حققنا حلمنا ( روايه سعوديه ) مكتمله✔️

Part 11

كان في الحمام ويسمع صوت صياح وكأنه عرف لمين طلع من الحمام بسرعه وشاف رجال ماسك رنا ولمى وحاطهم ع الجدار وهم يصايحون ويحاولون يضربونه بس م قدروا راح بسرعه وسحب الرجال من ورا وقعد يضرب فيه لين بغا الرجال يموت قام الرجل وضرب عبدالله وضرب الاثنين لين راحت رنا تحري تدور علي برا ولقته وقالت له السالفه وهو جا ركض ووخر الرجال عن عبدالله وقام الرجال وراح بسرعه. قام عبدالله ووجهه مخدش وخشمه ينزف والبنات يبكون ع اللي صار راحت لمى عند عبدالله
لمى /" عبدالله وجههك مليان جروح تعال نعقمها "
هز عبدالله راسه بأنه م يبي
لمى /" مافيه بتجي معي والحين "
سجبته معها وراحوا اما علي مسك وجه رنا وسألها /" فيك شيء سوا لكم شيء؟"
رنا هنا انحرجتتتت مرهه ووجها صار الوان وهزت راسها بلا قام وباسها على جبهتها ( ادري قليل ادب😂 بس معليكم الولد م قدر يتحكم بنفسه )
مسكها من يدها وطلعها من الحمامات وراحوا للبنات والعيال كانوا واقفين عندهم.

مشوا لين الصيدليه اللي بالسوق وجلسته ع الكرسي اللي قدامها
لمى /" بروح اجيب الاغراض وانت اقعد هنا ولا تتحرك "
هز راسه بأيه وكنهه طفل لحظتها لمى كان ودها ... ( حرام اقولها عيب 😂)
دخلت للصيدليه اوخذت المسحات الطبيه ولصق الجروح ورجعت جلست جمبه. خلصت وطالعت فيه وقالت وهي ناسيه نفسها /" عبود "
طالع فيها وفها وقال /" هاه !"
لمى وعت على نفسها وعدلت كلامها بسرعه /" اقصد عبدالله .. اي عبدالله "
عبدالله /" هلا ؟"
لمى رخت راسها /" امم شكرًا "
طالع فيها وابتسم /" هذا واجبي ... يلله تبغينا نرجع للبيت ؟"
لمى /" امم مدري ؟ "

علي ورنا وفارس تحاشروا بسيارة مهند.. البنات متحاشرين كلهم بالزاويه اللي ورا مهند وعلي وفارس ورا محمد السياره مزحومه مرههه

ترتيبهم من اليمين لليسار : علي - فارس - رنا - بدور - رزان - رهام . 

رنا /" بدور يا زق شيلي كوعك عني جعل يدك للكسر "
بدور /" وش دخلني رزان الدبا حاشرتني "
رزان /" مالي دخل ذي رهام ماخذه راحتها تقول السياره فاضيه "
رهام /" اقول اسكتي بس ابي انام "
فارس وهو شوي ويبكي /" رنا يرحم لي امك شيلي عني شعرك التصق بوجههي "
علي /" هيه انت ركبتك فاغصه بطني جعلك للساحق "
رنا قامت شبكت معاه /" والماحق "
رهام نطت /" انا انا بكمل ههههه  والرصاص المتلاحق "
مهند /" يالييلل اللليل م ودكم تسكتون ؟"
رزان نطت لين عنده /" وش رايك اجي اسوق معك "
مهند قعد يضحك عليها /" ليه م تعرفين تسوقين ؟"
رزان /" يعني مو مره "
قرب لين اذنها وهمس لها بشيء ورجعت مستحيه و م فتحت فمها بكلمه
رهام /" اماا عااددد رزان تستحي هههههههه امانه ىش قلت لها "
مهند لف راسه وغمز لرزان /" سر "
بدور وهي تدق كتف مهند /" هيه مهندوه وش قلت لها صديقتنا اول مره تستحي كذا "
رزان /" بنات انطموا الله يلعنكم فضحتوني اهه"
قعدوا كل اللي بالسياره يضحكون عليها. حرك مهند وكانوا بنص الطريق
ووقف عند اشاره نطت رزان عنده /" اقول مهند وش رايك تودينا مطعم "
رنا /" ماش ذي ماتكمل حتى تكون مستحيه م تقدر هههههه "
طالع فيها وقعد يضحك عليها /" لا "
رزان /" لييششش؟؟"
مهند /" عبدالله دق علي وقال انه بيجيب العشا معاه "
بدور /" يوهه بنااتت لمى نسيناها!! "
رهام /" شنطه هي عشان تنسينها صاحيه انتي لا راحت م عبدالله "
بدور /" اهاا توي ادري "