تحديات

القصة الأولى (حب في الليسي)

اليوم نحكيلكم حكايتي وانا برك اللي راح نتكلم فهادي القصة أنا أنفال من وهران عمري 17 سنة هاي السنة حانجوز الباك تقنطت والله
نوصفلكم روحي انا جاية طويلة سمرا و قارية نلبس مليح سترت روحي عمري ماحبيت عمري ماخرجت مع طفل  خاطيني الصحبات ما عندي حتى وحدة. حلمي نولي دوكتور انشاء الله يا رب  عندي يما واسمها فوزية وبابا واسموا صالح هوما اللي اونكوراجاوني باش نلحق لهاد niveau  ديت 16.78 المعدل السنوي لوكان نكمل هاكاك حانتحصل على الباك ونخرج نروح لفرنسا
مي كلشي تبدل فهاد السنة ايا نبداو حكايتي
لحق الفصل الأول دخلت الكلاسة  نورمال لحقت 10 باش نخرجوا للساحة حتى جاو 2 بنات واحدا واسمها شاهيناز واللخرى تينهنان
شاهيناز : واش أنفال CV
أنا : CV hmdllh et toi
شاهيناز : رانا نعيشوا . جيتك باش نقلك راه بعتني باديس ليك راهو هبل عليك كل يوم فالميسنجر يهدرنا عليك مدالنا نيميرو تاع التيليفون تاعو قالنا نمدوهولك الحقي للدار وعيطيلوا
انا : بصححح....
تينهينان : ماتقولي والو الحقي للدار و شوفي واش تديري باديس راهو يموت عليك وناويك الحلال والله ديجا جامي خرج وكان يستنى تكبري باش يدومونديك stp خممي
انا : اوك باي راها صونات
هوما الزوج : باي
دخت عمبالك ههه انا رحت ماعلاباليش واش رح ندير تشوكيت
حقا باديس طفل نعرفوا مالسوام كان ديما معايا كيمات جدي هو اللي صبرني وكان معايا وتوجور معايا واحد مايكدب على روحوا انا تاني عندي احاسيس ليه مي دوك نشوفوا
عينية نوازات وجاي بزاف اسمر شعروا صغير ماشي طويل مليح توجور يدير كاسكيطة ريحتوا تهبل

لعشية :
وليت للدار رحت للصالون شديت الطابلات تاعي و دخلت للفايسبوك حتى لقيت invitation تاعو تشوكيت خممت اذا رح نقبلوا ولا لا بصح والديا دارو فيا كونفيونس مي انا ماراحش نخذلهم بففففف
اكسيبتيتو حتى لقيتوا écrit
هو : cc
انا :cc
هو : khemamti chwiya
انا : ايه خممت
هو : واش تقولي
انا : شوف انا مانكدبش عندي احاسيس ليك ميبصح مارانيش حابة نخذل والدي ونخرج معاك مي امبوسيبل نخرجوا رح نكونوا اون كونتاكت رح نهدروا فالليسي مي بالاك تقول لواحد رانا اون كوبل
هو : يااااااع ميرسيي 😃😃😃😃😃راني فرحان والله مانقول لحتى واحد والله

