تحديات

التحدي الثاني القصة الأولي

التحدي درتوا مع Abir183 راني حابة كل وحدة فيكم قبل ماتقرا تكتب فالكومونتار بداي ليكرونيك عبير رانا حابين نشوفوك تكتبي ويلااا نبداو

القصة الأولى :

أنا فراس عمري 24 سنة ليوم جيت نحكيلكم حكايتي لي بدأت كيف كان عمري 16 سنة نهار لي خرجت برا و تفتحت عينيا على حوايج غالطين نهار تبعت رفقة السوء
*قبل 8 سنوات
احمد:الو فراس رانا نستناو فيك في الستاد عندنا ماتش ما تنساش
فراس:داكور صاحبي راني جاي .....لبست و خرجت
ماما (حليمة):وليدي ماطولش نستناوك على العشاء
فراس:داكور ماما ماتخافيش
خرجت وصلت لصحابي بدينا الماتش كيف كملنا بقينا مقصرين جبدو الدخان بصح دخان جديد هذا كان زطلة  بقيت نشوفلهم حتى
أحمد:هاك جري صاحبي و الله تنسى همومك
كيف قال همومك تفكرت مشاكل تفكرت الضرب لي كل يوم ندي فيه من عند راجل يما لي كل يوم يروح سكران حبيت غير ننسى همومي حكمت من عندو كانت هاذي بداية ادماني على المخدرات
بقيت هكاك تقريب 4 سنين في هادي الفترة كنت غير دخان زطلة خماجات كل يوم نديرو مشاكل حتى العراك خلالي سيكاتريس في ذراعي وشمت فيها باه نغطيها و في ظهري اوسي شكلي ولا يخوف وليت كلوشار مام فالحومة يعرفوني وليت نروح لدار غير نرقد ماما عيات هدرت معايا كل يوم تستناني حتى نروح
ماما :فراس وليدي خلاص يزينا من الهم هذا هيا وليدي خلاص و باباك من قبيل يسنتى فيك اليوم ماتخلاصش
فراس(كنت دايخ عينيا راح يتقفلو ):ماهوش بابا انا بابا مات و انا صغير هذا سبابي راجلك لي خلاني هك بعدووووني خلاااص
في الوقت لي نعيط فيه خرج راجلها و بدا يعيط و حاب يضربني بصح ماتصراش هذاك فراس القديم لي يدي الضرب و يسكت
جمال:يا رخيس موتك على يدي فضحتنا قدام الجيران
فراس:الجيران انت فضحتنا قدامهم من بكري ماشي جديدة و باه تزيد ترفد يدك عليا نكسرها ماشي انا لي تضربني سمعت
جمال:اخرج عليا يا الخامج هادي اخرها ترفد يدك عليا
حليمة:جمال كيفاه تحاوز الطفل يزينا
انا مابقيتش نسمعلهم روحت رفدت ساكادو تاعجمال:ماخصكش في أمور الكبار اخرج من داري
فراس:تفوه يا الكلب والله ماتحشم
خرجت الباب و خرجت من الدار وصلت لداري من زهري مالقيت والو ناكل روحت رقدت باسكو صباح عندي خرجة مع صحابي
في الصباح:
نضت على صوت تيليفوني لقيت أحمد يعيطلي عرفت روحي بلي روتار دوشت لبست و ضربت الحطة و خرجت انا خرجت من الباب و قابلوني اقل ما يقال عليها ملاك على الأرض عينيها زرق بشرتها بيضاء و الحجاب زايدها حلاوة بقيت نشوف معاها حتى هبطت راسها و هربت مني ماحبتش نتبعها باسكو باينة جارتي ههههه روحت مع صحابي فوتنا نهار في البحر مع الدخان و شويا تشياخ حتى الليل و رجعنا كنت خابطها للخر رقدت طول كيف نضت كانت الوحدة ندمت حبيبة نخوض فالوقت تاع البارح باه نشوف ملاكي روحت دوشت بملل و خرجت نتغدا فاتو ليام لعوام مازدتش خليتها تشوفني بقيت نراقب فيها من بعيد برك باسكو حالتي ماتسمحش نكون معاها و شفتها هي متربية و عاقلة تستاهلي ما حير مي امبوسيبل نخليها مع لي خير مني راح تكون ليا لمرة هادي باسكو نهار جابت الباك جاو خطبوها بصح باباها ماقبلش قالهم صغيرة (ماتسقسونيش مين عرفا باسكو علبالي قداه تتنفس فالنهار) بعد ما فاتو عامين نعرف كولشي عليها ما حبيتش نرجع لدارنا غير على جالها حتى نهار روحت نشوف وحدة من لي يضلو لاصقين فيا في الجامعة و انا قاعد معاها تفوت عليا ملاكي خليه هادييك قاعدة و تبعتها
فارس:واش الزين ماتقيميش جارك
****:غير الخير خويا
فراس:ماشي خوك اعطيلي نيميرو من بعد نعيطلك
راحت تكمل طريقها بلا ما تقيمني انا الجن ركبني روحت حكمتها من ذراعها
فراس:كيف يهدر فراس حاجة يسموها تطبق سمعتيني!!!!
