عشقت طبيبي

الحلقة 10

#عشقتُ_طبيبي
للكاتبهRofa_Abdoo
الباندا🐼

الحلقة 10

رافة: خشيت للمربوعه نتسلل ومدايرة كاشف الفون مش نشوف وينها ... شفتها على الطاوله جنب فون مالك واوس خشيت نمشي على روس اصوابعي بشويش .... وهوووووب رن الفون متع اوس
تيرن تيرن تيرن
رافة: هدا كيف يصكروو فيه 😟
اوس: شن اديري انتي 😳
رافة: ااا ن ناخد في.... وقطعني فون مالك
ترن ترن ترررن تررن
مالك: 😳 شن الديرو ؟
رافة: 🤦🏻‍♀
اوس: الوو .. اه كيف صار تمام تمام جاي .. طوط طوط
مالك: ككيف .. تمام جااي
رافة: خ خيركم 😟
مالك: مكالمه من المستشفى
اوس: بشويه عليك مالك انشاءلله تكون تمام
مالك: خدا مفاتيحه ومايشوف في شيء قدامه كل تفكيره في امه ❤
رافة: استنى مالك ماشيه معاك .. وطلعت لحقته وطبعا كنت لابسه بجامة النوم (عبارة عن توب بودري فيه برنوص متع ارنب 😅 واسكليز ابيض مع سبيدرو ابيض )
اوس: حتي هوا طلع يجري وخدا مفاتيح سيارته
رافة: ركبت مع مالك ونسيييت كل شي صاار قبل كل تفكيري وخوفي عليه وعلى امه ❤
مالك: يجري بسررعه خياليه وساكت
رافة: ماالك لا ارجوك نقص السرعه .. شديت في ايده وسكرت عيوني وانا نبكي لان بجد السيارة قريب الطير من السرعه
مالك: مش مهتم وكل مره يزييد السرعه
رافة: ماااااااااالك خلاااص 🥺
مالك: حسيت بشي غريب خربش مشاعري معادش قدرت نزيد السرعه كان خوفي عليها مسيطر عليا اكتر من كل شيء تاني كل اللي درته وقفت السيارة
رافة: ونبضات قلبي متسارعه .. خلااص على شاني امشي بشويه  🥺
مالك: مسحت على شعرها بيدي .. خلاص معادش تبكي
رافة: معادش تجري 🥺
مالك: نمسحلها في دموعها .. تمام
رافة: وعد ودرت صبعي الصغيرون🤙🏻 🥺❤
مالك: ضحكت على شكلها وهيا مدايرة صبعها وتتكلم زي الصغار مش نفس البنت اللي ديما انشوف فيها طلعت داخلها طفلة ❤... ههه وعد ودرت صبعي زيها 🤙🏻
رافة: 😊 تو هكي امشي
مالك: حركت السيارة وطبعا زي ماتبي خففت السرعه لن وصلنا
________
💞Rofa_Abdoo💞
اوس : وين وين
خالد:  استاجعت ودرنا كل المحاولات
مالك: اايه
رافة: كنت شاده في ايد مالك وخايفه يكون صار اللي في بالي 💔
اوس: كمل
خالد: الحمدلله مرت ونجحو المحاولات 😌
مالك: لا اراديا حضنت رافة 😄 امي بخييرر
رافة: بادلته الحضن .. ايه بخيرر شفت كل خوفك على الفاضي
مالك: بعدت منها ههه الحمدلله
رافة: ايه غر كنت بتقلبها بيا السيارة وبتحط رقبه في رقبتك😅
مالك: ههه .. وين امي نقدر انشوفها ؟
اوس: استنى نشوفها قبلك شن وضعها ونرجعلك
مالك: تمام .. الساعه قداش توا ؟
رافة: 3:30
مالك: وانتي شن نوضك وجيبك للمربوعه في الوقت هدا 😑
رافة: كنت نبي مفتاح سيارتي ☹
مالك: وشن بديري بيها 😑
رافة: اذكرت كل شيء صار اذكرت علاش اني نبي المفتاح وطول تغيرت ملامح وجهي لي جديه وغضب .... مدخلكش 😏 وطلعت وسيبته
مالك: خيرها هادي عندها انفصال في الشخصيه ! 🙄
اوس: هي تعالى كان بتشوفها قبل ما نديرولها جلسة الكيماوي
مالك: جيتك ..... ورقيت وخشيتلها كااانت ضعفاانه هلبااا
مالك: اميي
ليلى: بصوت تاعب .. ا اهلين و ولد ي
مالك: نزل كب على راسها .. نبيك قوية امي نبيك جنبي
ليلى: ا ن شاء لله .. م الك
مالك: عيونه
ليلى: ر اك ت نسي البنت هادي وصيتي
مالك: طول خطرت على باله رافة وضحكتها وكيف باسها ❤ ... انو بنت ؟
ليلى: بنت نجاة ياغبيي
مالك: اذكر كلام الدكتور عصام لما دارت معجزة وسلمت طفل من الموت
دكتور عصام: طالبتك ومساعدتك الدكتورة رافة ادم هيا من دارت هادي المعجزة ❤
مالك: هههه طلعت هيا 😊
ليلى: شن هبلت ولدي تكلم في روحك ؟
مالك: اه 😅 خليك ترتاحي تو وباسها على راسها وطلع
___________
رافة: افف هدا شن الصقع 🥶
.... : تفضلي قهوة سخونه ☕❤
رافة: ههه شن عرفك اني هني ومحتاجه قهوة سخونه 😅
.... : منزعل منك انا طول عمري نفهمك من نظره
رافة: ههه استاااحشتك يا معفن
...: حضنها وحتي انا يا مشفشفه ❤
رافة: وين كنت ومخليني بروحي 🥺
....: رجعتلك وقاعد معاك لن تملي مني 😅
رافة: ضرباته على كتفه بشويه ههه انا مانملش منك ❤

الباندا: طبعا تتساألو من هوا المجهول هدا 😂 ومانيش قايلتلكم توا خلوه في خاطركم ... شخصيه جديده وعنده قصه وحكايات تو تعرفوها بعدين 😅
__________
مالك : ما تعطيهاش الكيماوي توا
اوس: علاش !؟
مالك: تعبانه هلبا مستحيل جسمه يقدر يتحمل اكتر
اوس: لكن ...
مالك: مالكنش خليها غدوة تكون احسن
اوس: براحتك .. باهي انت روح جايب معاك البنت وانا قاعد بايت اهني واي شي جديد نخبرك بيه اول بأول
مالك: تمام منا سلام
اوس: سلام
________
مالك: شفتها مع ولد ومقعمزين يهدرزو تقول ليهم سنين الله يعرفو بعض
مالك: اهلا
رافة: أاا كيف حال امك
مالك: يتكلم وعيونه في الشاب .. ايه كويسه .. من حضرته !؟
رافة: أاا هدا...
.....: اهلين بيك دكتور مالك 🙂
مالك: تعرفني ؟
....: ذكي هلبا مشاءلله عليك .. أحمم كان مانعرفكش كيف منقول اسمك 🙂
مالك: عرفني عليك !
...: انا .... يتبع 😛💗

هي تفاعلو مش نطلعه ونقول منو 😂❤