-لا لا يا دكتور الا الاوضه دي
=اشمعنا ما انا دخلت كل الاوض و شوفت كل المرضي مش فاضل غير دي
-دي بذات محدش بيدخلها
=ليه و ازاي محدش بيدخلها امال بتتعالج ازاي
-اصل المريضة دي عندها فوبيا البشر
=فوبيا البشر!!!
-اه اخر مره حد دخل اوضتها بالغلط المستشفي قامت كلها وحالاتها كانت مش طبيعيه هي هاديه طول ما هي لوحدها
=امال بتاكل او تشرب ازاي و علاجها
-كل ده بنقدمه هفهمك يا دكتور لو فتحنا الباب ده هنلاقي اوضه فاضيه بعدها هنلاقي اوضتها و دي عازله للصوت،احنا بنحط الاكل و كل مستلزمتها ف الاوضه الفاضيه و لازم ف وقت معين مينفعش ندخل ف اي وقت علشان ميحصلش تصادم.
كان عندي فضول ناحية الاوضه دي كل يوم بعدي من قدامها و كأن حاجه بتشدني و تقولي ادخل اقتحم الحصون دي
عرفت اي المواعيد اللي هي بتخرج من اوضتها العازله للصوت للاوضه اللي فيها كل المستلزمات.
و في يوم وقفت في الاوضه وعملت حركه بسيطه ب رجلي تدل ان في حد برا كنت عايز اعرف رد فعلها
اول ما قربت للاوضه سمعت صوت نفس مضطرب و حركة تدل عل خوف و سمعت خطوات رجلها و هي بتهرب ل مملكتها تاني.
قررت اني اتواصل معاه و ابعت لها ورق مع العلاج او الاكل او حاجه بتدخلها،عرفت من ملفها انها بتحب الشعر جدا بدات اكتبلها ابيات شعر و كل يوم ببعتلها ورقه
في الاول كان الورق بيفضل زي ما هو و يرجعلي بس بعد كده مبقاش يرجع .
و بعد فتره قررت انها لازم تسمع صوتي
= انا ادهم اللي ببعتلك الشعر .
مفيش رد و ده كنت متاكد منه بس الايجابي ان محستهاش خافت من صوتي.
و بدات كل يوم باجي اتكلم معاها كتير و احكيلها عن يومياتي
*اول ما سمعت صوته مخوفتش زي ما كنت متصوره
انا لقيت الامان ف صوته و اتعودت عليه*
عدي فتره طويله وانا بتكلم وهي ساكته بس كان لازم تتكلم
=صباح الخير يا بسنت
خلف الابواب كنت ببقي مستنيه الجمله دي علشان يومي يبدأ، اتعودت علي صوته لدرجة اني بقضي معظم وقتي في الاوضه برا علشانه.
= مش ناويه بقي تردي عليا ،شكلك كده مش طيقاني اصلا ف انا مش هاجي اتكلم معاكي تاني اصل اكيد لو عيزاني هتردي عليا
انا ماشي سلام
-لا متمشيش ،قولتها بصعوبه كاني طفل بتعلم الكلام
=اده انتي اتكلمتي
-.........
=لالا مفيش سكوت تاني وقت سكوتك انتهي
-انا بسنت
كل يوم بنتكلم و نضحك و نهزر مع بعض و بقينا اصحاب و بدات بسنت تحكيلي عن ذكرياتها و طفولتها
و في يوم قررت اعرف هي لي رفضت العالم و سجنت نفسها
=التعامل مع البشر مزعج و مبحبش اتعامل معاهم
-طب ما انتي بتتعاملي معايا
=لا أنت مش بشر
-امال انا اي!!!!
=البشر وحشين بس انت مش وحش
-مش كل الناس وحشه ي بسنت اخرجي و هتلاقي الوحش و الحلو
=مستحيل اخرج ،انت عايزني أخرج للناس اللي برا دي لا مستحيل.
