭﺟﻌﻴﻬﺎ ﻣﺎﻣﺠﺒﻮﺭ ﺍﺭﺑﻲ ﺑﻨﺎﺕ ﺍﻟﻌﺎﻟﻢ ﻣﺘﺖ ﻗﻬﺮ ﻭﻛﻈﻴﺘﻬﺎ ﻣﺸﺎﻛﻞ ﻭﻱ ﺯﻭﺟﻲ ﻟﻨﻮ ﺣﻴﻞ ﺍﺗﻌﻠﻘﺖ ﺑﻴﻬﺎ
ﺑﺲ ﺯﻭﺟﻲ ﻫﺪﺩﻧﻲ ﺍﺫﺍ ﻣﺎ ﺍﺭﺟﻌﻬﺎ ﺭﺍﺡ ﻳﻜﻮﻝ ﺍﻧﻮ ﻫﺎﻱ ﺍﻟﺒﻨﻴﺔ ﺑﺖ ﺭﺍﻓﺪ
ﻭﺍﺣﻨﺔ ﻣﻦ ﺍﺧﺬﻧﺎﻫﺎ ﮔﻠﻨﺔ ﻟﻠﻨﺎﺱ ﺍﺗﺒﻨﻨﻴﻨﺎﻫﺎ ﻣﻦ ﺍﻟﻤﻴﺘﻢ
ﺧﺎﺑﺮﺕ ﺍﻣﻲ ﻭﺣﺠﻴﺖ ﻭﻳﺎﻫﺎ
ﻛﺬﺍ ﻭﻛﺬﺍ ﺍﻟﺴﺎﻟﻔﺔ
ﺍﺟﺘﻨﻲ ﺍﻣﻲ ﺣﺎﻭﻟﺖ ﻭﻱ ﺯﻭﺟﻲ ﻭﮔﺎﻟﺖ ﺍﻧﻲ ﺍﺗﻜﻔﻞ ﺑﻤﺼﺎﺭﻳﻔﻬﺎ ﺑﺲ ﺑﻘﻴﻬﺎ ﻳﻤﻚ ﻣﺎ ﻗﺒﻞ ﺯﻭﺟﻲ
ﻭﮔﺎﻝ ﻋﻨﺪﻱ ﺧﻴﺮ ﻣﻦ ﺍﻟﻠﻪ ﻣﻮ ﻗﺼﺔ ﺍﻟﻤﺼﺎﺭﻳﻒ ﺑﺲ ﺍﻧﻲ ﻣﺎ ﻣﺠﺒﻮﺭ ﺍﺭﺑﻲ ﺑﻨﺎﺕ ﺍﻟﻌﺎﻟﻢ ﻣﻦ ﺗﺮﺣﻴﻦ ﺍﻟﻴﻮﻡ ﺍﺧﺬﻳﻬﺎ ﻭﻳﺎﺝ
ﺣﺮﻧﺔ ﺷﻨﺴﻮﻱ ﻭﻳﻦ ﻧﺮﻭﺡ
ﺍﻣﻲ ﮔﺎﻟﺖ ﺭﺍﺡ ﺍﺧﺬﻫﺎ ﻭﺍﺧﻠﻴﻬﺎ ﺑﺎﺏ ﺑﻴﺖ ﺭﺍﻓﺪ
ﻭﺍﻧﺘﻲ ﺍﺫﺍ ﺳﺌﻠﺘﺞ ﺳﺎﻟﻲ ﮔﻮﻟﻴﻠﻬﺎ ﺍﺗﻤﺮﺿﺖ ﻭﻣﺎﺗﺖ ﻭﺑﻌﺪ ﻻ ﺗﺠﻴﻦ ﺍﻟﻨﺔ ﻣﺪﺓ ﺷﻬﺮﻳﻦ
ﻭﻓﻌﻼ ﺍﻣﻲ ﺑﻠﻴﻞ ﺍﺧﺬﺗﻬﺎ ﻭﺍﺣﺲ ﺭﻭﺣﻲ ﻃﻠﻌﺖ ﺣﻴﻞ ﻣﺘﻌﻠﻘﺔ ﺑﻴﻬﺎ
