الحب ليس من حقي "مكتملة ✔

بارت8

مرحبا بارت جديد استمتعو بالقراءة
.
.
.
.
بيوم من الايام راح اوس للشغل كالعادة واني وقفت حتى اسوي اكل رن تلفوني رحت شلته شفت رقم مجهول فتحته وكلت..

تقى : الوو..

الرجل : هااا شلونج ..
من كلي شلونج عرفت كبل هاذا منو ..

تقى : يا حقير شلون تجرأت وخابرتني مرة ثانية ..

الرجل: هلا هلا عيني شكلج تعديتي مرحلة حبيبج الاولاني هسه انتي ملتهية بزوجج..

تقى : باوع انتا يوم كتلت وسام كلت هاي هيا بعد ما اعترض طريقج واكيد دريت بالحالة الي مريت بيها اني  فا من صالحنا اني وانتا انو ما ترجع لحياتي مرة ثانية واذا اوس اتأذى ولو بشعرة أحسب نفسك متت بأكثر طريقة بشعة وانتا تدري بيا اني شكد رحومة..

الرجل: هاي شكو جاي تهددين اني خابرتج علمود اسال عليج وانتي هيج تحجين وياي حرام جا والعشرة الي بينا ...

تقى : ماكو عشرة بيننا حتى لو جان اكو اني ذبيتها بزبالة من زمان ...

الرجل : ههههه اني راح اروح هسه لأني عندي هوا شغل وانتي تدرين بيا بس اعرفي انو اني رجعت مرة ثانية احذري ماشي ...

تقى : شعندك لا تقصر ..

كملت يومي واجا اوس كعادته حضني ودخل وياي للمطبخ حتى يساعدني بالاكل.... خلصنا وكعدنا حتى نتعشى اني ما اكلت بقيت بس اباوع لصحني انتبه اوس عليا وكلي ...

اوس: تقى شبيج ليش ما جاب تاكلين...

تقى : خلص اكلك وبعدين اكلك عندي موضوع اريد احجيلك ياه ..

اوس : ما يحتاج أكمل كولي هسه...

تقى : اوس اني ما اريد اغبي عليك شي .. تذكر الرجل الي كتلك عليه الرجل العجوز....

اوس: اي اذكره..

تقى :  اليوم خابرني وكلي انه رجع لحياتي وبصراحة اني خايفة عليك ما بيا حيل اتحمل فراق شخص ثاني احبه...

باوعلي اوس وضحك ومسك ايدي وكلي ...

اوس: لا تخافين ما دام نحنا سوا محد يكدر يوكف بوجهنا ماشي لا تفكرين هواي بيه ... ابتسملته اني ومشى اليوم عادي ..... باليوم الثاني راح اوس للشغل كالعادة ... مر اليوم عادي واجا الليل ... انتظرت اوس للساعة ثمانية و اوس ما اجا كلت يمكن عنده شغل هواي ...صارت الساعة ثمانية  ونص و اوس هم ما اجا خابرته تلفونه مغلق يا الله شلون سالفة هاي .... واني كاعدة انتظر دك تلفوني باوعلته شفت اوس جاي يخابر فتحته وكلت ..

تقى : اوس هاي وينك ليش ما جاي ترد ضل بالي يمك وليش تاخرت..

الرجل : هههه صايرة ام بيت وتخافين على زوجج ...

تقى: شسويت وين اوس ...

الرجل : تذكرين المكان الي انكتل بيه حبيبج السابق. تعالي هناك ..

تقى: شوف اذا تأذى اوس ولو بشعرة أحسب نفسك متت بأكثر طريقة بشعة ... سديت التلفون وكمت ركض طلعت من البيت حتى ما انتبهت على شكلي طلعت بملابس البيت .... وصلت  للمكان الي كلي عليه وانعادت الذكريات المؤلمة بالنسبة الي بالقوة تجرأت ودخلت المكان ... دخلت وشفت اوس كاعد بنفس المكان الي كعد بيه وسام قبل سنة ونص ومربوط بنفس الطريقة ونفس الكعدة... وكعت على ركبي وبقيت بس ابجي بصمت ودموعي جاي تنزل مثل الشلال واني جاي اباوع لاوس الي جاي يتوسل اني اطلع من المكان ... اجا الرجل ومسكني من شعري وكلي ...

الرجل : هذاك ما خليتج تحجين ويا بس هسه راح اخليج تودعيه.... وبعدها طلع اني ركضت على اوس وفكيت قيدوه وحضنته بكل ما الله انطاني قوة..... ابتعدت عنه وخليت راسي على راسه واني جاي ابجي ...

تقى : لا تعوفني وتعوف ابنك....

اوس : ش..شنوو انتي حامل ..

تقى : اي اي حامل المن يضل اذا رحت انتا ما بيا حيل اتحمل فراق شخص ثاني احبه...

أبتسم اوس ابتسامة مكسورة وكلي..

اوس : الله ويانا اذا  تركتج هسه اكيد راح يخلينا نجتمع مرة ثانية ....

دخل الرجل ورجاله وانعاد نفس الموقف  اجو الرجال ومسكوني  واني جاي اصرخ حط الرجل المسدس على رأس اوس ... ابتسم اوس وكلي ...

اوس : احبج...

وهنا اني اتجمدت مكاني انعاد الموقف عليا وشفت حبيبي مات كدامي واني عاجزة عن فعل اي شي ..

ضحك الرجل ضحكة عالية وطلع وعافني ويا اوس .... رحت عليه واني جاي اصرخ واحضنه بكل ما الله انطاني قوة وابجي واصرخ بأسمه...

تقى: اوس ارجعلي لااا يا الله ليش ليش هيج ليش اخذته مني يا الله ليش تاخذ مني اكثر أشخاص احبهم ليش ....

مرت ايام  واني كاعدة بالبيت وحدي ما اطلع ولا اخلي أحد يشوفني ولا اكل وجنت يوميا اروح  لقبر اوس و وسام  تدرون شسويت خليت قبر اوس يم قبر وسام .. يوميا اروح هناك واكعد احجي وياهم عبالك انهم عايشين...

تقى : تدرون شراح اسوي راح اروح وامسك هذا الشخص الي خلاكم تبتعدون اوعدكم راح اسلخ جلده عن عضمه وما راح اخليه يحصل حتى القبر اوعدكم .....
.
.
.
.
.
انتهى 😇🤗💜
.
.
اتمنى يكون عجبكم البارت...

ملاحظة: القصة لا تمد للواقع باي صلة مجرد خيال...

الكاتبة: hsynmar635