فصليات الضابط

البارت الثاني

هلو حبايبي رجعتلكم اباقي القصه اتمنه عجبكم البارت الاول
عبد الله انعجب بميار هواي وقرر يراقبهة وصار السايق الشخصي لبنت عمه بس علمود يشوف ميار يوميه هنا ميار جانت متدري هوه جاي يراقبهة وحته لو شافته اسوي نفسهة مشافته هنا عبد الله زاد اعجابه بيهة كل يوم يمر عبد الله يعجب بميار اكثر واكثر قرر يعرف عنهة معلومات حته يتقدم الهة حجه ويه بنت عمه وكللهة تعرفين هاي البنيه كلته لا بس ليش كللهة ماكو شي كلتله اذا تريد اعرف البنيه الي وياها صديقتهة اصير بروح وحده كللهة علواه جيبيلي معلومات عنهة شنو اسمهة ووين ساكنين كلتله ليش عبد الله وبتسمت 😉كللهة مالج دخل داده😒 المهم ثاني يوم راحت بنت عمه العبد الله زهراء وسلمت على فيان وسولفت وياها وبعدين سألتهة كلتلهة اكلج حبي هاي البنيه شصير منج فيان كلتلهة كلشي مصير بس صديقتي المفضله مثل اختي كلتلهة ها اشوفج دوم وياها كلتلهة اي ولله احبهة هواي حسبت اختي كلتلهة ماطول هيج عرفيني عليهة كلتلهة كومي اعرفج عليهة اجتي بنت عمه العبد الله وفيان صديقه ميار على ميار
فيان _ هلو حبي ميار اليوم جايبتلج صديقتي اعرفج عليهة
ميار _ اتشرف بيهة كلبي
زهراء_ تسلمين كلبي يي شلونكم على الدوام خو متعبانين
ميار وفيان _ لا ولله حبي متعودين اصلا احنه نحب الدراسه وانتي شلونج بالدراسه
زهراء _ اني هم الحمد لله زينه اكلج ميار انتي شكد عمرج
ميار _ اني عمري 15سنه وانتي
زهراء_العمر كله يارب اني عمري 17 سنه
ميار _ العمر كله ان شاء الله
زهراء _ تسلمين حبي اكلكم انتو وين ساكنين
ميار وفيان _ احنه ساكنين قريب من المدرسه واني وياها بنفس الفرع
المهم هنا زهراء ندلت البيت ويه طلعت البنات من المدرسه كان عبد الله منتضر زهراء على احر من الجمر لان دجيبله المعلومات اجتي زهراء هلو عبد الله شلونك
عبد الله_ الحمد لله بشري دبرتيهة لا
زهراء _مو عيب عليك اني مادبرهة استحي على روحك شويه اجكم 😂
عبد الله _ غير تكعد الصاكه يله غردي
زهراء_ ماحجي شي اله برشوه
عبد الله _احجي شنو تردين
زهراء ولله ياابن العم تعرف طالعه من المدرسه يعني جوعانه واريد لفه همبركر وببسي وحلويات
عبد الله _ لج مو اني ابن عمج هيج تكسرين ضهري
زهراء _ ابن عمي على عيني وراسي بس لازم استفاد
عبد الله _ صار 😔راحن فلوسك يصابر
طبعا هنا جاي نشاقه
نطت زهراء كل المعلومات العبد الله من بعد ما وكلهة همبركر وببسي وحلويات 😂
رجع عبد الله لبيتهم شاف امه وابو كاعدين
عبد الله _ سلام عليكم
الام والاب _ وعليكم السلام بوليدي شلونك
عبد الله _ اني بخير اذا انتو بخير
الام والاب _ عساك دوم بخير
الام _ خير يمه اشوفك اليوم فرحان
عبد الله _ اي ولله يمه
الام والاب_ فرحنه وياك 🙂
عبد الله _ الصراحة اني قررت ازوج
الام _ ياالله يايمه يوم المنه اشوفك عريس
الاب _ اي ولله يايابه اني وامك قبل شويه جنه نحجي بهذه الموضوع
الام _ اي يمه اتريد ادورلك وحده لو كبل سكتهة عبد الله 😅