****:سيلفوبلي خويا خليني نكمل طريقي
فراس:ماشي خوك و اعطيلي النيميرو دوك نمشي
****:داكور بصح ماتحلمش ترفد عليك 06♡♡♡♡♡♡♡♡
فراس: ميرسي الزين بصح يكون غالط يسموني نجيك الدار نديه قدامك
****:بسيكوبات خامج
فراس:مرسي على المدح و دوكا داركم طول راسك ماترفديهش
****:تفوووووه
فراس:مرسي روحي برك من بعد نحاسبك على كلشي
في الليل:
رفدت تيليفوني و عيطلها عامين و انا صابر عليها نحب فيها من بعيد مابقاش عندي صبر هي كلها مرة زوج ثلاثة مارفدتش بعثتها ميساج*خيري ملاكي ترفدي ولا نجي نشوفك في وسط داركم * هههههه مسكينة تخلعت عيطتلي كوبين و عاودتلها
فراس:ملاكي خفتي نجيك
****:خامج كلب
فراس:اييه مرسي
****:وش تسحق في نص الليل يا هم
فراس:تولي معايا
****:مهبول انت امبوسيبل باي
فراس:كلمة فراس ماتتعاودش
****:فراس فراس رئيس ولا!!!
فراس:اسمي كي شباب من فمك
****:ماتحشمش ديجا مانعرفكش انت اسمي ماتعرفوش جاي تحرش بيا ولا ايا قود عليا
فراس:مش نسقسيك فيك من اليوم انت حبيبتي نقلك نتلقاو تجيني نهبطلك ترفدي بالوقت منحبش نستنى بن8 ريونتي
كوبيت ماخالتهاش تريبوندي مسكينة
عند****:
الكلب بسيكوبات خامج ااووو من يعرف اسمي هذا راح نهبل يا ربي عاونني  مممممم علابالي ماتعرفونيش انا ريان عمري 20 سنة نقرا سنة ثانية طب أسنان ههه في الشكل خلي المختل تع فراس يقلكم نحبش نمدح روحي😂 انا وحيدتك ماما و بابا عايشين هنا بشكل مؤقت باسكو بابا ضابط جيش هنا مازالت عامين و نرحلو و فراس هو مشكلة حياتي هو جارنا يسكن مقابلنا شوفتو 3 مرات برك مالقري ماما تقلي نشوفو توجور مي يقود صح بوقوص زل بقلاوة ماعندي ما نقول فيه بصح شكلو يخوف موشم شعرو طالع لسماء و يخوف و زيد مانحملوش دايها في روحو مليار يقود ديجا راح مرقد
في الصباح عند فراس
فراس:الو يما ....مش راح نرجع تماك اروحو أنتم عندي مرحبا بيكم...باي
يما راح تهبلني كل يوم تبكي على رجوعي لدار و انا مانقدرش نخلي ملاكي  وحدها ديجا توحشتها راح نعيطلها
فراس:الو يا لالة متقوليش حبيبي نسقسيك عليه
ريان:وش تسحق يا هم على صباح نقرا نقرا يا زح
فراس:ليوم نتلقاو بيبيشتي
ريان:خرا منجيش psq نقرا
فراس: مش نسقسي فيك على 1 نكون قدام باب لافاك صحا
كوبيييت و روحت نوجد روحي ركبت طوموبيل و روحت وصلت لقيت واقفة تستنا فيا
