فخ المرايا

القرار

قبل كل شي عارفتها قصيره بس ح نزل حلقه اخرى ليوم❤وديرو لايك وبعد تكملو اكتبو رايكم في كومنت
#فخ_المرايا
الحلقةه:السابعةه
بقلم فاطمه سالم

........
...
وكبرت سنتين ' وقعد عمري 17 ولي صار تعرفت على شخص وحبيته من الفيس وقعدنا اربعه شهور في يوم صار شي.... اتصل بيا وقالي

بشير :رويدا ره في شي يقول لي نبعد عنك يا رويدا

اني نصدمت :كيييف شن قصدك!!!... ولا انت تبي تبعد عني

بشير :لا يارويدا لا والله ما هك بس والله عظيم نحكيلك بجد
..
صكرت الخط وهو يبرر لي بجد مش عارفه هل نصدق كلامه او لا؟؟... بعدين قلت زعما لي فيا هدا مأثر على كل شي!؟.... فاتو الايـام واني مضايقه
.....
في يوم من الايام صار شي سببلي عقده نفسيه ان نخالط حد بجد...
...
واني نسمع في الاغاني جاني صوت زنين قلت يمكن من الاغنيه او سبيكر فا مدورتش مهم قعدت نقلب في قنوات...وصوت زنين ما بطلش!!! ... استغربت!؟ وبعد شوي سمعت صوت صونيه تكسرت نضت للكوجينه لقيت صونيه متكسره بس رف صواني عالي؟... ومن لي بيطيحيه... شوي نسمع في ماما تحكي؟... وكان يومها بابا بايت في شغله...وصوت زنين قعد عالي... وشوي اختفى؟.. لميت صونيه ولوحتها ولما جيت طالعه!... عارفين شن شفت يابنات! عارفين! كان نقول شن شفت عارفه مش ح تصدقو.. اخخخ اصلا امي ماصدقتنيش!.. فا كيف بتصدقوني !... شفت امي تعارك فيا بس مش اني لا في شخص اخر نفسي وبي اعتقاد امي هو اني!.... اني زيكم اي مدهوله ؛ مصدومه؛ مستغربه.... كيف هدا وشن هدا! "مش معرووف"... اخر شي نتفكره ان شخص لي شبيهي ضرب امي كف لعند ماما طاحت على ارض وداخت...والتفتلي وعيونه سووود كحل يابنات سواد ليل بكل.... وقال بصوت خشن

شبيهي :هدا لي حبيتيه ها!! واني قتلك اجرحي نفسك ما تبيش!... ماشي ماشي ح تشوفي شي عمرك ما ح شفتيه ولا تتمني انك تشوفيه

اني جيت بنعيط مقدرتش يابنات مقدرتشششش شكله شخص هدا قعد يخوف مش قادره لا نصكر عيوني لا نتحرك لا شي مش قادره نشوف منظر هدا!!!... معاش عرفت ما ندير ولا نتصرف اصلا مش عاارفه شن ندير وريان راقده مش فاطنه لي شي وامي مغمي عليها!... ياااربيييي ... واغمى عليا من هول موقف وبجد حمدالله ان اغمى عليا كان هدا جنيت

.....
واول ما نضت سمعت بابا قال

بابا :شيخ وجبنا شن حل يا مرا اني تعبت خلاص تعبت

امي :باااه شن حل هو اني لقيت حل وقلت لا

بابا :مش عارف مش عارف لا قادر نزوجوها ولا ايي شي

....
اني سمعت كلام حسيت روحي عالة وفعلا اني عالة ومصيبه اخرى ومليهاش حل... مافيش حل قدامي الا نجرح روحي ونسلم نفسي.... قعدت في مكاني دروحني راقده باش مايخشوش لداري.... واستنيت لعند الليل ورقدو ونضت و..... يتبع

زعما رويدا ح تجرح نفسها او ح تقتل نفسها!!!؟... انتظرو وتابعو روايه باش تعرفو واهم التفاااعل