ابن عمي والضابط(روايات ليبية)

ابن عمي والضابط

نبدو ع بركة اللهه💕
بســــم اللــــه

#روايـــــــــــــــــــة

#إبن_عمي_والضابط

المـــقــدمــه - الـــبــــارت الآول
اسمي رحاب نشتغل طبيبة نساء(توليد) .. مواصفاتي بيضه وطويله شوي جسمي متناسق وعيوني زرق وخشمي صغيروني وفمي لونه بودري ... نعرفكم ع الاشخاص المهمين في الروايه ..
عائلتي:
الاب:فتحي .. الام:فتحيه .. نفس الاسامي😂👌
عندي 4 خوت واخت وحده متزوجه ومسافره اسمها منال .. م89 راجلها ولد عمي اسمه نجيب م85
مروان:بعد منال م90
قيس: م92
احمد:م94
ابراهيم:96
انا(رحاب):98
طبعا احني واعمامنا ساكنين ف نفس المنطقه .. عندي عمي رجب ومرته فايزه عنده زوز ولاد واحد اسمه خليفه والتاني ناصر .. وبنتين امآل وامل توأم مواليد 90متزوجات الزوز .. آمال مرت خوي مروان وامل مرت ولدعمي
اما عمي مختار مرته عائشه عنده 3 بنات اكبر وحده اسمها رحمه واللي بعدها زينب والاخيره امينه وولده الوحيد اسمه مهند وهو فااااسد بمعنى الكلمه سكير حشيش وهك😖

صبـــــــاحـــــــــاً...
نضت خشيت الحمام"اكرمكم الله"توضيت وصليت وطلعتلهم لقيتهم مقعمزين في الصاله...
انا:صباح الخير
كلهم:صباح النور .. معدا احمد فمه معبي
ابراهيم:ضربه ع كتفه .. تي بشويه عليك راك تنخنق
احمد:يتكلم بالسيف .. مدخلكش فيا
قيس:هيا انا بنمشي للاستراحه من يمشي معاي
ماما:خليكم اقعدو بكري را
ابراهيم:لالا عندي مشوار حتى انا
قيس:شبح لاحمد .. بتمشي!
احمد:مش قبل مانعبي بطني
قيس:افف وانت معندكش غير الاكل
احمد:البطن قبل الوطن
انا:😂😂
قيس:واخيرا سمعنا صوتك
انا:تي خيرك يانكد انت
بابا:فوتيك منه
انا:وهذاا اللي بنديرا ..
وقفت .. هيا متبو شي
ماما:مش كانك ماشيه بكري؟
انا:جيت بنتكلم قاطعني صوت تلفوني يرن ..
انا:الوو
جنى(ممرضه):دكتووره اسرعي في حاله
انا:تم مسافة الطريق بس .. وصكرت
لازم نمشي ياماما عندي حاله
احمد:ارفعيني معاك للمطعم 😂
انا:تحلم .. هيا ماما متبي شي
ماما:سلامتك ديري بالك ع روحك
انا:تمام .. بست راسها هي وبابا وطلعت
.
.
.
ابراهيم وقيس مشو للاستراحه
مروان:نزل من شقته فوقنا .. صباح الخير
ماما وبابا:صباح النوور
مروان:وين الولاد!
ماما:اختك وصلتها حاله طارئه وخوتك التانين مشو للاستراحه
مروان:شبح لاحمد .. وانت شدير هني
احمد:دخلك بيا؟
بابا:اهو قاعد خامر في الحوش لاخدمه لاقدمه
مروان:معنداش شغل غير بطنه
احمد:لانه بطني الوحيده الي تنفعني😂
ماما:ههههه
.
.
.