وكملنا هدرنا وهدرنا جازوا ليامات ولات العلاقة تاعنا تتطور كنا نتلاقاو فبعض البلايس علابالكم العقلية تع الليسي هه ولينا بيان وكامل حتى لحقت النتيجة تاع الفصل الاول
كنت مقلقة باسكو ماخدمتش مليح حتى لقيت 11,26
كنت مشوكية قعدت غير نبكي ماما ضربتني ونحاولي الطابلات اللي كنت نكونيكتي فيها ياربي كيفاش حنجوز les vacances
بلا باديس جوزت السيمانة فاكتئاب ديسيديت نقراا يبصح كل مانخمم فباديس نتوه وصلت لديسيزيو وهو نتفارقوا علابالي واحد مارح يفهمني بارسكو كنت ندي 16 حتى لحقت ل11
رحت لماما قعدت نبكي قدامها ونقولها سامحيني ياماما والله مانزيد نعاودها صراتلي خطرة ونوعدك اللخرة كي باستني ماما حسيت بواحد الاطمئنان prq   كلشي الا رضى الوالدين و الله رحت خذيت التيليفون تاع ماما وانا مترددة بصح كان لازم كنت حافظة النيميرو تاعو كنت موالفة نعيطلوا لعشية
انا : الو باديس
باديس : يا عمري حتى دوك كنت خايف عليك
انا : اسمعني حابة نقلك حاجة
باديس : روحي حبي
انا : شوف راني ديت 11 معدل وهادا كامل كي كنت معاك بزاف تمسخرت هاد العام ني وعدت والديا ماتتعاودش هاي الضربة اسمحلي بزاف مي لازم نفتراقوا شويا ويرحم باباك ماتزعفش stp  ومانيش نقولك نحبسوا خلي هاد للعام يجوز بخير ومبعد راح نكملوا والله
هو  : انفال حابة نقولك بلي نتي تاعي كيما صبرت 8 سنين رح نصبر نص عام اوك ماتخافيش راني متفهمك ديجاحانقول لبابا يبدلني ليسي هاكاك خير على قرايتك وقرايتي مي ماتخافيش راني توجور معاك اوك وراح نخطبك وتكوني حلالي نصبروا برك ربي راهو معانا
انا : باي
هو : باي
انا هما صايي بكيت بكيت بكيت لعشية مانمتش رحت نصلي وندعي ونسمع القرآن
وندعي ربي يجمعنا الحلال كانت الستة  تاع الصباح بقات سمانة ندخلوا الفص الثاني رحت رقدت حتى العشرة فقت سيقت ڨاع الدار ماما كانت راضية عني وبابا تاني كانو معايا عاونوني رجعولي الطابلات باش تقرا مي رفضت كان عندنا بيسي
قريت صبح وعشية كنت نحفظ ندير كور خلاص الفصل الثاني وراني بعيدة على باديس راني حاب نشوفه ماراهوش يعيطلي ماعلاباليش اذا نساني ولا لالا مي وعدني راني تاكلة عليه كيما يقولوا ثقة عمياء
جبت 17.49 فرحت ماما وبابا وانا كنت فرحانة هاديك لعشية تاع ليبولتان عيطلي باديس كانت الدمعة حاطيحلي توحشتوا توحشت الضحكة تاعوا توحشت كلش
انا : الو باديس
هو : الو عمري شحال ديتي
انا : ديت 17.49
هو : يااا فرحتيني والله انا تاني ديت خير مالفصل الاول ديت 15.98
انا : ياااا باديس ماشي هكا خير
هو: ايه حبي حانكملوا هاكا ونكونوا متاحدين بالاكي تنسايني يرحم باباك
انا : ماتخافش باي
بفففف عييت كيفاش نحب واحد ومانشوفوش ومانعيطلوش المهمممم هادوك 15 يوم تع فاكونس جوزتهم غير دروس تدعيمية كنت نصلي و ديفوا مالخوف نرقد مع ماما 😂والله المهم قريت حفظت كنت نحاول ننحي الستراس بصح ماقضيتش
المهم جاز الفصل الثالث تانيك وانا قراية ودراسة وزدت فورسيت روحي نفرا ونحفظ وكلس وحققت حلمي وديت 18.06 فالفصل الثالث كنت فخورة بنفسي كنت نستنى باديس يعيط مي والو ماعيطش ماعلاباليش وعلاش
