عاينت لقيت مؤيد واقف كنت عايزه اقوم جا يساعدني بس وقفتو مستهبل خلاص كلو بسببو وبسبب فهد انا:م تقرب م تعمل روحك خايف على م كلو بسببك كلمتو ليه عشان يشاكلني ويضربني مؤيد:م كنت عايزو يضربك انا:ومن متين ابوك بتعامل بالتفاهم ممكن يتعامل بهدوء وم يضربكم لكن انا لا هو اصلا مستني متين يلقي ليو حجه ويضربني وانت من الاساس تكلمو ليه ارتحت هسي مؤيد:انا اسف انا:تعتذر علي شنو اطلع ي مؤيد مؤيد:بس انا:اطلع الله يهديك عايزه ارتاح اول م طلع مؤيد وقعت جسمي كلو اتكسر الله يازاو اصبعي اتكسر عديل عاينت في المرايه وجسمي كلو لونو احمر واخضر وبنفسجي علبه الوان بس ان شاء الله يدو تتكسر الضرب م وجعني زي كلامو كلامو جارح بقي يتردد لي كل دقيقه كل مره يرمي على كلام لكن لو م خليتو يفتش لي وم يلاقاني يبقي انا بت كلب وسمح يشوف صليت ونمت طوالي من التعب مفروض م انوم لكن م قادره افتح عيوني فكرت في كلام عمي تاني قعدت اضحك خالتومريم وبناتا دخلن لقني اضحك اكيد قالو عني مجنونه وعديمه احساس في واحد ضربو وذلو واهانو بضحك انا م عديمه احساس او مجنونه مستنيه الوقت المناسب بس خالتو مريم:وتين انتي كويسه انا:قال لي وشك عامل زي وش الغراب وقعدت اضحك م كنت قادره اعبر مفروض ابكي بس دموعي ابت تنزل ضحكت بجنون ضحكت زول م واعي خالتو مريم جات حضنتي وقعدت تبكي ههه تبكي بدلي وتنزيل وتسنيم برضو يبكن وانا اضحك خالتو مريم بدت تقرا لي قران لمن هديت ونمت دي منو بت صغيره جاريه وتبكي حلوه شديد دي معاها امها ركزت في ملامح البت دي انا لمن كنت صغيره بس المره دي منو ؟بقيت اقرب ليها وهي تبعد فجأة البت الصغيره اختفت وملامح المره وضحت دي امي اياها شفت صورتها في مكتب جدي بقيت اياها جريت ليها وحضنتها وبقيت ابكي وهي تبكي معاي امي امي م تفوتيني تاني عليك الله م بقدر اعيش بدونك شفتيهم كلهم كرهوني شوفي يدي وجسمي كلو الوان دا عمي ضربني واهاني وذلاني وانا ابكي بهستيريه وهي تبكي معاي نطقت بصوت حنين:اصبري ي بتي حتتيسر اصبري حيجي يوم وترتاحي حيجي يوم ويعرفو هم غلطانين وحضنتي انا بكيت شديد وقفت ومشت وانا بقيت جاريه وراها قالت لي بصوت عالي وصوت شهقاتها طالعه حاجيك تاني انا صحيت مخلوعه وقعدت ابكي بعد زمن طويل قدرت ابكي استغفرت واتوضيت صليت وقريت قران ونمت في المصلايه ونمت تاني صحيت اذان الصبح صليت وقريت قران وراجعت شويه وطلعت بدري لاني حامش برجلي عاينت ليدي وكان لونها احمر من ضرب عمي المهم مشيت برجولي لمن وصلت بعد تعب السافه بعيده شديد قعدت وارتحت اتصلت لايثار انا:انتي وين ايثار:قربت اصل انا:طيب منتظراك في نفس المكان ايثار:طيب بعد مسافه ايثار جات ايثار:نفسي اعرف انتي بتجي بدري ليه انا(لاني بمش برجولي ولازم