فراس:شطورة ريونتي تستناي فيا هيا اركبي نقلعووو
ريان:ناناك نستنى فيك نستنى فالبيس قود هذا ماخصني
فراس:مايلقيش معاك العقل
هبطت رفدتها و دخلتها و هي تخبط بقوة النملة لي عندها
ريان:يا بسيكوبات افتح افتح والله ماتحشم يا نااس عاونوني
فراس :زيدي عيطي شويا حبي واحد ما سامع بيك بلعي
ريان:$#@#^£¥₩₩£€/#@@@#$
فراس:شكون الخامج انا ولا انتي!!!!!
ريان:بلع برك ديجا جعت
فراس:ههههههه وش تاكلي حبي
ريان:مش حبك صديقتك برك هيا اديني ناكل باه نبقاو نتلقاو (علابالي قاعدين تقولو كيفاه حتى هدرت هك ايييه هو باين بلي حنين و شفتو كيفاه يشوف معايا بكل حب و حنية ماحبيتش نكسر مشاعرو psq الفرحة كانت في عينيه حبيت تكون أول و آخر خرجة معاه)
فراس يحكي: فرحتي مانقدرش نوصفها و هي راكبة معايا أول مرة بعد سنين نضحك هك و ظهرت قبيحة ياااه هذا لي يخرج على مرت فراس كيف بدات تسب و تعرشلي شوفت معاها بتعجب شافت معايا بنظرة بريئة زادت دقات قلبي حبيت نخبيها عندي واحد ما يشوف هدوك العينين غير انا بصح مانقدرش يا ربي علاااااهفراس:خلاص وصلنا
ريان:اووي و اخيرا راح نموت بالجوع
فراس :تفضلي .......هبطنا روحنا تغدينا لمليح في هادي الطفلة عفويتها السندويش كللاتوو في زوج دقايق و زادت واحد لوخر و انا لقمة ماقدرت نفوتها بقيت غير نتفرج معاها حتى تولهت بلي راهي معايا حشمت و قالت
ريان :خلاص شبعت كملت انت!!!!!
فراس:وي هيا نخرجو
خرجنا قعدنا في جاردان بقات ساكتة حتى قلتلها
فراس:هييه مالا مش حابة تعرفي عليا والو كيفاه حتى خيرتك انتي تكوني حبيبتي!!!
ريان:وي حابة نعرف كووووووولشي عليك
فراس:فراس عمري 22 سنة فوتت الباك جبتو مي ماقريتش فلافاك درت مشروع هو ريسطو لي كنا فيه
ريان:هذاك تاع كل يوم نتغدا فيه مع صاحباتي من اليوم الماكلة بااااطل هههههههه ياااك!!
فراس:مش خسارة فيك
ريان(كيف قالي هك شاف معايا و ضحك ضحكة يانااااااااس اجريولي عندو فوسااااات يا ربي و اللحية اني راح نتجلط هنا الحقوووني و الفراشات في كرشي يدورو و قلبي بلاك يسمع فيييه)
ريان:اصبر نديرلك تسجيل ههههه باه ماتدروش عليا باليييييييز
فراس:كلمة فراس
ريان:ماتتعاودش زوج خطرات حفظتها ههههههه
فراس:ههههه ايييه هيا سقسي وش حابة تعرفي
ريان:تسكن وحدك!!