كن نشوفوا كينروح للحانوت حسيتوا تبدل عليا ميعفست علاقالبي و قلت بلي ماصرا والو
المهمم بدا الساتراس بدا كلش دوك
كنت مقلقة بقات غير سمانة للباك كنت نعد ليام بيدي حتى لحقت العشية تاع الباك تماك عيطلي باديس
هو : الو انفال
انا : وي باديس
هو : ماتخافيش اوكي راني معاك روحي راهو معاك راني حاب لوكان راني قدامك وحضنتك مي ماننجمش ربي راهو معانا نتكلوا عليه برك علابالي بلي راكي تبكي ايا اهدري
انا :(كنت نهدر حكمتني البحة والقنطة وبكيت قدامو)
هو : ابكي وماتخافيش ابكي انفال راني معاك وتوجور معاك
انا : اوك
هو : تقدري تبقاي هكا وماتغلقيش التيليفون
انا : w les unités
هو : ماتخافيش عندي
انا :اوك
نمنا مع بعض شغل نمنا والتيليفون بيناتنا نضت الصباح لقيت ميساج من عندو قالي ماتخافيش
نضت على الرابعة تع الصبح جهزت روحي و صليت دعيت درت كلشي
ورحت وتلاقينا انا وباديس مي ماجاش ليا باسكو الباك نكونوا ڨاع فليسي واحد
المهم جازت السمانة درت ڨاع البوسيبل ديالي لحق وقت النتائج فيلميتو  وراهو عندي ذكرى للتعب اللي تعبتوا وذكرى لكل لحظة مرة باسيتها ديت 17.89
كنت ميتة بالفرحة رح نروح لفرنسا
هنا تفكرت بلي رح نزيد 6 سنين بلا مانشوفوا 😭😭😭😭ياربي وعلاششش
عيطتلوا
انا : باديس شحال ديت
هو : ههههه ديت15.07 انفال راني ميت بالفرحة
انا: باديس انا جبت 17.98
هو : يا عمريي الحمدالله راه جاز العام ورح نشوفك العام الجاي
انا : ماننجمش
هو : وعلاش
انا : رح نروح لفرنسا
هو: ياا نسيتهاا كامل. بففففف روحي قرايتك اللي رح تحدد مصيرك روحي وماتخافيش حانزيدوا نصبروا هادا ماكان
انا : اوك باي
جازوا شهور هييت روحي باش نخرج مالجزائر  البلاد اللي رباتني ياربي كنت نويت حانتهنا مي ماتهنيتش
بففففف
لحقت هكاك جازوا شهور وشهور وانا توجور نبكي بصح مانبينش لباديس ديفوا يفيقلي مي مينداك لالا
كنت نخدم فنفس الوقت ايا كنت نجمع فالدراهم والحمدالله راني نعيش احلى عيشة من ناحية المادية بصح المعنوية راني في انهيار واكتئاب
جازوا 5 سنين
حتى جا اليوم اللي عيطلي بابا
انا : او بابا واشراك
بابا: سافا بنتي حمدالله راني حابة نقولك حاجة
هو : رانا مديناك
انا : واشنووو
هو : راكي مخطوبة تلحقي للجزائر نديركم عرس
انا : بابا ماشي وقت تع تمسخير
وكوبالي انا تماك مالقيتش واش ندير كنت نبكي ونندب ياربي باديس لالا مانقدرش سايي بفففف
عيطت لباديس حكيتلوا كوبا عليا ديراكت وقالي بون شونس كنت هادوك ليامات غير نبكي ونندب جا الوقت نولي البلاد وليت دخلت للدار ولقيت باديس فالدار  مع والديه وماما وبابا كنت مشوكية
بابا : بنتي ياخي قلتلك مديتك هاكي مديتك لباديس
انا قعدت نبكي جا باديس وعانقني وعانقتو ياعمرييي شحال توحشتواا كنت حايب ندير كتر مي حشمت من الناس اللي كانوا تماك عنقتوا
جاو ليامات درنا عرس وجبنا زوج عصافير واحد واسمو أمير واللخرى مروى 

حابة نقلكم حاجة البنات اللي راها تحب واحد وماتسمحش فيه بالايكي تضيعيه من يديك واحرصي عليه باسكو حايجي اليوم اللي رح تندمي فيه واذا كنت خلاطة حابة نقلك ربي يهديك
انشاء الله تعجبكم الرواية