#الزوجة_الثانيه

الجزء الاول

#الزوجه_الثانيه
#هبه_دعير

يكلك بهذاك الوكت بالثمانينات
جانت اكو بنيه اسمه رغد
من كربلاء
جميله جداً
عدها 3 اخوان ما يخلوها تعبر باب الحوش
محد شايفه و لا واحد مر عليه
ضلت رغد الجميلة بدون زواج لمن ما صار عمرها 29 سنه
و بهذاك اليوم السعيد
جانت رغد عالكه التلفزيون و تباوع على مسلسله وبهذاك المسلسله اكو  قصة حب
كعدت رغد تلوم بنفسه
و تحجي على حظها و صار عمره 29 سنه و هي لا حب و لا بطيخ

كله يا رغد كله تحب و تزوج و تخلف و انتي هايه كعدتج حتى محد دك بابج
بعدها تحسب بصفناتها
و جان يدك تليفون
تعرفون بهذاك الوكت ماكو موبايل
جان خط ارضي لا يطلع لا اسم و لا كاشف ههههه
صاحت رغد خايبين تليفون يدك ردوا عليه محد ...
دك مره مرتين ماكو
دك ثالثه
خاب أكوم اني ارد ما طول محد بالبيت
كامت رغد و فتحت خط
الووو
منوو
العفوا بيت كريم
لا يابه مو بيت كريم
اني اعتذر اختي
ما صار شي خويه
ورا عشر دقائق رجع دك
هاي شطلعت اليوم تليفون ما يسكت
خاف رغد تشوفله مسلسله و مرتاحه
لازم واحد يخرب كعدتها
الووو
الوو
خاب هذا انت مو كتلك الرقم الغلط اش جلبت بكريم ما كريم
هنا فيصل طك من الضحك
خاب شمالك تضحك مسولفتلك نكته
خلينه نتعارف
و الله اني الصراحه حبيت صوتج
خاب وين تتعارف عندي 3 اخوان
واحد ضابط بالجيش
و الثاني كصاب
و ثالث صاحب كهوه
يلزموك يكطعوك تكطع
فصيل رجع طك من الضحك
هم صوت حلو و هم دم خفيف
هنا رغد تحرك شي بداخله
اول مره واحد يكله هيج
وكالت يا رغد اجتج فرصه استغليه
هي كله تضحك على بنات ياهو ليزوجهن
بس اقلاها اني مجربه الحب احسن من ضلتي هايه
كولوا رغد اقتنعت تتعرف

يتبع •••••