قمت اتوضيت وصليت وراجعت شويه ودخل مؤيد انا استغفرت الناس ديل مالم معاي مؤيد:فاضيه انا:لا مؤيد ابتسم ودخل وقعدسكت مسافه:لمتين انا:شنو لمتين مؤيد:حتبقي كدا طول حياتك يعني م ناويه تتكلمي مع زول بس تقعدي كدا صاح ابوي غلط لانو ضربك لكن انتي استفزيتو بالكلام انا:الشاطر فيكم يطلعني انا الغلطانه ليه جربو وختو اللوم عليكم كل مره ابوك يضرب ويزل وانا اسكت وابتسم وم ارد لكن خلاص زهجت انا وضاقت بي ومستحيل اسكت تاني مؤيد:مستحيل تكون دي وتين ليه شنو الشى الخلاك تبقي كدا انا:مؤيد ممكن تطلع م عايزه اغلط فيك بالكلام مؤيد: دا الفالحه فيو لمن الكلام م يعجبك م عندك اطلع انا لو قعدت اكتر حاجرحك بالكلام ي ريت تفهمني صعب على اني اجرحكم بس لازم عشان م تفقدوني بعدين عشان م تحنو لي :طيب كلامك صح اطلع مؤيد:طالع بس ابوي قال ليك تعالي ولو سمحتي عدلي اسلوبك معاو انا طلعت وخليتو انا:السلام عليكم ردو كلهم عمي:جهزي نفسك ماشين لابوي انا:م ماشه معاكم عندي قرايه عمي بنهره:معاك نص ساعه واشوفك واقفه قدامي انا كنت عايزه ارد بس وقفتني خالتو مريم:عشاني ي بتي قومي البسي وتعالي انا م في داعي للضرب اقل من شهر وادبر اموري وبعديها لو فتشو لي م حيلقوني ومع انو حيفرحو مشيت لبست عبايتي وطلعت لقيت خالتو مريم قاعده انا:وين ديل خالتو مريم: وراك تنزيل:اشتقتي لينا تسنيم:ظاهر بس بتحاولي تخفي ي مجنونه انا قعدت وم عاينت ليهن وعلمت روحي منشغله بالتلفون جا مؤيد وقال لينا اطلعو وصلنا بيت جدي م بعيد ولقينا عماتي هناك سلمت عليهم ببرود وقعدت جدي ساكن معاو عمي خالد واولادو عندو بت قدري اسمها حنان اصلا هم م بحبوني وانا ولا شغاله بيهم اكتر زول بحبني جدي م برضي فيني كلمه وهم ميتين من القهر اما حبوبتي بتعاين لي وكاني قاتله ليها زول متاكده انو جدي منبهه عليها م تتكلم معاي عاينت ليهم وهم بتونسو ولفت انتباهي نظرات فهد لي م فهمتها ابدا وعماتي يسالن كيفك ومالك م بتجينا وحركاتن دي قدام جدي بس عفنات خلاص عمتي مها:مالك ي وتين بقيتي ضعيفه كدا انا:لا ضعفت ولا شى عشان طولتي م شفتيني بس عمتي منى:وليه م بتجي تسلمي كلهن خطوتين انا:لنفس السبب المخليك م تطلعي وتجي تسلمي علي اخوك الكبير عمتي منال:اها كيف كان اول يوم ليك في الجامعه انا(زيك وشك و وش بناتك من متين الحنيه دي ):تمام التمام حبوبتي:مالك ي بت بتردي لعماتك كدا انا:ارد كيف حتي ردي عايزين تتدخلو فيو سمعت صوت عمي يلعلع:ي بت احترمي عماتك وحبوبتك انا ابتسمت بسخريه وطلعت قعدت في الحوش تحت شجره كبيره الشجره دي بحبها حب من وانا صغيره بلعب تحتها زمان كنا ساكنين مع جدي وانتقلنا قريب اتذكرت محمد و وعد ابتسمت لكن الابتسامه اختفت لمن شفت اولاد عماتي جايين لي قمت بسرعه عايزه ادخل وقفني فادي(ولد عمتي مها اخو فهد اكتر زول بحبو في العايله م زي اخوه فهد دمو تقيل و24 ساعه صاري وشو +انو كل يوم في وشي اما فادي غير عنهم كلهم)فادي:وتين انا:اهلا فادي اخبارك فادي:بخير وانتي كيفك انا:تمام الحمدلله فادي:ممكن طلب انا:بدون مقدمات فادي:م هسي في وقت تاني بس حبيت اكلمك انا:طيب
يتبع...
تصويت+تعليق رايكم مهم بالنسبه لي وشكرا😊
Zeinab Abdalla🍃🌈
