Inescapable Dream (Inescapable #1)

Dream 12

Papunta na ako sa gymnasium para sa practice namin ng volleyball at mabuti na lang ay nakumbinsi ko si Queen na mauna na siyang umuwi. Sa bukana ng gymnasium ay nakatayo si Gio.

"Hi, Zira!" He smiled.

"O, Gio." Nginitian ko rin siya. "Bakit ka nandito?"

"May practice rin kami ng basketball sa open court. Sabay ka na sa akin pag-uwi mamaya?"

Tumango naman ako. "Okay sige, kapag sabay natapos 'yong mga practice natin."

Lumawak naman ang ngiti niya. "See you later."

Kumaway pa ako sa kanya bago pumasok sa gymnasium. Nakakaloko naman akong tinignan ni Eleanor.

"Bakit, Kapitana?" tanong ko.

Napatili pa ako nang kurutin niya ang tagiliran ko. "Ikaw, ah? Sino ba sa kanila? Lacosta o Salvatore?"

Lumingon naman si Shaneya nang marinig niya ang apelyido ni Troye.

"Wag ka maingay, Kapitana!" saway ko sa kanya. Humilig pa ako para bumulong. "Boyfriend ni Altamirano si Lacosta."

Namilog naman ang mga ni Eleanor. "Really?"

Hindi siya makapaniwala. Tumango naman ako.

Maayos ang daloy ng practice namin nang biglang pumasok si Troye. Mabilis ang paglalakad niya papunta sa amin at kitang kita ko ang pag-igting ng mga panga niya.

Galita siya. Lagi siyang mukhang galit pero ngayon galit talaga siya. He's fuming mad!

Napasinghap kami nang haltakin niya ang braso ni Shaneya. Kitang kita ko ang pagngiwi ni Shaneya sa sakit nang pagkakahawak ni Troye sa braso niya.

"Excuse me, Coach. There is an emergency."

Hindi ako naniniwala kaya naman sinundan ko sila nang kaladkadin niya si Shaneya.

"Troye! Nasasaktan si Shaneya!"

Tumigil sa paglalakad si Troye at matalim na tumingin sa akin. "Wag kang makialam, Zira!"

Parang may kung ano namang dumagan sa dibdib ko nang sigawan ako ni Troye. Kahit gusto kong balewalain ang nangyari kanina ay hindi ko magawa.

Nakakainis!

Napalakas nang sobra ang pagkakaspike ko sa bola kaya tumama sa mukha ng isa naming ka-teammate.

"Sorry!" natatarantang sabi ko.

"Ang solid noon, Zira!"

Rinig ko ang bahid ng tuwa sa boses ni Coach.

"I'm sorry, Diane!"

Nagthumbs up naman siya sa akin.

Quarter to 7 na natapos ang practice at hanggang ngayon ay hindi pa bumabalik si Shaneya.

"Dalhin niyo na lang ang gamit ni Shaneya sa HQ, nagtext siya at hindi na siya makakabalik. May emergency raw," ani Coach.

Hindi ako naniniwalang may emergency! I can't believe you, Troye Lacosta! Talagang kinaladkad niya ang girlfriend niya?

Kakalabas ko palang ng HQ ay namataan ko na si Gio na palapit sa akin. Nakapagpalit na rin siya ng damit.

"Let's go?"

Tumango naman ako at pinilit ngumiti.

"Zira, would you mind if we eat dinner first before I drop you home?"

Naaalangan pa na tanong ni Gio. Papunta kami ngayon sa parking lot.

"Ah, sige. Pero saglit lang, ah? Baka kasi mag-alala na sa akin ang parents ko."