#فخ_المـرايا
الحلقةه :تالته
بقلم فاطمه سـالم
..........
ريان في الليل كانت تغسل في مواعين جيتها جايبه صفره نشوف في هيكل عضمي ورا ريان اللي تغسل في المواعين....قعدت متصنمه في مكاني جيت بنتكلم سمعت صوت يقول لي "كان تبي اختك تموت قدامك تكلمي ".... شوي وقعدت نشوف في ريان تخبط في راسها في الحوض وراسها يصب دم وهيكل العضمي يشد فيها ويخبط فيها اكتر قعدت نرعش
:.امتى تسلمي روحك ليا وتجرحي روحك في الحمام امتى؟
اني :حححوول عن اختيي
: يبقى خودي الموس لي عطيتهلك وتعالي ساعه واحد في ليل فاهمه ولا
اني :ح ححاضر
معاش قدرت نشوف الدم ومعاش قدرت نقاوم نشوف المنظر اغمى عليا وقعدت مغمي عليا خمسه ساعات ما نضتش الا على ساعه حداش الليل واول ما نضت جت عيني على ساعه وكأن مقتصده لقطه باش نتفكر......وعلى طـول تفكرت المنظر قعدت نرعش.... جتني ماما قعدت تبخ فيا بمايه مرقيه قعدت نعيط ونقزت من مكاني نجي واقفه ومفنصه وصوتي تغير
اني بصوت خشن :حولييي والا تجني على روحك
ماما قعدت تقرا في اية الكرسي
اية الكرسي
اللهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَـمُ ....
ولما ماما وصلت في " يعلم "وجت بتكمل قعدت نعيط ونقرب من ماما ووجهي نسود وقعدت نحاول نلخبطها
ماما ترعش :ِ يَعْلَـمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْـمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ... صدق الله العظيم
.....
ماما كملت من هنا واني اغمى عليا على طول... مانضتش الا على حد يضرب .... فتحت عيوني لقيت شيخ يضرب فيا عيطت
شيخ :اهدي يا بنتي اهدي
اني :وو وينن بابا
بابا :نعم اني هنا تخافيش
شيخ :من امتى يا بنتي انتي على حال هدا وشن يصير معاك
اني تحشمت :ليا فتره يا شيخ ... نشوف في حاجات تخوف وفي المرايا حتى ودم وحد يبينيش " ولما جيت بنكمل لساني ثقل "
شيخ :كملي يابنتي نسمع فيك
قعدت نشوف في الشيخ وجهه يخوف وكأن شيطان قدامي اعود بالله ونخنقت وشيخ فهم وقعد يضرب واني نعيط وبابا خايف عليا ويقول له
بابا :وقف يا شيخ وقف
شيخ :مش هي لي تتوجع مش هي خليني بس
وبابا خايف معاش قدر يشوفلي.... واني نشوف في الشيخ شكله يخوف ودم من يديه وقعدت نعيط لين معاش حسيت بي شي ونضت بعدين واني جسمي متكسر .... وقعدت نبكي ليش يصير فيا هكي تعبت لا ليلي ليل ولا نهاري نهار استاحشت راحه استاحشت القرءان استاحشت الوضوء وصلتي وحياتي وقرايتي تعبت تعبت هلبا ..... ومن يومها قعدت من سيئ لاسوء وكنت عارفه بسبب ان ما جرحتش نفسي
......
في يوم من الايام العيله التمت وقعدنا نحكو على جنون اعوذ بالله
خالتي :اهو بنحكيلكم قصة صاايرة زماان مع أميما ياستك بن سييد زماان جدي الله يرحمه ويغفرله ويبشبش الطوبة اللي تحت رااسه كاان يخدم في مصنع ومعااه وااحد صااحبه المهم كانت تسكن هي وجدي في حويش وعندهم قاازة وعندهم لمبارة المهم يااحباايبي في يوم جدي مشي للعمل صاار عطل مش عاارفة في شني وصاااحبه إنحرق 🔥واتوفي جدي روح بحواايج صااحبه للحوش وحطهم فووق السدة بعدها بأيااام اميما متكية وجدي👴 مهنااش ومش وااخدها النووم هلبااا وتسمع في صوت خريفااتها🐑🐏 برااا ايخبطو برجليهم يعني في حركة مش مزبوطة قالت خفت الحق وقلت ان شااء الله خير زعما ميلود خيره الحويج ماروحش دورة معااش سمعت شي قلت بااهي شكلهم ابصر خيرهم وتوا اهدوو وبعدها بشوية اتكييت ودوراااا انفتح عليااا البااااب ووقعدت نشبح في ظل خطف من قدااامي وجي جنب السدة والسدة جنبي مش بعييدة وطبست علياااا جهاامة حاجة كحلة وانشم في ريحة حااجة محروقة لاعرفت نعيط لاعرفت اندير شي غير ندعي في سري وندكر في ربي وانا تحت الكوبيرطا هاادي زي اليورغان غير غليظة شوية وقالت فوقها النصولا هاادي زي بطاانية الصووف وخاايفة وصقعاانة زي اللي سمعت حاااجة قااالت زيووو وانفتحت ظرفة الدولاب اللي في السدة وبعدهاااا معااش سمعت شي روووح جدي تااني يووم مسكين كاان مراات ايبااات بالدات بعد الحريقة🔥 اللي صارت في المصنع روح مسكين هالك تااعب قالتله اميما صار وصااار ياميلود قااللها الله غالب هدا الغلط مني المفروض مااجبتش حاااجة صااحبي فيي حووشي الرااجل جي وخدي اماانته ياا حنينة ياابااهية ياوجه الهنااا و ساامحيني خليتك برووحك ومن هداكا اليووم اميما👵 معااش قدرت ترقد بروحهاااا ربي يعطيها طووولت العمر 🙌🙌
ماما قعدت تشوفلي ووجهي منسود....
ناضت بنت خالي قالت :من عشر سنوات فاتن قبل مانتزوج خويا الصغير شرا بشكليطه من جيرانه قديمه شوي لكن باعوها رخيصه بعد فتره نقعد ساهره نقراء نسمع فيها تلف عالحوش انوض خواتي وماما يختفي الصوت وماحد صدقني يقولولي اتخايلي لعند جي اليوم امي باتت برا الحوش عند خالتي رقدنا في الصاله كلنا وبابا كان معانا اني سهرت نقرا وسمع ت الصوت نوضت بابا بشوي وبالفعل سمع زي بالزبط وتفاجأ🌚😂 صبح الصبح رفع رماها البشكليطه . وبعد فتره سمعنا ان صاحبها مات مقتول وهوا راكب فوقها قبل مانشروها خبرونا جيرانا نفسهم وصاحبها كان عامل اسمر مسكين قتله ولدهم وحبسوه وهمه من الفلاحه باعولنا بشكليطه 😂😂
اني قعد وجهي زي الفحم طول ماما ناضتلي ورفعتني لداري واني نشوف لماما بكره و..... يتبع