ﺍﻡ ﻣﺤﻤﺪ ... ﺍﺧﺬﺗﻬﺎ ﻭﻛﺘﺒﺖ ﻭﺭﻗﺔ ﻭﺧﻠﻴﺘﻬﺎ ﺑﻤﻼﺑﺴﻬﺎ ﺍﻧﻮ ﻫﺎﻱ ﺍﻟﺒﻨﻴﺔ ﺍﻣﺎﻧﻪ ﻋﺪﻛﻢ ﻳﺠﻲ ﻳﻮﻡ ﻭﺍﺟﻲ ﺍﺧﺬﻫﺎ ﻫﺴﺔ ﺿﺮﻭﻓﻲ ﻣﺎﺗﺴﻤﺢ . ﻭﺩﻛﻴﺖ ﺍﻟﺒﺎﺏ ﻭﺭﺣﺖ ﺭﻛﺾ ﻭﺍﺑﺎﻭﻉ ﺍﺧﺬﻭﻫﺎ ﻳﻮ ﻻ
ﻃﻠﻊ ﺭﺍﻓﺪ ﻭﺍﺧﺬﻫﺎ ﻭﺩﺧﻠﻬﺎ ﻟﻠﺒﻴﺖ
ﺭﺍﻓﺪ .. ﺍﻧﺪﻛﺖ ﺍﻟﺒﺎﺏ ﻭﻃﻠﻌﺖ ﻟﻜﻴﺖ ﻃﻔﻠﺔ ﺑﻠﺒﺎﺏ ﺑﺎﻭﻋﺖ ﻳﻤﻴﻦ ﻭﻳﺴﺎﺭ ﻣﺎﻛﻮ ﺩﺧﻠﺘﻬﺎ ﻟﻠﺒﻴﺖ ﻭﺍﺧﺬﺗﻬﺎ ﺭﻛﺾ ﻝ ﺍﻣﻲ ﻳﻤﻪ ﺷﻮﻓﻲ
ﺷﻨﻮ ﻟﮕﻴﺖ ﺑﻠﺒﺎﺏ
ﺑﺴﻢ ﺍﻟﻠﻪ ﻣﺎﺷﺎﺀ ﺍﻟﻠﻪ ﺍﻛﻮ ﺍﺣﺪ ﻳﺮﻣﻲ ﻫﻞ ﺍﻟﺠﻤﺎﻝ
ﻳﻤﺔ ﺷﻮﻓﻴﻬﺎ ﻭ ﻟﻜﻴﺖ ﻭﺭﻗﺔ ﺑﻤﻼﺑﺴﻬﺎ ﺍﻧﻮ ﻫﺎﻱ ﺍﻣﺎﻧﻪ
ﺍﻣﻲ ﻓﺮﺣﺖ ﺑﻴﻬﺎ ﻭﮔﺎﻟﺖ ﺧﻠﻴﻬﺎ ﺍﻣﺎﻧﺔ ﻋﺪﻧﺔ ﻧﺪﻳﺮ ﺑﺎﻟﻨﺔ ﻋﻠﻴﻬﺎ ﻳﺠﻲ ﻳﻮﻡ ﻭﺍﻫﻠﻬﺎ ﻳﺎﺧﺬﻭﻫﺎ ﻟﻨﻮ ﻣﺎﻣﻌﻘﻮﻟﺔ ﻳﻌﻴﻔﻮﻥ ﻫﻞ
ﺍﻟﺠﻤﺎﻝ ﺍﻟﺒﻨﻴﺔ ﮔﻀﺘﻬﺎ ﻟﻴﻠﺘﻬﺎ ﺑﺲ ﺑﺠﻲ ﻭﺭﺣﺖ ﻟﻠﻤﺤﻞ ﺍﺷﺘﺮﻳﺖ ﺍﻟﻬﺎ ﻏﺮﺍﺽ ﻭﺣﻠﻴﺐ
ﺍﺣﺘﺎﺭﻳﻨﺔ ﺷﻨﺴﻮﻳﻠﻬﺎ ﻟﺨﺎﻃﺮ ﺗﺴﻜﺖ
ﻭﺑﻌﺪﻫﺎ ﺗﻮﻫﺎ ﺗﺘﻌﻠﻢ ﺍﻟﻤﺸﻲ ﺗﮕﻮﻡ ﻭﺗﻮﮔﻊ
ﺍﺳﺒﻮﻉ ﻳﺎﻟﻠﻪ ﺍﺗﻌﻮﺩﺕ ﻋﻠﻴﻨﺔ ﻭﺍﺗﻘﺒﻠﺘﻨﺔ