عندي انا وصلت للمستشفى وخشيت بدلت ملابس العمليه ولما طلعت تلاقيت مع الطبيبه بلقيس ..
بلقيس:دكتوره
انا:نعم
بلقيس:الغرفه جاهزه والمريضه حالتها مستعجله
مشينا وخشينا للعمليه مع دكاتره مساعدين .. تمت العمليه بنجاح
طلعت ونشوف قدامي خلقت راجل الله اكبر .. لابس بدله ضباط وعلي كتفه نجوم😄
نحيت القوانطي حطيتهم في السله وغسلت يديا وبعدها نحيت الكمامه .. ورجعتلهم مرأه كانت واقفه معاه واضح
عليها كبيره في العمر يعني امه او عزوزته😀
الضابط:شن صار دكتوره
انا:المريضه والطفل بخير
مرأه:نقدر نشوفها توا؟
انا:للاسف لا بعدين نحطوها في غرفه عاديه
المرأه:اها بارك الله فيك بنتي
انا:وفيك بارك الله .. وشبحت للضابط اللي مانعرفش حتى اسمه لقيته يشبحلي قلبت عيوني ومشيت ...
الضابط(سيف):اخخخ محلا عيونها
امه:ضرباته ع كتفه .. تي وين مشيت
سيف:اهوو معاك
وقعمزو ع الكراسي
.
.
.
.
.
لما طلعت من جنبهم مشيت المكتبي قعمزت على الكرسي
الممرضه:طقت الباب
انا:تفضل
الممرضه:خشت .. دكتوره
انا:شبحتلها
الممرضه:المريضه ناضت
انا:حطوها في غرفه عاديه
الممرضه:حاضر .. تبي شي دكتوره
انا:لاشكرا
الممرضه:العفو .. وطلعت
خذيت تلفوني ونلقا رساله من مهند ...
باعتلي
...{...اهلا كيفك اليوم....}..
انا:اففف خيره هذا زي لصقة اميه
قررت نتصل بيه ...
مهند:اهلين ببنت العم
انا:مهند كلمتين واسمعهم
مهند:شن؟
انا:اولا انا معاش تتصل بيا نهائي ولا صدقني ح يصير شي مايعجبك
مهند:انتي خيرك؟ليا سنه نتقدملك وترفضي انا شن ناقصني؟ ... قولي تراا .. وتاني شي انا نحبك ومستحيل نخليك سامعه
انا:اممم فهمت باي .. صكرت وحطيته في حظر المكالمات ..
نضت ندير دوره ع القسم .. اطمنت ع المريضات ورجعت لقيت نفس المرا اللي مبكري مقعمزه ...
انا:مشيت قعمزت بحداها
المراه:اهلا بنيتي
انا:ياعمتي علاش قاعده هنا؟
المراه:هدي كنتي
انا:نقصقص .. يعني مرت الضابط يلي مبكري
المرأه:لالا مرت خوه غير خوه في الجبهه
انا:اها ..ماقلتيلي اسمك ياعمتي
المراه:اسمي مبروكه وانتي
انا:عاشت الاسامي .. اسمي رحاب
مبروكه:دكتوره رحاب حلو اسمك
انا:ابتسمت ..
الممرضه:جت تجري .. دكتوره
انا:وقفت .. خيرك
الممرضه:في حاله مستعجله
انا:شخصتوها؟
الممرضه:اي وطلع عندها ورم في الرحم
انا:تمام جهزو غرفة العمليات لبين مابدلت
الممرضه:تمام .. ومشت
انا:تمام نتلاقو بعدين عمتي
مبروكه:ان شاء الله بالتوفيق
انا:ان شاء الله .. وعديت لغرفة الملابس وبدلت ومشيت لغرفة العمليات .. بدينا في الورم والحمدلله استئصلناه وكملنا العمليه ... تمت العمليه بنجاح واطلعت لاهل المريضه ...
الام:تبكي .. طمنيني الله يطمنك دكتوره
انا:توا هي بخير والطفله حتى هي بخير بس محتاجه وقت لان
الام:لانه شنو بنتي خيرها؟
انا:اهدي ياعمتي .. بنتك عندها ورم في الرحم والحمدلله استئصلناه والامور تمام
الاب:بارك الله فيك
انا:وفيك بارك الله