#ياريتني_ماعرفتك
الحلقة_7
.
مؤلم جدا لماتترك شخص ع راحته بس راحته هذه توجعك انت😔
.
احمد: قتلك افتحي
انا فتحته له وانا قريب نبكي 💔 لالا مش قريب 😂 تي انا خلاص بكيت 😂
احمد : رن ع اخر مكالمة ورد
...: تي ي بهيمة انا خطر عليا عرس ختي بنقولك عليه ، خيرك سكرتي
انا : سولي الخط فصل 😒
سولي :انا باهي راه يوم السبت الجاي فـ قاعة الـ....... راك تغيبي وجيبي معاك لولي
انا :انشوف هلي ونرد عليك 💚 هيا يا حبي ماما تضبح
وسكرت ،بحتت في احمد 😒
انا :انت ديما هكي دايرلي المصايب احمد تي وقسم بالله كان ما تخطاني نقول لبابا راه 😒
احمد : 😒 فرخةة تهدد
انا :الفرخةة كيفها بعيالها ي فالح
احمد :بعد قلناها لك قعدتي تهزبي
انا :تي انت شدخلك ها انا بنقولها لروحي 😒 وانتم ماتقولوهاش هذي رووووحي 😒 طلع روحك يالله 😒
.
.
مرن يومين وانا وماما كنّا في المطبخ ونهدرزوا
فجاءة سمعنا عيطةة وحد يبكي
طلعنا نجروا
انا : هييي وجدان كنك ومشيتلها نجري
وجدان : ااأا ااأاي 😭 وتحاول تصبي طاحت
ماما جتها ورفعتها
وجدان : ح ح حنين 😭
انا : ن نعم
وجدان :باتك كلمي باتك 💔😭 البيبي ح يموت
انا رنيت عليه ما يردش طلعت ع الدروج
انا: احمااااااأاأااأااأد ، محمووووووووووووووووود واحد منكم فيسع المرا بتمووووت
احمد نزل يجري : من كنك
انا :وجدان طايحة و تي خشش 💔
خش احمد ورفع وجدان وانا طلعت معاها
ماما : يارب ما يصيرلها ئ لاهي لا ولدها 😪
.
.
ماما ، صح وجعتها جيت وجدان بس قلبها طيب وقالت اللي صار صار لو بنستكردها هيا
وبابا مش حيرد شئ 💔
.
.
وصلنا المستشفى وخشينا بيها نجروا
بعد نص ساعه 🌚
طلع الدكتور
انا : جابت ؟🌚💔
احمد بحت فيا هك 😒 : طمني ي دكتور
الدكتور: 😂😂😂 لا الحمد الله بس لازم تقعد هنا اليوم وبكرا تطلع ان ششااء الله
احمد :هيا قدامي للحوش بيش تكلمي باتك
انا :نخش انشوفها قبل
خشيتلها
وجدان : كلميلي باتك
انا :تي باهي ، انا مروحة توا توا نكلمة 😒
وجدان :به 😞
روحت وقلت لبابا. عدالها عاد حب حياته تقول واخذ ماما من الشارع المهم نكملكم
ماما: شن صار لها كويسة ، االبيب تمام
انا: كويسة ي ماما مافيها بلا
ماما :الحمدالله
خشت للدار وتتلها شنطة فيه مستلزماتها واللي تستخقهن ودزتهن مع بابا
رن فوني بحتت لقيتها سندس
انا : انعم
سندس : قتلك
انا : قلت انعم 😂
سندس : الاء حكتلي ع العرس بتمشي
انا : هههههه اها بنعدي
سندس :تمام
انا: ليش
سندس : نحسابها تخرف بروحها
انا :ماتبيش تجي 😕
سندس: وين يمي ليا كم عندكم خلاص رايفت ع راجلي وع حوشي
انا :اهم شئ راجلي 😂😂😂😂😂😂😂😂😂😂😂
سندس: امشي داهيه باي
انا : بايات
سكرت منها رنيت ع ايمن
انا : اهلا
ايمن : اهلين ي عمري 😘
انا : شن الجو وين مختفي
ايمن : الحمدالله تمام والله حوشنا زحمه عرس اختي ملخبط الجو 😂 عقبالنا
انا : ي خيا ربي يهنيها 💛 ان شاء الله 😍
مرن يومين نفس الروتين جا يوم العرس 💛
لبست "قفطان احمر وشعري طلقته و ميك اب حلو "
لولي"لبست اسود توب وحلو ودارت تسريحة و ميك اب بسيط بكل "
طلعنا وصلنا للصالة
مشا الوقت وقالو ان العروس جت
بس غريبة خشن عروستين 💛💛
الاء : ماشاء الله عليهن حلوات
اتا :غريب عروسين
الاء :بلكي سلفات 💛
انا :اها يمكن
مشا الوقت وقالو العريس بيخش
كلنا عيونه ع الباب وفجاءة خش .....
يتبع....
أنت تقرأ
ياريتني ماعرفتك 💔 ( روايات ليبية )
Romanceمش اي حد تحطو ثقتكم بيه في ناس خصارة فيهم الثقة 👌 اعرفوا كيف تختاروا الناس اللي تخش لحياتكم هو صح الحب يجي فجاءة بس صدقوني قبل ما تستخدموا الـ❤ استخدموا عقلكم 💛 🔥