ﻭﺍﻟﺠﻬﺎﻝ ﻫﻢ ﺣﺒﻮﻫﺎ ﻭﻳﻠﻌﺒﻮﻥ ﻭﻳﺎﻫﺎ
ﺑﺲ ﺭﻭﻧﻖ ﻣﺎ ﺍﺗﺤﻤﻠﺘﻬﺎ ﻟﻨﻮ ﺗﻨﻄﻲ ﻣﻼﻣﺢ ﻟﺴﺎﻟﻲ
ﺣﻴﻞ ﻗﺎﺳﻴﺔ ﻭﻳﺎﻫﺎ ﺟﺎﻧﺖ ﻣﺮﺍﺕ ﺗﻀﺮﺑﻬﺎ
ﺍﻣﻲ ﮔﺎﻟﺖ ﻣﺎﻋﻠﻴﺞ ﺑﻴﻬﺎ ﺍﻧﻲ ﺍﺭﺑﻴﻬﺎ
ﻭﻓﻌﻼ ﺍﻣﻲ ﺭﺑﺘﻬﺎ ﻭﻛﻞ ﺍﻟﻲ ﻳﺴﺌﻠﻨﺔ ﺍﻟﻤﻦ ﻫﺎﻱ ﺍﻟﺒﻨﻴﺔ ﻧﻜﻮﻝ ﺍﻟﻬﻢ ﺍﻫﻠﻬﺎ ﺳﺎﻓﺮﻭ ﻭﺧﻠﻮﻫﺎ ﺍﻣﺎﻧﺔ ﻳﻤﻨﻪ
ﻭﻣﺮﺕ ﺍﻻﺷﻬﺮ ﻭﺍﺗﻌﻮﺩﺕ ﻋﻠﻴﻨﺔ
ﺳﺎﻟﻲ ... ﺩﺍﻭﻣﺖ ﺍﻭﻝ ﻳﻮﻡ ﺑﻠﻜﻠﻴﺔ ﻃﺐ ﺍﺳﻨﺎﻥ ﺣﻠﻤﻨﺔ ﻫﺬﺍ
ﻉ ﻃﻮﻝ ﻭﺣﺪﻱ . ﻣﺎ ﺍﺣﺐ ﺍﺻﺎﺩﻕ ﺑﻨﺎﺕ ﻟﻨﻮ ﺍﺧﺎﻑ ﺍﺧﺴﺮﻫﺎ ﻣﺜﻞ ﺗﻤﺎﺭﺓ
ﻳﻮﻣﻴﺔ ﺍﺩﺍﻭﻡ ﻭﺍﺑﺘﻌﺪ ﻋﻦ ﺍﻟﺒﻨﺎﺕ ﻭﺣﺪﻱ ﺍﻛﻌﺪ
ﻭﺍﻟﺒﻨﺎﺕ ﻳﺴﻤﻨﻲ ﺍﻟﻤﻌﻘﺪﺓ
ﻭﻛﻢ ﻭﻟﺪ ﺍﺟﻪ ﺻﺎﺭﺣﻨﻲ ﻭﺭﺍﺩﻭ ﻳﻜﻮﻥ ﻋﻼﻗﺎﺕ ﻭﻳﺎﻱ ﻣﻨﻬﻢ ﺍﻟﺼﺎﺩﻕ ﻭﻓﻌﻼ ﺟﺎﺩ ﻭﻣﻨﻬﻢ ﺍﻟﻜﺎﺫﺏ ﺍﻟﻴﺮﻳﺪ ﻳﻘﻀﻲ ﻭﻗﺖ
ﺍﻧﻲ ﻣﺎ ﺍﻫﺘﻢ ﺍﻟﻬﻢ ﺍﻧﻲ ﺟﺎﻳﻪ ﺍﻛﻤﻞ ﺩﺭﺍﺳﺘﻲ ﻣﺎﺟﺎﻳﺔ ﺍﻛﻮﻥ ﻋﻼﻗﺎﺕ ﻭﺍﺻﻼ ﺍﻧﻲ ﻛﺎﺭﻫﺔ ﺍﻟﺮﺟﺎﻝ ﺭﺍﻓﺪ ﻛﺮﻫﻨﻲ ﻭﻣﺴﺘﺤﻴﻞ ﺍﺭﺗﺒﻂ ﺑﻌﺪ ﺑﺸﺎﺏ
......