عبد الله _ لا يمه اني احب وحده
الاب والام _ اي وليدي سولفنه عنهة
عبد الله _ يمه اني ماحب العلاقات وانتو تعرفون بهذه الشي فأني ماعرف معلومات هواي عنهة بس اسمهة ميار وعمرهة 15 سنه وساكنين قريب من مدرسه بنت عمي
الام _ اي يمه بارك الله بيك نفتخر بتربيتك احنه لعد هسه شتحب نسوي تحب اروح نخطبهة
عبد الله _ اي يمه ☺️
الام _ صار وليدي اني شعندي غيرك انتة بس كلي يايوم واني اجهز نفسي وانطي خبر لمرت عمك وبتهة حته يجون يتفقون ويشوفون البنيه ويايه
عبد الله _ يوم الجمعه ان شاء الله
ابو عبد الله _ بس لازم ننطي خبر الاهل البنية يابه
عبد الله _ اي يابه هاي خليهة عليه
ابو عبد الله _ هاهيه وليدي الله يقدملك الي بي الخير
ثاني يوم عبد الله وصل زهراء على المدرسه وكللهة اريدج تلمحين لميار انو راح يجون اهلي الجمعه يخطبوهة
زهراء _ اوك
راحت زهراء وبالفرصه التقت بيهم سلمت عليهم
ولمحتلهة زهراء _ حبي ميار حضري نفسج الجمعه عندج خطابه جايج
ميار _ ياا ومنو ذوله صدك تحجين انتي
زهراء _ اي ولله ابن عمي حابج ورايدج بالحلال ياريت تبلغين اهلج
ميار _ خجلت وصارن خدودي حمر
هنانه فيان بس تضحك وره مراحت زهراء
فيان _ ها ميار حتسويهة وتزوجين وتعوفيني وحدي
ميار _ لا حبيبتي ماعوفج اصلا اني ممفكره بالزواج بس الباقي يم اهلي
كملنه دوام ورجعنه البيتنه اني صافنه هذه منو الي يحبني ويريدني بالحلال اصلا هوه شوكت شايفني
وصلت للبيت لكيت مامه
ام ميار _ هله يمه شلونج اليوم بالمدرسه
ميار _ الحمد لله مامه بفضل دعائج ورضاج عليه
ام ميار _ الله يرضه عنج يمه روحي بدلي بين ماحضرلج الغده
ميار _ اي ولله مامه ميته جوع
رحت بدلت واجيت كعدت داكل وصفنت دافكر بالخطابه الي شلو تفكيري اجتي مامه جان تكلي خيرج مامه شبيج صافنه
ميار _ لا مامه ماكو شي سلامتج
ام ميار _ ميار يمه تره اني ادري بيج من عندج سالفه تحمرين
ميار _ اليوم اجتي صديقتي عليه وبلغتني راح يجوني خطابه يوم الجمعه
ام ميار _ اي هذه خبر حلو بس لازم نكول الابوج اول
ميار_ بس اني ممفكره بالزواج هسه بالي كله بدراستي
ام ميار _ حبيبتي بنتي هاي سنه الحياة حته لو تزوجين يجوز يخليج تكملين على كلن يجي ابوج ونحجي ويا
هنا عبد الله سأل زهراء من طلعت من المدرسه ها بشري
زهراء _ بلغتهة ووضحتلهة
عبد الله هنا طار من الفرح
اجه ابو البنيه للبيت وكعدو على العشه سوه سولفوا عادي وراها كامت ميار
ميار _ الحمد لله والشكر
ابو ميار وين بابه مأكتلي
ميار _ حبيبي بابه شبعت الله يزيد النعمه
راحت وراها حجت ام ميار لابو ميار عن سالفه الخطابه
وكلتله يوم الجمعه يجون
ابو ميار _ وميار شكالت
ام ميار _ كالت اني اريد اكمل دراستي واحب ادرس
ابو ميار _ واني هم اشوفهة بعدهة زغيره مو مال زواج وخطيه عدهة واهس بدراستهة خليهة تكمل
ام ميار _ ميصير هشكل علي لازم يجون ونشوفهم اذا قسمه زينه ليش لا تره القسمه الزينه تجي مره وحده بالعمر
