فصليات الضابط

البارت الثاني عشر

هلو حبايبي شلونكم عساكم بخير يارب وصحة وعافيه اني جدا اسفه على التأخير بس مجان الي واهس المهم خلينه نبدي بالبارت

ميار دخلت بشهرهة وجابت بيبي مثل القمر بس عبد الله جان كلش خايف عليهة المهم جابت بالسلامه طلعت الدكتوره وباركت ل عبد الله وكلتله اجاك ولد يجنن
عبد الله _ الله يبارك بيج دكتوره اكدر اشوفه وشلون صحت ميار هسه
الدكتوره _ صحه ميار كلش زينه بس هسه ماخذه مهدئات ونايمه من تصحه تكدر تدخل واكيد تكدر تشوف البيبي بالخدج بغرفه الاطفال
عبد الله _ مشكوره دكتوره
الدكتوره _ عفوا
عبد الله واني رايح لغرفه الاطفال واني اسمع حس الاطفال شكد حلوين ربي لا يحرم احد من الذريه الصالحه
المهم صحت ميار ولكت عبد الله وامهة وابوهة واخوهة وام عبد الله وابو عبد الله فرحت بيهم وباركولهة على البيبي وره مطلعو تقرب عبد الله عليهة وباسهة من جبينهة وكللهة ابنه نور الدنيا حياتي لو ما انتي مجان صرت اب
ميار _ يروحي انته يتربه بعزك ودلالك الله يحفضك النه ومايحرمنه منك ان شاء الله بس كلي شلونه ابنه حلو
عبد الله _ يعمري يجنن
ميار _ اكيد حلو غير انته ابوه

ميار _ كيفك حبيبي
عبد الله _ حبي شنو رائيج بأدم
ميار _ اي حبيبي حلو اني موافقه عليه
عبد الله _ يله لعد ام ادومي 😍
ميار_ ابو ادومي 🥺💋
انتضر بالمستشفى يوم كامل علمود يراقبون وضع ميار اخاف يصير شي
بهذه اليوم عبد الله اشتغل غرفته تجهيزات مال ادومي كلشي سواه بلون سمائي طلعت الغرفه عجيبه تجنن
وبيوم الطلعت ميار دخلت للغرفه اجنن بارده وهادئه وبيهة موسيقه مال اطفال روعه هيه وابنهة على ايديهة شعور جان كلش حلو صعد وياها الغراض عبد الله ( ابو ادم) 
عبد الله _ ها حبيبتي ان شاء الله عجبج دزاين الغرفه
ميار _ حبيبي اجنن ليش كلفت روحك وتعبت نفسك
عبد الله _ يروحي انتي وادومي تستاهلون الدنيا كلهة
ميار _ فدوه الكلبك حبيبي يله ذب الغراض وفوت اخذ دوش ونام من البارحة انته منايم اخاف العصر يجينه احد
عبد الله _ اوك حياتي

جاد وفيان وصلت فيان تقريبا خمس اشهر من حملهة ومراويته الويل الجاد 😂 كله طلبات وتدلل عليه وجاد رغم تعبان بس يحلاله التعب لان جاي ينتضر توم وصار يوم لازم يشوفون الجنين شنو نوعهم اخذ فيان للدكتوره وسوت سونار وكلتلهم ولد وبنيه هنا جانت احله مفاجأه الهم وبهاي المناسبه راحو تعشو بمطعم رومانسي يجنن
فيان _ حبيبي العشه يجنن تسلم ايدك
جاد _ الف عافيه حياتي تستاهلين اكثر
فيان _ اي جوجو شنو ناوي تسمي الاطفال 🤔
جاد _ مممم هاي احله فقره 😂 اني وياج نختار حياتي
فيان _ يروحي خوش لعد اني اريد البنتايه اسميهة ليان واريد اسمي الولد كيان
جاد _ لا الولد انسمي غيث حلو
فيان _ لا نسمي كيان حباب ولله حلو
جاد _  😤 بعدين نقرر
فيان _ 😂😂 انزعجت
جاد _ طبعا غير ابني واني اسمي
فيان _ لا ولله لعد اني شصير بنه بت الجيران
جاد _ ام لسان شيخلصني منج انتي سمي البنيه واني اسمي الولد
فيان _ اوك لعد متفقين ومنا للولاده الله كريم
جاد _ الله كريم حياتي اهمشي تكومين بالسلامه وتمام الخلق
فيان _ امين يكلبي يله تكوم اروح للبيت تعبت شويه اريد ارتاح
جاد _ اوك فوفة يله
دفعو لحساب وراحو للبيت