هلو شلونكم حبايبي اليوم حبيت احجيلكم قصتي خلي اعرفكم عليه اول اسمي ميار علي ابويه هوه الي سماني عمري 15 سنه. مواصفاتي بيضه وعيوني عسلي وشعري سرح ومايل لونه على الشكار وجسمي كلش حلو ومتناسق طولي165سم ووزني 55 تقريبه اشبه هاي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
متخرجه من الثالث متوسط ورحت للرابع اعدادي حلمي اصير دكتوره اطفال لان كلش احب الاطفال عندي ثلاثة اخوان الكبير مجتبى متزوج بنت خالتي واخويه الوسط زيد ايضا متزوج ومستقر ولا كن مو بالعراق ساكن خارج العراق مع اخويه الصغير عباس واني بما انو الوحيده يعني مدللة بجال امي وابويه صحيح ماعندي خوات ولاكن عندي صديقه مثل اختي بالضبط نفس العمر والمرحله الدراسيه قريبه علينه اسمهة فيان شريكة ويايه بالقصه هسه تعرفون شنو دورهة قررنه نطلع اني ومامه وفيان للسوك نتسوك ملابس مدرسه وتجهيزات الي ولفيان طبعا اهلي ميفرقون بيناتنه يعتبروهة مثل بتهم هيه محد عدهة غير بس امهة وكبيره بالعمر المهم اسوكنه واجينه كلش فرحانين نكدر بملابسنه وبأحذيتنه متونسين فد مره من بعدهة بفتره قصيره بدا الدوام وبلشنه اول يوم دوام الصبح ميار _ كعدت من نومي غسلت ولبست ملابسي الجديده نزلت لكيت مامه بلمطبخ جاي تحضرلي الريوك كتلهة صباح الخير مامه ام ميار _ صباح النور حبيبت امج شنو هاي طالعه كمر ميار_ تسلمين مامه تريكت وكتلهة يله مامه راح اروح ام ميار _ الله وياج يمه ربي يوفقج ميار _ رحت على بيت فيان حته نروح سوه للمدرسه وصلت بيت فيان ودكيت الباب طلعتلي كتلهة صباح الخير حبي فيان _ صباح الورد كلبي هسه اجيج ثواني ميار_ اجتي وطلعنه سوه جنه كلش فرحانين لان من بعد تعب وصلنه لهاي المرحله انتو بعد تعرفون شنو ثالث متوسط المهم وصلنه للمدرسه جانت كلش حلوه ومدرساتنه حبابات خلصنه دروسنه ورجعنه للبيت جان يوم كلش حلو مر اسبوع واحنه على هل حاله انروح ندرس ونرجع للبيت لحد يوم الخميس كملنه دروسنه وجاي نطلع ونشوف الدنيا مكلوبه بره وقسم من البنات يضحكا وقسم منهن يتلوكا ويتمايعن اني كتلهة لفيان شكو اصاير كلتلي ولله ميار مادري لتفتت شويه ولكيت شاب وسيم وشخصيه لا بس نضارات ولا بس ملابس مال شرطه وسياره شرطه عبالي اكو شي هم يشبه هذه تقريبا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مهتميت ورجعت للبيت اني وفيان لان جنه تعبانين طبيت للبيت بدلت وكعدت اكل مامه صبتلي خطر على بالي كلت بكلبي مو حقهم البنات ينعجبن بيك شايل جمال الكون بعدين كلت بلا هل سخافه اكوم انام احسن الي ماطول باجر جمعه رحت نمت نجي نتعرف على سياده الضابط 😌 اسمي عبد الله عمري 23 سنه مواصفاتي ابيض وشعري جوزي فاتح طولي 185 سم تخرجت من الكليه وبعدين اتعينت وشويه شويه ترقيت وصرت ضابط ماعندي لا اخ ولا اخت بس عندي ابن عمي مثل اخويه وعضيدي بيوم من الايام جنت بالدوام وجاي اطلع اروح للبيت خابر عليه ابن عمي اسمه جاد كلي صار عندي شغل واختي بالمدرسه ماكدر اجيبهة جيبهة انته وديهة للبيت كتله صار رحت للمدرسه مال بنت عمي وطلعو البنات من المدرسه اني جنت واكف انتضر بنت عمي بس البنات ماقصرن هاي التضحك وهاي التتموع وهاي لتباوع عليه المهم اني مهتميت بس جذبتني وحده منهن شافتني وبعدين راحت حسيت نفسي مالي وجود مهتمت الوجودي حسيتهة مو مثل باقي البنات تختلف انوب جمالهة يسطر يربي مستحيل تكون هاي البنيه بشر اكيد هايه ملاك على الارض لهنا وينتهي البارت الاول مشكورين حبايبي على متابعتكم للقصه ونتضرو البارت الثاني محبتي الكم 😘