فراس:وي مي ماما و خوتي يسكنو في***********
ريان:اااا و باباك وين
فراس:الله يرحمو
ريان:ديزولي فراس ربي يرحمو
فراس:علابالك كون بابا حي مارانيش هكا قاع
ريان:هذا مكتوب ربي فراس خلاص ماتتقلقش
فراس:ايييه
ريان تحكي :
كيف جبدتلو على باباه عينيه ولاو حمرين و تبدل وجهو كامل حسيت بالألم في عينيه كان علابالي بلي شكلو و طبعو وراه سبب كبير
ريان:علاه مخلي مامتك و خوتك وحدهم
فراس:مش وحدهم ماما متزوجة الراجل اخر و خلاص بلعي ماتبقايش تسقسي فيا
ريان:ديزولي انا نروح(غاضتني روحي بزاف عيط عليا بلا سبة مادرتلو والو ،دموعي راح يهبطو )فراس يحكي:ريان فكرتني بحاجة توجور نحب ننساها هي راجل يما و الألم لي دارهولنا في حياتنا هبطت عليها ي
باه تسكت حتى تصدمت صوتها مخنوق راح تبكي و وقفت باه تروح
فراس:انا وليت انسان بلا هدف هك بسبابو هو دمرلي حياتي كيف كانو صحابي يلعب برا انا كنت نبات فالقبو مالقري داري انا كان يضرب يما و احنا صغار نتفرجو كان يعذبني و نسكت جامي رديتلو كرهلي حياتي صغري فوتتو جحيم حتى نهار دخلت في ميليو الزطلة و الشراب غير باه ننسى وجيعتي حياتي المرة خرجت من الدار و انا عمري 20سنة عشت بعيد على يما عامين و هذا الكل مش عاجبو كل شهر نحكيو دراهم باه مايضربش خاوتي صغار مالقري ولادو من لحمو و دمو هذا الكل لي معيشني فيه و الحالة لي وصلتلها حاب يدمرني اكثر مابقاش عندي وش نخسر خلاااص عييت منها حياتي هك
ريان تحكي:كل كلمة يقولها توجعني ملا هو كيفاه قدر يعيش وحدو بالألم هذا غاضني بزاف مالقيت مانقولو غير نحط يدي على كتفوو نواسيه مي الكلمات ماحبوش يخرجو حتى طلع راسو و هدر
فراس:علابالك نهار لي جيت لدار لي مقابلتكم رقدت و قلت من غدوة نوض نروح و نقتلو و ندخل للحبس نعلبوها حياة هك تفاهمت مع صحابي نتلقاو و نفهمهم وش راح ندير مي صباح انا فتحت الباب و قابلني الملاك لي تبدلت على جالو موازين حياتي ماقدرتش حتى نقلهم بلي راح نقتلو انتي كنتي الامل لي نعيش على جالو انتي كنتي حياتي الجديدة كان هذاك آخر يوم في حياتي الخامجة هههه مانكذبش عليك كنت ساعات نكمي شوية ولا نديرو قارو مي عندي عام مادورتش بالحرام غير الدخان ساعات كنت توجور وراك من تروحي تقراي حتى ترجعي لدار نعرف كلشي عليك ماحبتش ندخل في حياة خامجة حبيتك تكوني معايا في حياتي الجديدة ماحبيتش نضرك بحاجة ماعندكش ذنب فيها كنت طول هادا السنين نحبك من بعيد برك ماحبيتش ندخلكفالميليو هذاك حتى خرجت منو انسان واحد قدر يوقف معايا كيف بابا و خلاني نحب روحي خلاني نرجع نكمل الباك تاعي نفتح مشروع نكون روحي راح يجي نهار تعرفيه
ريان تحكي
كنت نسمع في معاناتو تمنيت كنت معاه و نخفف عليه نحميه كيف كان يحمي فيا و انا لا خبر
