حققنا حلمنا ( روايه سعوديه ) مكتمله✔️

Part1

"تكفى يبه طلبتك ابي احقق حلمي مع صديقتي الله يسعدك أمي موافقه بس باقي أنت"
" طيب أسمعي يا بنتي بخليك تبتعثين برا بس بشرط "
طلعت عيونها وتهز راسها بقوه تبيه يتكلم
" إذا م جبتي نسبة كويسة من أول ترم رح ترجعين "
" طيب أبشر أوعدك رح أجيب المعدل الكامل"
صارت تناقز بالغرفة فرحانه مرهه وأخيرًا حلمها بيتحقق بتسافر وتدرس برا مع صديقتها وتصير دكتورة لجراحة القلب ، صح أنه تخصص صعب ويبيله قلب قوي بس هذا حلمها وحلم أمها اللي م قدرت تحققه بسبب انها تزوجت وهي صغيره
" هاه وشفيك يالله روحي شوفي رنا "
قعد يضحك ع شكلها وهي تناقز
"يلله أجل مع السلامة بروح لها وأشوف وضعها "
" مع السلامة "
لبست شنطتها وأخذت مفاتيح السيارة وطلعت.

================================

دقت ع الجرس و م فيها صبر تبي تشوف صديقتها وبسرعه دقايق الا ينفتح الباب ويطلع أبو رنا
" ياهلا ويا مسهلا ب لمى نورتي تفصلي "
استحت منه ودخلت للبيت ورجعت شعرها ورا اذنها هذي عندها حركه لا اراديه اذا توترت او استحت
" هلا عمي مساعد كيف حالك "
" الحمدلله بخير وصحه وعافيه"
" عمي رنا موجوده ؟"
" ايه ي بنتي موجوده فوق بغرفتها "
" طيب م عليك أمر أنا بطلع لها فوق شوي وأجيك أنت وعمتي بكلمكم بموضوع "
" تمام مو مشكلة "
طلعت لرنا بسرعه ودخلت غرفتها بقوه حتى م دقت الباب
" رنا رنا ي بنت عندي لك خببررر يطير العقل "
" شفيك أنا خبري الناس لادخلوا ع أحد يسلمون يتنحنحون يسوون أي شيء مب مثلك "
" أسمعي بس خبر بينسيك السلام أصلًا "
رنا عطتها نظررة اللي لو م تتكلمين بقوم عليك
" توي مكلمه أبوي وقلت له عن موضوع البعثة وقال أنا م عندي مشكله تروحين أنتي وصديقتك بس بشرط "
عاد رنا هنا قامت وتحمست معاها
" وشو وشو ؟ "
" قال إذا م جبتي معدل مرتفع وزين من أول ترم بترجعين "
" أيه عاد هذي سهلة معليك "
قاموا يرقصون مع بعض فرحانين وقالت لمى لرنا انهم لازم الحين يتكلمون مع أمها وأبوها
نزلوا بسرعه وهم متحمسين لأنهم عارفين أهل رنا م راح يعارضون أكيد
" يبه يمه أسمعوا لمى تو كلمت أبوها ع البعثة ووافق وأنا ابي اروح بعد "
"ليش بتروحين أنتي إنتي ان شاء الله ؟"
تكلمت أمها وهي مستغربة منها لأنها م قد قالت لها شيء عن التخصص الي تبيه أو الوظيفها اللي تبيها
" أنا ابي أصير دكتورة لجراحة المخ والأعصاب ذي دراسة صعبة نفس تخصص لمى عشان كذا بروح ادرس برا معاها "
طالع فيها أبوها وابتسم وقال
"خلاص أنا م عندي مشكلة بس وين بتروحون ؟"
جلسوا ع الكنب وقعدوا الثنتين يفكرون لأنهم م خططوا لوين بيروحون
" أاتوقع لندن أو امريكا ؟!"
" لا لا ميب زينه ذي "
" هاه أجل وش ؟"
" أنا أحس ألمانيا أحسن لأن الطب عندهم هناك مرهه حلو "
وافق أبو رنا وقال " خلاص أجل أنتم روحو للسوق ف الأسبوعين ذي وقضوا أغراضكم كلها اللي تبونها وأنا بروح أدور من بكره على مكاتب كويسه "
" طيب يالله مع السلاامهه "
" مع السلامه "
راحت رنا تلبس عشان يروحون للسوق وياخذون الأشياء اللي يحتاجونها  للسفر

================================

وصلوا للسوق وأشتروا كل شيء يحتاجونه وبعد م خلصوا راحوا ييتقهون بالكوفي اللي بالسوق
"رنا رنا شوفي ذ الكائن "
"لمى الله يلعنك وقفي تخقين ع كل العيال "
كانت لمى مفهيه بالولد وتتأمله الا شوي ويطالع فيها ويقعد يتأملها هو الثاني
"والله اني م قد شفت زي ذ الجمال "
كانت تكلم وهي تطالع فيه مفهيه ورنا ضربت يدها ع جبهتها ع البنت اللي قدامها اللي من يوم دخلوا السوق وم بقت ولد الا وخقت عليه
قعد الولد يبتسم لها وهي ذايبه معاه ومن كثر ماهي مفهيه قعدت تبتسم معاه
" ي جعلني فدوه لذي الابتسامة ي شيخخ "
أخذ الولد جواله وقام لين طاولتهم وقال لها ومد لها الجوال" ممكن الرقم ؟"
حطت لمى شعرها ورا اذنها وجات بتاخذ جواله الا رنا تضرب يدها وتكلمه
" لا مو ممكن ويالله انقلع عن وجههي لا اقوم الحين وافرشك "
كشر الولد بوجهها وراح عنهم
" رناا ليييشش كان خليتيني اخذ رقمه؟ "
كانت تحسب انها بتقول لا عيب ومن ذ الحركات بس ردها كان
" الولد مو حلو صراحةً عشان كذا م خليتك تاخذينه ولا لو كان حلو م كان خليته لك اساسًا ي قلبي "
قعدوا يضحكون مع بعض ويسولفون لين م خلصوا قهوتهم وطلعوا من السوق وراحوا لبيوتهم.

      -٦٤٧ كلمة-

اول شيء هاي كيفكم شخباركم شمسوين 😂بقولكم سالفة ذ الروايه أنا وصديقتي اتفقنا ان كل وحده تسوي روايه بنفس الابطال تمام ؟ بس الافكار مختلفه يعني انا هنا بكتب شيء وهي بتكتب شيء ثاني
بحط لكم حسابها وروحوا شوفوها لاننا بنزل بنفس اليوم ونفس الوقت البارتات. kimrnsm95
أتمنى انها تعجبكم ولاتنسون تحطون ڤوت وكومنت لطيف 💕

وشكررًا 😘😘😘