بعد يومين :
آخر يوم في الدشرة
صوفيا:
اليوم التالي في الدشرة اليوم 😂 ...راهي 9:00 ... نضت صباااح بكري ...لبست روبا و فونارة كيما العادة مي هاذ الخطرة ماشي بليغة حا نولي لدار بالحطة تاع الدشرة
رحت لقطت الياسمين و زدت جبت معايا شويا ليم 😂
يوهيهيهيههي تهورت 😂...سلمت على خالتي مريومة و ريهام و زدت سلمت على خالتي وردية عنقتها والله غير دخلت قلبي نحبهاااا بزاف ...
_في الطريق:
ريهام:صوفي والفتك والله حنتوحشك
صوفيا:😂 مام انا والله
ريهام:😂
صوفيا:دك نولي لحياتي السامطة 😟
ريهام:اععع كي تكرهي عاودي ولي
صوفيا: احم تفكرت يحي معترفليش تسما نتي ماشي بنت خالتي مريم
ريهام: سمحيلي بزاف بسك وهمتك بلي حيقولك حاجة مي مقال والوا
صوفيا:بفف عادي مش حنزعف من حاجة كيما هاذي
وصلتني ريهام لمحطة الحافلات ...لي فيها متڨزيستيش حافلة 😂 غير هاذوك دار علي لي عندهم الدراهم بزاااف
ديت معايا حفنة تاع ازهار الياسمين ويااا شحال شابة ريحتها خاصة مع صباح هكا كي يكونوا يتفتحوا
قعدت نستنا و نستنا و نستنا و ماكان والوا حتى جا كاميون كبير كانوا راكبين فيه ناس
ركبت معاه والله معلاباليش بجدهم
والله غير هاذوا الناس يديروا لومبيونص ...يغنوا و يدربكوا ...
هاذوا اليومين جازوا باللخف ...يحي مادار حتى ردة فعل و ريهام خرجت ماشي بنت خالتو مريم😂
قررت اني انا ثاني ندير ردة فعل ...لانوا علاقتنا تاع صح لازم واحد فينا يدير خطوة فيها
قررت اني انا نكون صاحبة الخطوة ...بنا انو هو ديجا اعترفلي
قطع حبل افكاري كي حبست الشاحنة ...هبطت و رفدت الفاليز الصغيرة تاعي ....كانوا فيها شويا فواكة ....و حتى الكروشي و كبة تاع الصوف لي عطاتهالي خالتي وردية
كملت للدار بتاكسي كانت الوحدة تاع لعشية ...فتحت الباب بالمفتاح قابلني صوت يما
ماما:شكون جا ؟
صوفيا:انا
ماما: خرج عليك البلاد😏
صوفيا:😂 والله غير حالة لعجوز هايل
ماما:أيا اطلعي تريحي
صوفيا:والله لعجوز طليتيلي على قلبي واش لحاج بابا وين راه
أنت تقرأ
🌼اَسَرَتْ قَلْبِيْ🌼﴿بالهجة الجزائرية﴾
Krótkie Opowiadania_لا اعلم مالذي حل بي ...لا اعلم كيف تفعلين هذا لي ...لا إفهم ما يحدث حين ارى و جهكِ...حين اراكي تعود الحياة لتنبض في قلبي ... _ لم إفهم هذا الشعور منذ البداية ...لقد انكرته مرارا و تكرارا الا أنه كان أقوى مني و منك ...