ريان:بلاك مانقدرش نعيش اكثر من عام هادي واحد ما يعرفها بصح مدام انت اعترفتلي بهادي الحاجة انا راح نقلك بلي انا مانقدرش نكون معاك تتطور انا مريضة فراس عندي سرطان دم في المرحلة الثانية بابا ماقدرش على مصاريف العلاج انا كل يوم نموت مش حابة نظلمك معايا شوف وحدة أخرى تحبك مالقري انا اعجابي بيك كبير و فرحت انك تحبني بصح ظلم انك تعيش على جال وحدة اجلها باين قتاه يكون ماتلحقنيش فراس روح شوف حياتك
فراس: ريان
ريان:ماتلحقنيش خلاااص روح فراس منحبش نشوفك
فراس يحكي:
كل كلمة تهدرها كانت كيف السكين تدخل في قلبي كيفاه مريضة و انا لا خبر حلمت نكمل معاها حياتي يا ربي انت شاهد مستحيل نخليها مستحيل
فراس:هيا نروحو و من بعد نعيطلك داكور
ريان:سيلفوبلي فراس
فراس:اعتبريه آخر طلب
ريان:اوكي
كانت الطريق طويييييلة مالقري فالأصل قصيرة كل واحد و بحر التخمام مديه بصح البطل مستحيل يخليها وحدها في محنة هك وصلوكل واحد دخل لدارو بلا حتى كلمة
فراس:الو يما وجدي روحك رايحين نخطبو غدوة
يماه:كيفاه!!!! طيططيططيطيطيططيطيطفراس:الو عمي مراد خلاص غدوة نجي ننطقها قلهم يوجدو رواحهم
مراد:وليدي علاه تزرب تفاهمنا لعام لجاي
فراس:عمي لازم انا نتائجها انت ماتقدرشبصح انا نقدر راح عديها لآخر العالم المهم تبرالي مانقدرش بلا بيها علاه ماقلتليش من قبل علااااه
مراد:انا كنت نحاول بكل ماعندي نعالجها هي بنتي و روحي ماحبيتش نشغلك في اكثر وقت لازم تلقا روحك
فراس:غدوة نجيب يما و نجي ننطقها و العرس على شهر و في هذا الوقت راح نشوف كيفاه نبدالها العلاج بعد العرس
مراد:مرحبا وليدي و خيرك جامي ننساه
فراس:كشف عمي انا لي خيرك جامي ننساه انت كرهني ولدك و خرجتني من الهم لي كنت فيه انت رديتنيراجل و انا هذا مش نردلك في خيرك هذا واجبي تجاه ريان هي حياتي و انت علابالك معزتها عندي
مراد:يا وليدي غدوة نزيدو نحكيو في امان الله
علابالي مافهمتوش مراد بابات ريان نهار لقت فراس قد ما مطيش يحس باب دار و من هذاك اليوم حطو تحت مسؤوليات من قراية و من علاج الإدمان كان اب لفراس باه يشد روحو و يرجع راجل و عليه الكلام
مراد:ريان بنتي ارواحي نسحقك
ريان:وي بابي
مراد:غدوة الخطبة تيعك و العرس بعد شهر وجدي روحك و ماماك اي في الطريق جايبها خالك
ريان:بابا كيفاه نتزوج انت على بالك بحالتي علاه تديرلي هك
مراد:ماتناقشينيش روحي وجدي روحك
ريان:بابا
مراد :روحي ريان خلاص مديت كلمة
ريان تحكي صدمني بابا بالعمرة لي عمرها انا اليوم رفضت فراس على نفس  السبب علاه يا ربي باتة ليلة كاملة نبكي ستنيت فراس يعيطلي مي نساني باين هرب كيف عرف مرضي ااايييه راح نتزوج ماعليش الدنيا هك
يوم الغد:
فراس لابس و راح يجيب يماه و خلاتو باه يروح يخطب حب حيات  مالقري في هذي الظروف بصح كان فرحان املو بربي كبير انا يرجعلها الضحكة و الحياة psq هدر مع الطبيبة و كانت هدرتها إيجابية
