#الزوجة_الثانيه

^الجزء الثاني ^

#الزوجة_الثانية

#هبه_دعير

#رمضان_كريم_عساكم_من_عوداه_اهله_علينا_بالأمن_والايمان_والسلامه_والعافيه_والرزق_ودفع الأسقام

#رمضان_مبارك_احبتي
#تقبل_الله_صيامكم_و قيامكم 🧡

^^^^

نگول رغد اقتنعت تحجي ويه فيصل ...
وضلت سوالف و ضحك
لا ساعه لا ساعتين على التليفون
يوم يجر يوم ...
لهناك فيصل بدا يحب رغد من صدك
و كال اليوم اعترفلها بحبي ...
و تواعدوا ساعه بالعاشره يدك
لمن كله طالعه للشغل ...
ساعه بالعاشره دك فيصل
الو
الوو
شلونه رغد؟
رغد
الحمد الله
وانت ؟!
فيصل
والله اني وضعي مدمر و مخربطه أحوالي وضايع و ما ادري شبيه صفنه تأخذني و صفنه تجيبني حاير ..
رغد
شنييي بس لا سفنك غركت ههههه
فيصل
والله ياريت ياا رغد ياريت
رغد
يمه اسم الله خوفتني شبيك !
فيصل
رغد اريد اكلج بشي بس عليج العباس لا تسدين تليفون
رغد
شني بله ؟
يله كول ما اسده
فيصل
راح اكلج بس لا تفهميني غلط !
يريد يكلها بس ما يعرف شلون ...
رغد
لا ما افتهمك غلط
طلعها للدره طلعها ...
فيصل
رغد انتي شلون شكلج وصفيلياه يعني هم شبهين ممثله او وحده ؟؟؟
^^^
*اي اي لا تنصدمون الشباب قبل هالدرجه مؤدبين بالحب و علاقه 
يخافون الله
مو مثل حب هالوكت اش لابسه اش داسوين ههههه
(حقيقه)
^^^

رغد
اني فريده من نوعي ما الي شبيها ههههه
فيصل
دحجي ولج احجي ملعونه
شلعتي كلبي
رغد
جنت عالكه تلفزيون
على قناة العراق وطالعه المذيعة شروق عاد صارت كدامي  وكتله اني اشبه المذيعة شروق هههه
شسوي ما اعرف اشبه نفسي ههه
ادري هو وين راح يشوفني خليني اجذب و افيك مثل ما ناس تفيك هههه
صحيح اني حلوه و ما ناقصني شي بس ما اوصل لجمال المذيعة شروق ههههه
عاد هنا فيصل مات من الفرحه و الدنيا ما وسعته
هم مريحه و هم جمال ...
كال هاي فرصتي و دنيا فرص خل اجرب حظي بلكي يصيب هالمره ...

رغوده بصراحه اريد اكلج شي بس مستحي منج !
رغد
هجم بيت لبانيه مستحي من شوكت يحظي ههههه
فصيل
هههههه
من هسه
والله رايد اكلج ...
رغد
إي اي كلي
فيصل
خل نلتقي اريد اشوفج عليج الحسين
رغد
تريد تبليني انت
اكلك باب الحوش ما شايفته وين تلتقي
فيصل
شبيج ما حاسه بيه انتي ابد
اريد اشوفج طاك كلبي بس على شوفتج
رغد
انت تريد تموتني يعني موتي على ايدك
اكلك ما اطلع شبيك اخواني يذبحوني
فيصل
ألفي حجه و خل نشاوف
رغد
ما اكدر ما اطلع تريد تجيبلي مصيبه تالي عمري ...
يمه غير يذبحوني بس يشوفوني ويه ولد اسم الله الزهره
وسدت تليفون رغد بوجه فيصل ...

   -كعد فصيل يدك يدك
ماااا ترد رغد
-ثاني يوم
يدك يدك
ما ترد رغد
-صار اسبوع و فيصل ما دك على رغد

رغد
هاي وين ليش فيصل صارله اسبوع ماكو شني زعل مني

خل ادك اني وأراضي مني
دكت رغد
ماكو
ثاني يوم
دكت مااااااااكو
هنا رغد بدت تتخربط اوضاعها
حست على نفسها داتحب فيصل
تعلقت بيه وتعودت عليه ومالي عليه الوكت و الفراغ
شويه شويه صارت حزينه
فيصل ماكو
بطلت لاكل
-وره أسبوعين
رغد
اني هم شمالني بسرعه تقشمرت ويني و وين الحب و هاي سوالف شجابني عليه
مو جنت منجبه و كاعده بلا هم بلا غم
شوداني حظي المصخم 
بس والله ينحب و طيب
اخاف بيه شي صار عليه شي ؟؟!
كلبي ما انطاني ورحت و دكيت
مره
مرتين
ماااكووو ....

يتبع ••••••