صباح جديد:
♥صوفيا♥
_نضت ولقيت ميليسا رمات رجليها وحدا في وجهي و الزاوجة من جيهتها 😂 ترقد كي البقرة ...نضت بالعقل دخلت الدوش دوشت غسلت سناني مشطت شعري درتلوا ضفاير و لبست روبا طويلة شوية فيها وردات صغار بزاااف فلكحل
دخلت الكوزينة لبست الطابلية درت ليكراب و سخنت لحليب خرجت مربى تاع الفراولة و الشوكولا 😍 يمامي شحال شاطرة انا ...ياودي انا كل صبع بصنعة
حطيت الطابلة فالباكلون رحت نوضت البقرة بسيف باش ناضت ... تقول كانت تدابز مع سبع ماشي رقدت
رحت فتحت الباب رفدت الجرنان و دخلت للبالكون جبدت الجرنان و قعدت نشرب في قهوتي و نتفرج في برج ايفل و كيفاه الناس تدور و تمشي و تضحك يااااي
شحال شابة المعيشة في هاذ البلاصة ...حتى جات ميليسا هجمت على الماكلة اياياي تقول اعصار جاز يا جدها كلات كلش ...
ميليسا:صباح بخير
صوفيا:كي قضيتي على كل شي تفكرني راني هنا 😂
ميليسا: لا هدرت معاك باش نتاكد بلي حرام ناكلك
صوفيا:بسم الله مفهمتش وين راهي تروح الماكلة
ميليسا:ايه تروح وين تروح الماكلة
ميليسا:تيليفوني راه يصوني وين راهوا؟
صونيا:شوفي وين رميتيه
ميليسا: كون علابالي وين راهوا نحوس عليه ؟
صوفيا:فالمطرح وين ليل كامل ونتي توشوشي كي الفار
راحت تجري ...الحب و مايدير ياه ...جمعت الطابلة و غسلت لماعن ...دخلت نتفرج لقيت البرنامج تاع لبارح قعدت نتفرج عجبني بزاف
كنت نتفرج بتركيز
حتى جاتني فكرة جهنمية ...ممم لوكان نأجل الفكرة تاعي تاع المشروع و نفذ هاذ الفكرة
جبدت التيليفون وبديت نحوس ...و لقيت صح واش كنت حابة درت واش لازم و حطيت التيليفون و كملت نتفرج
نضت نسيق بسك لبارح خليت التواقي مفتوحين و دخل لغبار بدلت حوايجي لبست وحدا تاع دار
بدلت الريدوات و الغطا.تاع الفراش و المخايد
و عطيتهم لميليسا تغسل
ميليسا:درتي ميناج؟
صوفيا:😂😂😂 وي
جبدت البيدون و الفروطوار بديت نفرغ في الجافيل ...اه ريحتوا ادمنتها 😂
مسحت لغبار و سيقت و مسحت الزجاجات و التواقي بالجرنان
و مبعدا رحت للكوزينة درت لفطور و مسحت الفريجيدار كامل ... و ميليسا غسلت الحوايج و نشرتهم و دخلت لي كانوا ناشفين و طواتهم و دارتهم في لخزانة
أنت تقرأ
🌼اَسَرَتْ قَلْبِيْ🌼﴿بالهجة الجزائرية﴾
Short Story_لا اعلم مالذي حل بي ...لا اعلم كيف تفعلين هذا لي ...لا إفهم ما يحدث حين ارى و جهكِ...حين اراكي تعود الحياة لتنبض في قلبي ... _ لم إفهم هذا الشعور منذ البداية ...لقد انكرته مرارا و تكرارا الا أنه كان أقوى مني و منك ...