ابو ميار _ خوش لعد خلي يجون ونشوفهم بس تره اني مصر على قرار البنيه زغيره واريدهة تكمل بس ميمنع انشوف الجماعه حته منفشلهم
اجه يوم الجمعه المنتضر صار الغده ابيت عبد الله واجتي مرت عمه وزهراء بت عمه علمود يطلعون سويه
طبعا جان يوم المنه بالنسبه الامي والابويه ابنهم الوحيد كبر وراح يصير عريس المهم تغدو وكملو جهزو نفسهم واخذتهم بسيارتي لبيت ميار وصلت يم باب بيتهم شفت شخص عمره تقريبا لو اربعينات لو خمسينات اني كلت هذه ابوهة نزلو امي ومرت عمي وزهراء من السياره سلمو على الرجال رحب بيهم وفتح الهم الباب اني رجعت للبيت بس جوايه نار بس اريد اعرف الجواب دخلو النسوان
ام عبد الله _ سلام عليكم
ام ميار وعليكم السلام اهلا وسهلا نورتو البيت
ام عبد الله _منور بهلة عيوني
كعدو وبعد خمس دقايق ام ميار صاحت الميار حته تضيف الخطار اجتي ميار جانت لابسه بجامه عاديه وشعرهة مفتوح طبت جابت عصير وكيك
ام عبد الله _ اللهم صلي على محمد وال محمد شنو هل كيمر
ميار خجلت
ام ميار_ تسلمين حبيبتي انتي الاحله
فتحوا الموضوع وام عبد الله طلبت ايد ميار على سنه الله ورسوله
ام ميار _ اكيد احنة نتشرف بيكم بس تعرفين لازم ناخذ رأي البنيه وابوهة
ام عبد الله _ حكج عيوني ام ميار كلكم اصول الله يحفضيالج يارب
ام ميار _ ربي يسلمج عيوني
رجع عبد الله اجه على امه ومرت عمه وزهراء واخذهم للبيت. صعدو بالسيارة وامي كلش فرحانه اتكول جنتي اجنن يارب يتمم على خير
عبد الله _ ان شاء الله يارب 😂😂
اجه ابو ميار على ام ميار ها ام ميار بشري اشونهم الجماعه ولله ياابو ميار الجماعه زينين والولد عمره 23 سنه وضابط وحالتهم الماديه زينه يعني راح تعيش بتنه نفس عيشتنه ميتغير عليهة شي ونطونه مهله انفكر ل 3 ايام ولازم انرجعلهم خبر
ابو ميار _ الله كريم
ميار على الرغم قلقانه ومتوتره بس اني جنت رافضه الزواج اجه بابه يمي بالغرفه دك الباب كلت تفضل
ابو ميار _ هاي شدسوي ميار حبيبت ابوهة
ميار _ جاي احضر واجباتي بابة
ابو ميار _ عوفي واجباتج شويه بنتي عندي موضوع اريد اخذ رأيج بي مثل مشفتي اليوم اجوي ناس عليج ورايديج جيت اعرف رده فعلج شنو
ميار _ 😥😥بابة اني كلش لاغيه فكره الزواج من راسي لان تدري بيه احب ادرس وحلمي اصير دكتوره اطفال
ابو ميار _ لا حبيبت بابه لتبجين مصار شي عادي اعتبري الموضوع مصاير من الاساس يمه بنوتي اشو اضحكي يله تره اكعد ابجي وياج
ميار _ 😂الله يحفظك الي بابة وميحرمني من حنانك بسته وطلع من الغرفه
نزل ابو ميار على ام ميار وكللهة اني جنت حاب اسمع قرار بنتي وماطول نزلت دموع بنتي خلص معناها الموضوع منتهي واتعذري منهم
ام ميار _ هاهيه الي تكوله صاير
مر يومين ورجع الجواب الام عبد الله انو ماكو نصيب سمع عبد الله كلب الدنيا تخبل ميعرف شيسوي هوه جان بالكوه منتضر يوافقون مجان متوقع الرفض انصدم منانه حقد عليهم وكال بسيطة 😏 لهنا وينتهي البارت الثاني انتضروني ابارت اخر ان شاء الله احبكم 🥰