" صباح الخير من أول يوم فِ كُلية الأثار ، الكلية الـ كانت حلمي و دلوقتي بقت واقعي مِن أول دخولي الثانوية العامة بعد إصرار من والدتي خصوصاً إني بنتها الوحيد وهي معاها الشهادة الابتدائية ودايما بتحلم بِ يوم تخرجي من الكلية ، أمنية صحبتي الوحيدة من اعدادي و دلوقتي معايا في كلية الأثار "
-بصحي من النوم علي صوت أمي اصحي يا نور يلا عشان تصلي ونفطر سوا علشان الكلية يا بنتي
حاضر يماما ، بلبس دريس ازرق وخمار بيچ وبسلم علي ماما وبنزل بعدي عَلي أمنية
انزلي يلا انا تحت بيتك
_أمنية : اصبري يا نور هلبس خماري ونزلالك
طول عمرها مواعيدها مش مظبوطة لكن هعمل اي بس! مليش غيرها ، وفي طريقنا للكلية متحمسه جدا عيني بتلمع " كليه الأثار مكتوبة بالبونط العريض وايدي ف ايد أمنية .
" بحضر أول محاضرة لمادة أثار وحضارة إسلامية ، الدكتورة بتشرح كويس وانا مركزه ومن وقت للتاني عيني تيجي ف عين أمنية ونبتسم بتنتهي المحاضرة ونخرج عشان نقعد ف كافية الكلية
الـ قاعد لوحده والـ بيحاول يكون صداقات ويتعرف علي ناس جديدة ودَ بإختلاف كُل مرحلة بنات وشباب من سنة تانيه وتالته مع بَعض علي نفس التربيزة وصوت ضحكهم واصل لنا
-أمنية : احنا مش هناكل ولا اي يست نور انا جوعت 🙄
حاضر يستي وبقوم علشان اجيب اكل لينا دي ممكن تاكلني انا ، طبعا دَ أول يوم ليا هنا لسه مش أخده علي المكان واروح فين وأجي منين بس مكان الأكل مش بعيد ، بطلب ليا أكل انا وهي وبتفرج علي بعض الاماكن فِ الكلية وانا واقفة مكاني خلاص الاكل خُلص وطبعا الهانم لازم تشرب ف طلبت واحد لاتية ليها والاكل ف ايدي و في طريقي ليها وكُل شله قاعده مع بعضها وانا ماشيه وببص علي كُل زاوية فِ الكلية ومعرفش ازاي حصل كدا انا مفوقتش غير واللاتية مغرق قميصه الابيض وانا متلخبطه ومش عارفه اعتذر ولا اجري بسرعه ثانيه وكنت هعيط وقتها ملفتش نظري غير حاجه واحده بس
" عيـونة ، عـيونة كانت حتة من السما 💙👀' وانا مبحلقة وساكتة سبحان الخالق ، أنا بعتذر جداً انا كنت .. كنت ... ومعرفتش اقول كلمتين
"هو : حصل خير مش مُشكلة ، انتِ في اولة مش كدا ؟
_أه ، أيوة فِ أولة
أنـا يوسف معاكِ هنا فِ الكلية فِ تالتة ، مد إيدة عشان يسلم ..
وشي أحمر وقلبي بينبض بسرعه ، أسـفة انا مش بسلم ، ابتسم ابتسامة خجل بَعد إذنك وبكرر أسفي تاني ، مشيت معرفش مشيت ازاي وصلت لـ أمنية انا ايدي بتترعش ووشي باين عليه
أمنية : في اي يا نور واتأخرتي كدَ لية قلقتيني عليكِ انا كنت لسه هجيلك ووشك ماله كدَ ؟
-أنـا في حالة سكوت تام وبنحضر أخر محاضرة وبنروح ، بدخل البيت بسلم علي ماما وبغير وبصلي الضهر وماما مستنياني طبعا علشان احكيلها تفاصيل يومي كالعادة لكن اليوم كان مُرهق وبدخل أنام
أنت تقرأ
مُنذ أن إلتقينا
Romanceأَدركت منذ أن التقيت بِ عَيناك أن الشمس أنارت دَربي من جديد أن عيناك المُقتبسه من السماء كسرت قوانين الطبيعـة وفَتنتُ قلبي وأن جُزء منكَ ظَل عالقاً بي ودَدت أن اعقد يَدك بيدي حتي تحترق النجوم وتختفي جميع المجرات وتصل روحي إلي السماء السابعة ونلتقي ي...