-هتفضلي في السجن ده
=ده مش سجن ده مملكه انا بنيتها و مش هخرج منها و مش هسمح لحد يتخطاها هنا انا بحمي نفسي
-بسنن كده مينفعش
= اي اللي مينفعش
- لازم تتغيري مينفعش حياتك ميبقاش فيها الا أنا
=مهو انا مش عايزه غيرك انت يا ادهم ،انت الوحيد اللي سمحتله يقتحم حصوني ، انت الرابط الوحيد مع العالم اللي برا
-بسنت افهميني لو عندك طفل لازم تخليه يلمس الأرض مش هتفضلي شيلاه طول العمر لازم يلمس الأرض و يقع و يقوم من تاني هتفضلي تسنديه بس هو لازم يتعلم المشي
= بس انا مش عايزه, مش عايزه " ألا يكفي رفض الشيء لتجنب حدوثه" مش عايزه اخرج
-يا بسنت انا نفسي تخرجي و تشوفي الدنيا و تقابلي ناس
=التعامل مع الناس مرهق أوي انا مش بحبه. انا قولتلك اي حاجه بتتعبني بشيلها من حياتي. و التعامل مع الناس وحش بيخوف .كله كدب و حقد و حاجات كتير وحشه , انت عايزني اتعامل مع دول.
الناس وحشه لما بتعامل معاهم ببقي زيهم وحشه .واحده واحده بتحول زيهم و لما ببعد عنهم برجع نقيه من تاني
- ي بسنت انا خايف عليكي لازم هيجي عليكي وقت هتتعاملي مع ناس اختاري آنتي الوقت ده بارادتك.
=ي ادهم انا عايشه مرتاحه و كلكم تعبانين و ده لاني مش بتعامل مع ناس وأنتو بتتعاملو معاهم. أنتو بتعملو كده ازاي!!! ازاي بتقدرو تستحملو!!!!!!!!؟
*ازاي يطلب مني اني اخرج لولا اني بحبه كنت طردته من مملكتي لانه اتجرأ و قالي اخرجي بس هو صالحني بعدها و جابلي كتب كتير و كمان اعترفلي بحبه و قالي ان مش هيطلب مني اني اخرج تاني ،انا كده مبسوطه كل يوم ببدأ يومي معاه و النهايه معاه .
انا بنيت مملكه تانيه معاه في احلامي ،هو الوحيد اللي اقتحم مملكتي و كنت موافقه كاني مستنياه*
"وضعتي الف باب بيننا.
وتخطيتهم انت كلهم دون طرق الباب و لو مره واحده.
لما الطرق و لدي مفتاح كل باب "
فكرة ان بسنت تخرج بإرادتها كانت مستحيله كان لازم اخليها تخرج
عدي يومين مروحتش زي عادتي اتكلم معاها او ابعتلها اي حاجه اختفيت فجأة من حياتها
*عدي يومين مسمعتش صوته
رجعلي مشاعر كنت نسيتها زي الحزن ،في مملكتي في فرحه و هدوء و سعادة بس سيطر علي سماء مملكتي الحزن و لاول مره بسبب دخول بشري حياتي.
بعد يومين تاني سمعت ممرضه بتقول ان دكتور ادهم عمل حادثه*
هخرج!!!!!!!!!؟
خايفه اخرج و معرفش ارجع تاني لما العالم يزعلني
خايفه اتملي صفات وحشه و المكان هنا ميسعنيش
خايفه معرفش ارجع تاني وتسلب مني مملكتي الخاصه اللي بينتها هنا
هنا في حياه هاديه و بسيطه
هفتح بابي بإردتي و اخرج بس وعد هخرج بس اشوف ادهم و هجيبه و ارجع تاني ،و نعيش حياتنا هنا في مملكتي
فتحت الباب و كاني طفل بتعلم المشي ،قلبي اتقبض لما خرجت و سمعت صوت باب مملكتي بيتقفل ورايا كانها بتقولي انتي اللي اختارتي تخرجي وانا غضبانه عليكي
فجأة لقيت دوشه و ناس كتير حوليا
و لقيت ادهم فرحت و كنت هجري اروحله لكن سمعتهم
*مبروك يا دكتور ادهم
*نجحت يا دكتور ادهم انك تخرج الحاله الميؤس منها
*برافو عليك يا دكتور انا كنت عارف انك هتقدر تعالج الحاله دي مع انها خدت وقت طويل اوي
حاله!!!!!!
انا مش حاله
ادهم كذب عليا علشان اخرج و هو سليم قدامي ،طول الفتره دي بيخدعني
انتم البشر ديما كده
لفيت علشان ارجع مملكتي تاني بس المره دي بلا رجعه
اخر حاجه سمعتها و هو بيخبط عل باب الاوضه جامد
-بسنت افتحي لا مش هسمحلك تدخلي تاني لااااااا بسنت
قفلت باب مملكتي واخر حاجه سمعتها "بسنت"
"سمعتك تنادي اسمي لكني بلا حياه فكيف لي الرد"
بسنت احمد
رأيكم💙
