بسم الله الرحمن الرحيم
الفصل الرابع
تانى يوم صحيت يسر واتوضت وصلت ولبست عشان تنزل تروح الشركة
وهى نازلة تلفونها رن
اول ماشافت الاسم ع الشاشة ابتسمت تلقائيا وردت بلهفة وسعادة
الوووو ياحضرت العميد
والد يسر ازيك يابنتى عاملة اية طمنينى عليكى
يسر بضحكة حيلك حيلك بس يابابا انا تمام الحمدلله انت اخبارك اية طمنى
والد يسر طول ماانتى بعيدة عنى انا مش تمام
يسر حبيبى يا بابا متقلقش كلها شوية صغننين وهكون معاك
الاب خلى بالك من نفسك يابنتى وابقى طمنينى عليكى
يسر حاضر ياحبيبى
الاب فامان الله يابنتى مع السلامة
قفلت يسر مع والدها وراحت للشركة
واول ما دخلت مكتبها لقت ال بيمسكها من وسطها جامد وبيقولها
عندك نص ساعة تاخير ياانسة
لفت عشان تضربة بالالم بس افتكرت انها هتبوظ كل حاجة لو عملت كدة
شالت ايدو بصرامة وبنظرات كلها تحذير
قالت انت ازاى تعمل كدة
حسام ببرود اعمل اية
يسر تمسكنى بطريقة دى
حسام ببتسامة مستفزة واي المشكلة
يسر المشكلة يا استاذ يامحترم انك لو ملتزمتش حدودك معايا انا هعرفك شغلك
حسام رفع حاجبة وقالها انتى اذاى بتكلمينى كدة انتى مش عارفة انا مين وممكن اعمل اية
يسر بغضب لا عارفة حسام بية ابن صاحب الشركة ال ممكن يرفدنى من هنا
حسام صقف ع ايدو براڤو عليكى ياامورة شاطرة يبقى تسمعى الكلام بقا وتخليكى حلوة والا انتى عارفة انا ممكن ارفدك
يسر بغرور ياريت ترفدنى انا اصلا ميشرفنيش انى اكمل معاك
حسام بغضب انتى بتقولى اية يابت انتى
يسر ال سمعتة سيدتك وسابتة ومشيت وطلعت من الشركة كلها.................................
انتى غبية يابت انتى انتى اذاى تعملى حاجة زى دة هضيعى مننا كل حاجة بغبائك
يسر انا مسمحلكش تكلمنى بالاسلوب دة وبعدين مين فينا اللى غبى ياحضرت الملازم
خضر ابويا
يسر نعممم
خضر اومال اقولك اية انتى اذاى تبهدلى الراجل بشكل دة وتسبيلو الشركة وتمشى
انا قولت من الاول للعميد حمدى انك هضيعينا دانتى مفكيش ريحة الانوثة والولد بيحب البنات المدلعة
يسر انا قولتلك متتكلمش معايا بلاسلوب دة وانا غلطانة اصلا انى وافقت اشتغل معاك عملية وحدة
خضر انتى كنتى تطولى اصلا وبعدين ما خلاص ضيعتى ام العملية بغبائك
يسر اللهم طولك ياروح
يابنى ادم افهم ال زى حسام دة لو لقى وحدة سهلة اخرو يقضى معاها يومين حلوين وخلاص انما لا هيعرفها اى حاجة عنو ولا عن شغلة
انما ال تخلية يحفى وراها دى بقى ال هتبقى الكل ف الكل
خضر بستهبال وانتى يابت ال هتخلية يقع ف دباديبك
يسر بغرور شوووور واى نوت
خضر كلمينى عربى الله يرضى عليكى وقوليلى ناوية تعملى اية
يسر بلؤم لا لا لا ال زيك ملوش ف الحاجات دى هبقى اعرفك لما ارجع الشغل ودة هيكون قريب اوووى
سلام ياخضر باشا
قفلت يسر مع خضر وقعدت تفكر هتعمل اية لحد ما وصلت لحل انها تروح نفس المكان ال بيسهر في حسام كل يوم وتبتدى تلاعبة من هناك .
................................................
شوفت سيادتك البنت دى هضيعنا كلنا
العميد حمدى خير ياخضر مالك
خضر يسر هانم اتخانقت مع حسام وسبتلو الشركة
انا من الاول قولت دى متنفعش معايا سعادتك
العميد حمدى ببتسامة لا انا عارف ومتاكد انها ليها غرض من ال عملتة دة
خضر يعنى سيدتك مش هتلغى المؤمورية
العميد حمدى مفيش حاجة هتتلغى وكلو هيمشى زى الاول
خضر تمام يافندم بعد اذنك
...........................................
جه اليل ويسر لبست واتشيكت ونزلت عشان تروح المكان ال بيسهر فية حسام
دخلت المكان دة لاول مرة ف حياتها
وكانت كل العيون عليها وع جمالها ال جذب الكل بفستنها الاحمر ال فوق الركبة ومكايجها الهادى وعيونها الخضرا الجميلة وشعرها الكيرلى القصير
اول ما دخلت قعدت ع البار وطلبت مشروب ليها وبعدها بشوية جة شاب يقعد جمبها وقال ببتسامة خبث هو الجميل اول مرة ييجى هنا ولا اية
يسر ببرود اها اول مرة
مد الشاب ايدو ليها وقال رامى هنا ف المكان علطول
يسر سلمت وقالت اهلا بيك تشرفنا
رامى تحبى ترقصى
يسر بصت حوليها تدور ع حسام لقتة قاعد ومش ف المود خالص وحولية بنات كتير
حست ان هى سبب المود الوحش بتاعة دة
وقررت تعكرة زيادة
وقالت لرامى شور ارقص ومالو
خدها وراحو يرقصو وفجاة حسام شافهم
قام زى الثور الهايج ومسكها من درعها
وباعلى صوتة اومال عاملة عليا انا لية الخضر الشريفة
يسر انا مسمحلكش تكلمنى بشكل دة وشيل ايدك دى بدل مااقطعهالك
حسام بعصبية جرها من ايدها لبرا الدسكو
وقالها انتى بتعملى معايا انا لية كدة
يسر عشان انا مش زى اى بنت عرفتها ومش هكون زى اى بنت عرفتها فاهمنى ياحسام بية
حسام بهدوء طاب ممكن نتكلم مع بعض شوية
يسر ببرود اممم هنتكلم ف اية مفيش بينى وبينك كلام صلا
حسام بنرفزة مش هاخد من وقتك كتير ياسلمى هانم
يسر اوك اذا كان كدة مافيش مشكلة
حسام طاب يلا اركبى نروح اى مكان هادى نتكلم فية
يسر ماشى
...........................................
تفتكرو اية هيحصل مع يسر