اطلع بدري عشان اصل بدري):لو جيت متاخره م بعجبك ولو جيت بدري م بعجبك اعمل شنو ايثار:ولا حاجه خلينا من دا كيف لقيتي احمد بليد صاح انا:م بليد بس م مهتم ايثار:م بليد😵الله اعلم ينجح انا:حينجح وبتشوفي ايثار:نشوف انا:يلا المحاضره مشينا وبعد الدوام مشيت لاحمد ولقيتو يقرا اتحسن شديد احمد م بليد احمد كان عايز زول يوجهو بس بديت ليو شرح طوالي بعد ساعتين طلعت وكنت ماشه وققتني خالتو امل وادتني القروش :اقيفي وليد حيجي يوصلك انا م في داعي خالتو امل:انتي عارفه المواصلات صعبه هو قريب وهسي بجي وم تمت كلاما الولد جا وتخيلو دا منو دا الولد الاداني رقمو انا اتخلعت بقا يعاين لي ويبتسم سلم على بابتسامه غريبه هو اصلا كدا ولا مالو يبتسم زي الابله وصلني هو ظريف شديد ونسني ونسه نزلت وشفت فهد واقف يعاين لي فهد:دا منو الوصلك😠 انا:م يخصك انا كم مره نبهتك وقلت ليك م تتدخل فيني فهد:لو م انا سالتك وحاسبتك منو الحيحاسبك خالي الم شغال بيك ولا ابوك المخليك ولا جايب خبرك انتي بتقري شنو م عارفك منو وريني دا منو الوصلك انا:مفكر بكلامك دا حاسكت ليك وابكي مستحيل ي دكتور انا مسؤله من نفسي انا البحاسب انا البعاتب انا البوجه روحي لا انت ولا خالك ولا عمي فاهم وبصفتك شنو جتايي تحاسبني فهد:ولد عمتك ولا ك لي حق انا:م ليك حق ودخلت نمت طوالي ومرا شهر كامل وانا بالحاله دي شغل وقرايه ونوم بس وكنت بحاول اتجنب عمي واولادو وفي الشهر دا قدرت ادبر قروش الداخليه واليوم حامش اسجل واما احمد مستواه اتحسن بصوره ملحوظه وبكرا اول يوم اول حامش اسجل وتاني حامش لاحمد وخالتو امل طيبه شديد معاي وبناتا كمان ظريفات قدرت اتأقلم معاهم بسرعه وعلاقتي م ايثار بقت قويه وكل يوم بكتشف فيها صفه جديده اما فادي علاقتي معاو اتحسنت كتير حبيتو بالجد وفهد نظراتو م اتغيرت م مفهومه وكل مره بتشاكل حتي بقت عاده كنت بزور جدي ولمن الاقي بنات عماتي بتجنبهن بصوره عامه علاقتي م اتحسنت معاهن كل مره ماشه للاسوا اما الاكل م كنت باكل كنت بجيب معاي اكل وكالعاده طلعت اتسحب عشان م في زول يشوفني وصلت الجامعه ويومي مرا بسرعه مشيت سجلت في الداخليه ومشت معاي ايثار وبعديها مشيت لاحمد وراجعت معاو التجويد كلو وهو حافظ بعد انتهيت اتونست شويه مع ايمان وافنان وخالتو امل وطلعت و وصلني وليد بقا يوصلني كل يوم وكدا زول ظريف و واضح وبتكلم معاك بعفويه وبدون لف ودوران اعتبرتو زي اخوي عشان م يشكو فيني صليت ونمت وصحيت صليت المغرب قريت جبت الشنطه ورتبت هدومي ودخلت الشنطه تحت السرير عمي كان بديني قروش وهو مفكر قاعده اصرف منهن حسبتهن وكانن زي م هن جبت ورقه وكتبت فيها وختيتها مع القروش ونمت وانا مرتاحه للشي الحاعملو
يتبع..
Zeinab Abdalla🍃🌈