ﺣﺴﻴﻦ .. ﻃﺎﻟﺐ ﻣﺮﺣﻠﺔ ﺭﺍﺑﻌﺔ ﻃﺐ ﺍﺳﻨﺎﻥ ﻃﻮﻟﻲ 180 ﺷﻜﻠﻲ ﻣﻘﺒﻮﻝ ﺍﻫﻠﻲ ﻧﺎﺱ ﻣﻌﺮﻭﻓﻴﻦ ﺗﺠﺎﺭ
ﻭﺍﻧﻲ ﻭﺍﺣﺪ ﻫﺘﻠﻲ ﻭﺳﺎﻓﻠﺔ ﻭﺍﻛﺒﺮ ﻧﺴﻮﻧﺠﻲ ﺍﺩﻭﺭ ﺑﻨﺎﺕ ﺑﺲ ﺑﻠﻜﻠﻴﺔ ﺍﺑﺪ ﻣﺎ ﺍﺳﻮﻱ ﺷﻲ ﻋﻼﻗﺎﺗﻲ ﺍﻛﻮﻧﻬﺎ ﻭﻱ ﺍﻟﺒﻨﺎﺕ ﺧﺎﺭﺝ ﺍﻟﻜﻠﻴﺔ
ﺛﻼﺛﺔ ﺳﻨﻮﺍﺕ ﺑﻠﻜﻠﻴﺔ ﻣﺎ ﺑﻨﻴﺔ ﺩﺧﻠﺖ ﻣﺰﺍﺟﻲ ﺍﺑﺪ
ﻓﺪ ﻳﻮﻡ ﻛﺎﻋﺪ ﺑﻠﺤﺪﻳﻘﺔ ﺍﻧﻲ ﻭﺯﻣﻼﺋﻲ ﻭﺯﻣﻴﻼﺗﻲ ﺍﺟﺖ ﺑﻨﻴﺔ ﻛﻌﺪﺕ ﺑﻠﻤﺼﻄﺒﻪ ﺍﻟﻜﺪﺍﻣﻨﺔ ﻭﺻﺎﺭﺕ ﮔﺒﺎﻟﻨﺔ ﺍﻭﻭﻭﻑ ﻳﺎﻟﻠﻪ ﺳﺒﺤﺎﻥ ﺍﻟﺨﻠﻘﻬﺎ
ﺍﻭﻝ ﻣﺮﺓ ﺍﺷﻮﻑ ﺑﻨﻴﺔ ﻫﻴﺞ ﺑﺴﻴﻄﺔ ﻭﺣﻠﻮﺓ ﻭﻛﻞ ﻣﻜﻴﺎﺝ ﻣﺎﻣﺨﻠﻴﺔ ﺟﻤﺎﻟﻬﺎ ﺭﺑﺎﻧﻲ ﻭﺷﻌﺮﻫﺎ ﺿﺎﻓﺮﺗﺔ ﻇﻔﻴﺮﺓ ﻫﻨﺪﻳﺔ
ﺑﻘﻴﺖ ﺻﺎﻓﻦ ﻋﻠﻴﻬﺎ
ﺍﻟﺤﻠﻮ ﺑﻠﻤﻮﺿﻮﻉ ﻛﻞ ﻣﺠﻤﻮﻋﺘﻲ ﺍﻟﻜﺎﻋﺪﻳﻦ ﺳﻮﺓ ﻋﺪﻫﻢ ﻛﺒﻼﺕ ﺍﻻ ﺍﻧﻲ
ﮔﺎﻋﺪﻳﻦ ﻧﺤﺠﻲ ﺑﺨﺼﻮﺹ ﺍﻻﺳﻨﺎﻥ ﻭﻧﺘﻨﺎﻗﺶ