ريان حاسة اليوم هو جنازتي مش قادرة نفرح البارح كنت نخمم في طفل لي دارتلي انا و اليوم انا عروسة واحد اوخر
طبطب الباب قلبي خرج معاه روحت لشمبرتي حتى نسمع في ماما تعيطليباه نروح نشوف وجه النحس لي جايني ماقدرتش نرفد راسي حتى نسمع في امو تشكر فيا هيهيههي و انا في قلبي مش حابة حتى سلمت عليها باين ناس ملاح و قاتلي مش راح تشوفي عريسك طلعت راسي قريب دخت والله فراس يا ناااااس فراس هو ختشيبي مانكذبش فرحت بزااف بزاف psq وفى بوعدو ليا بلي جامي يخليني
قعدت بحسها و هو لا حشمة لا والو عينيه راح يخرجو حتى عفستلو رجليه باه فهم روحو
فراس:ملاكي وليتي تيعي
..........بعد ما يماه طلبتها من باباها قالها خليهم يتفاهمو بين بعضاهم راحو لشومبرتها
فراس:انا وعدتك جامي نخليك تلقاي البارح قلتلك كاين واحد ليه خير كبير عليا هذاك هو باباك يجي نهار نحكيلك كلشي هههه و دوكا يا ملاكي بعد شهر عرسنا نوعدك جامي نخليك و ثاني يوم بعد العرس أول يوم علاج ليك يعني راح تعيشي و راح تكوني توجور معايا و ان شاء الله انتي مامات ولادي *كنت تهدر و نمسحلها في دموعها كان في بالها تخليت عليها *هيا تقبلي ولا نرفدك و نهربو ههههه
ريان:هههه نقبل و مرسي بوكو ربي يخليك ليا
فراس:ماكانش مرسي ديجا بدأت رايي بعد 15 يوم العرس
ريان:كلب لااااا مش هك
فراس:فراس كيف
ريان:يهدر كلمة يسموها تطبقفراس:براافو حبيبي
خرجنا و قلتلهم ههههه بلي سبقت العرس مش حاب نخسرها حاب في اقرب وقت تتعالج لبستلها خاتمي و روحنا يما باتت عندي بعد عامين رقدت في حضنها و كنت فرحاااان psq حياتي تسقمت و اخيرا
بعد 15 يوم♡ اليوم عرس فراس و ريان
فراس يحكي: الدنيا مش سايعتني بالفرحة نستناغير وقتاااه نتجمعوانا و ريونتي في دار وحدة
ريان:فرحانة و في نفس الوقت متوترة بزااف بزاااااف
العرس تاععهم كان حبيبة صغيرة برك بين العايلات على جال الوقت ماقدرتش بوجدو كلشي مي فاتت سهرة هايلة و فراس و ريان ماخلاو حتى غناية ماشطحوش عليها هههه فراس الدنيا ماكفاتوش و الناس الكل فرحولهم
كملت الحفلة و فراس و ريان راحو للاوتيل بصح فراس وعد ريان مايقربلهاش حتى تكمل العلاج و برغبتها الكاملة غدوة من ذاك بدأت ريان العلاج كانت تتوجع ليل ماترقدوش و فراس كان توجور معاها و يخفف عليها و يشجعها تكمل دارت عملية و نجحت 100% كان علم صعيب عليهم الكل مي فات على خير و رجعت لريان صحتها

بعد عام:
فراس:ريان حبيبي شكون خدم هذا الكل
ريان:انا b1 sur
فراس:بصح الطبيبة وش قالت(كل كلمة نقولها مقابلها اكثر حتى حصرتها فالحيط) قالت لازمك ترتاحي على جالك و على جال وليدنا
ريان:ايه بصح لازم
فراس:بلعي حبيبتي هيا نتعشاو و ارقدي
وي ريان بالحمل بعد ما أعطات فرصة لقلبها يحب فراس لي كان هو اب و أخ و صديق ليها
وي دوكا عمري 24 سنة عايش مع ملاكي الكبيرة و الصغيرة  بنوتي انا و ملاكي لي خرجتني من الظلام للنور و الحياة الهانية