ﻭﺍﻧﻲ ﺻﻔﻨﺖ ﻋﻠﻴﻬﺎ ﺑﺎﻟﻲ ﻣﻮ ﻭﻳﺎﻫﻢ ﺍﺑﺪ ﺑﺎﻟﻲ ﻳﻢ ﻫﺎﻱ ﺍﻟﻄﺎﻟﺒﺔ ﻣﺒﻴﻨﺔ ﻣﺮﺣﻠﺔ ﺍﻭﻟﻰ
ﻭﮔﺎﻋﺪﻩ ﻭﺣﺪﻫﺎ ﮔﻠﺖ ﻳﻤﻜﻦ ﻣﻨﺘﻈﺮﺓ ﮔﺒﻠﻬﺎ ﻣﺎﻣﻌﻘﻮﻟﺔ ﻫﻞ ﺍﻟﺠﻤﺎﻝ ﻣﺎﻣﻜﺒﻠﺔ
ﺍﻧﺘﺒﻬﻮ ﻋﻠﻴﺔ ﺯﻣﻼﺋﻲ ﻭﺯﻣﻴﻼﺗﻲ ﻋﻴﻨﻲ ﻭﻳﻦ ﺭﺍﺣﺖ
ﺿﺤﻜﻮ ﻭﮔﺎﻟﻮ ﺭﻭﺡ ﻻ ﺗﺒﻘﺔ ﺻﺎﻓﻦ ﺭﻭﺡ ﺣﺎﺟﻴﻬﺎ
ﺍﻟﻤﻬﻢ ﺩﻓﻌﻮﻧﻲ ﻛﻮﺓ ﺭﺣﺖ ﺧﺠﻼﻥ ﻣﻨﻬﺎ ﺷﺤﺠﻲ ﻭﻳﺎﻫﺎ ﺍﻗﺘﺮﺑﺖ ﺍﻟﻬﺎ ﺑﺎﻭﻋﺖ ﻉ ﺍﻳﺪﻫﺎ ﺍﻟﺤﻤﺪ ﺍﻟﻠﻪ ﻻ ﻣﺨﻄﻮﺑﺔ ﻭﻻ ﻣﺰﻭﺟﺔ ﻣﺎﻛﻮ ﺣﻠﻘﺔ
ﻭﺻﻠﺖ ﻳﻤﻬﺎ ﻭﻛﺘﻠﻬﺎ ﻣﺮﺣﺒﺎ
ﺳﺎﻟﻲ ... ﻛﻞ ﺍﻟﻌﺎﺩﺓ ﻣﻨﺘﻈﺮﺓ ﻭﺣﺪﻱ ﺍﻟﻤﺤﺎﺿﺮﺍﺕ ﻭﻛﺎﻋﺪ ﺑﻠﺤﺪﻳﻘﺔ
ﺍﺟﻪ ﻭﻟﺪ ﺍﻟﻲ ﻭﻛﺎﻟﻲ ﻣﺮﺣﺒﺎ
ﺍﻧﻲ ﻏﻠﺴﺖ
ﮔﺎﻟﻲ ﻣﺮﺓ ﺛﺎﻧﻴﺎ ﻣﺮﺣﺒﺎ ﻭﻛﻌﺪ ﻳﻤﻲ ﮔﺎﻝ ﺭﺩﻱ ﺍﻟﺴﻼﻡ
ﮔﺘﻠﺔ ﻭﻋﻠﻴﻜﻢ ﺍﻟﺴﻼﻡ ﮔﺘﻠﻪ ﺍﺗﻔﻀﻞ ﺍﺣﺠﻲ ﺍﻟﻲ ﻋﻨﺪﻙ
ﻻ ﺧﻠﻴﻨﻲ ﺍﻧﻲ ﺍﺣﺠﻲ ﻣﻜﺎﻧﻚ ﺍﻧﺖ ﻻﺗﺤﺠﻲ ﺑﺲ ﺍﺳﻤﻌﻨﻲ
( ﺷﻔﺘﺞ ﻭﺍﻧﻌﺠﺒﺖ ﺑﻴﺞ ﻭﻣﺎﻋﻨﺪﻱ ﻋﻼﻗﺎﺕ ﻗﺒﻞ ﻭﺍﻧﺘﻲ ﺍﻭﻝ ﻭﺣﺪﺓ ﺩﺧﻠﺘﻲ ﮔﻠﺒﻲ ﻭﺭﺍﺡ ﺗﻜﻮﻧﻴﻦ ﺣﺒﻲ ﺍﻻﻭﻝ ﻭﻣﻦ ﺍﻭﻝ ﻧﻀﺮﺓ ﺣﺒﻴﺘﺞ ﻭﺍﺭﻳﺪ ﺍﻛﻮﻥ ﻭﻳﺎﺝ ﻋﻼﻗﺔ ﻛﻢ ﺷﻬﺮ ﺍﺫﺍ ﻣﺘﻔﺎﻫﻴﻦ ﺍﺟﻲ ﺍﺧﻄﺐ ﻭﻧﺰﻭﺝ ﻭﻧﺠﻴﺐ ﻛﻢ ﺟﺎﻫﻞ ﺍﻟﺒﻨﺎﺕ ﻳﺸﺒﻬﻮﻧﺞ ﻭﺍﻟﻮﻟﺪ ﻳﺸﺒﻬﻮﻧﻲ ) ﺗﺮﻯ ﺷﺒﻌﺖ ﻣﻦ ﻫﻞ ﺍﻻﺳﻄﻮﺍﻧﺔ ﻛﻢ ﻭﻟﺪ ﺍﺟﺔ ﺻﺎﺭﺣﻨﻲ ﻭﻛﻠﻜﻢ ﻧﻔﺲ ﺍﻟﻜﻼﻡ ﺗﻌﻴﺪﻭﻧﺔ ﻟﺬﺍﻟﻚ ﺍﺧﺘﺼﺮﺕ ﻋﻠﻴﻚ ﻭﺣﺠﻴﺖ ﻣﻜﺎﻧﻚ
ﺣﺴﻴﻦ ... ﺷﻨﻮ ﻣﻦ ﺑﻨﻴﺔ ﻳﺎﻟﻠﻪ ﻫﻬﻬﻬﻪ ﻳﻤﻜﻦ ﻣﻦ ﻛﺪ ﻣﺎﻣﺼﺎﺭﺣﻴﻨﻬﺎ ﺟﺰﻋﺖ ﻧﻔﺴﻬﺎ ﺑﺲ ﺧﻞ ﺗﻮﻟﻲ ﻣﺒﻴﻨﻪ ﻣﻐﺮﻭﺭﺓ ﺧﻞ ﺍﻛﺴﺮ ﺧﺸﻤﻬﺎ ﻭﺍﻓﺸﻠﻬﺎ
ﮔﺘﻠﻬﺎ ﺧﻠﺼﺘﻲ ﻛﻼﻣﺞ ﻋﺰﻳﺰﺗﻲ ﻛﻞ ﻫﺬﺍ ﺍﻟﻲ ﺣﺠﻴﺖ ﻣﻮ ﺻﺢ
ﻫﺬﺍ ﺍﻟﻤﻜﺎﻥ ﺣﺎﺟﺰﻳﻨﺔ ﺍﻧﻲ ﻭﺯﻣﻼﺋﻲ ﻫﺴﺔ ﻧﺮﻳﺪ ﻧﺪﺭﺱ ﻟﻨﻮ ﻋﺪﻧﺔ ﺍﻣﺘﺤﺎﻥ ﻭﺍﻧﺘﻲ ﻛﻌﺪﺗﻲ ﺑﻲ ﻟﺬﺍﻟﻚ ﻟﻮ ﺳﻤﺤﺘﻲ ﻣﻤﻜﻦ ﺗﮕﻮﻣﻴﻦ ﻣﻨﺎ ﺍﺻﻼ ﺍﻧﻲ ﻣﺮﺗﺒﻂ ﻣﺎ ﺍﺩﻭﺭ ﺑﻨﺎﺕ ﻭﺍﺻﺎﺭﺡ ﺍﻟﻤﺮﺓ ﺍﻟﺦ ﻻﺗﺴﺘﻌﺠﻠﻴﻦ
ﺳﺎﻟﻲ .. ﻳﻤﻪ ﻣﻦ ﺍﺷﻜﺪ ﻋﻴﺐ ﺣﻴﻞ ﺧﺠﻠﺖ ﻣﻦ ﻋﻨﺪﺓ
ﻳﺎﺭﻳﺖ ﺍﻟﮕﺎﻉ . ﺗﻨﺸﻚ ﻭﺗﺒﻠﻌﻠﻨﻲ ﺷﻨﻮ ﺣﺠﻴﺖ ﺍﻧﻲ
ﮔﺘﻠﺔ ﺍﺳﻔﺔ ﻭﺭﺣﺖ ﺑﺴﻜﺘﻬﺎ
ﺣﺴﻴﻦ ... ﻫﻬﻬﻬﻬﻬﻪ ﺷﻮﻥ ﻭﺟﻬﺎ ﺻﺎﺭ ﻃﻤﺎﻃﺔ
ﺧﺠﻠﺖ ﺛﻮﻟﺔ ﻣﺎﻣﻔﺮﻭﺽ ﺗﺤﺠﻲ ﻫﻴﺞ ﺗﺴﻤﻌﻨﻲ
ﺍﺟﻮ ﺯﻣﻼﺋﻲ ﺍﻟﻲ ﻫﺎ ﺷﻨﻮ ﺍﺷﻮﻓﻚ ﺣﺠﻴﺘﻮ ﻭﺑﻌﺪ ﺍﻟﺒﻨﻴﺔ ﺧﺠﻠﺖ ﺍﺷﻜﻠﺖ ﺍﻟﻬﺎ ﺍﺣﺠﻲ ﻭﻟﻚ
ﮔﺘﻠﻬﻢ ﺧﻞ ﺗﻮﻟﻲ ﻭﺣﺪﺓ ﻣﺘﻜﺒﺮﺓ ﻭﻣﻐﺮﻭﺭﺓ ﻣﺎﺗﻔﻴﺪﻧﻲ ﻫﻴﺞ ﺻﺎﺭ
أنت تقرأ
روايت شيخ رافد
Mystery / Thrillerﻋﻴﻮﻥ ﻣﻠﻴﺌﻪَ ﺑﻠﺪﻣﻮﻉ ، ﻭﺍﻧﻒ ﺍﺣﻤﺮ ، ﻭﻣﻼﻣﺢ ﻣﻠﻴﺌﻪَ ﺑﻞ ﻳﺄﺱ ، ﻫﻜﺬﺍ ﻳﻜﺘﻤﻞ ﻳﻮﻣﻲ ﻛﻞ ﻳﻮﻡ ، ﻻ ﺍﻋﺮﻑ ﻛﻢ ﺳﺄﻗﻀﻲ ﻣﻦ ﺣﻴﺎﺗﻲ ﻓﻲ ﻫﺬﻩ ﺍﻟﺪﻭﺍﻣﻪ
