صحه فطوركم❤سوري ع التأخير تفرجت ع VIB عبسي😂😂
#إبن_عمي_والضابط
الــبـــارت الـسـابـع ...
سيف:ف سيارته ويتبع فياا ..
انا:فقدت السيطره من البكاء وركزت ع الطريق لقيت طانطا كبيييره قريب تخبطني ..
حاولت نشد افرين مقدرتش ..
سيف:لا رحاااااااااااااااااااااااب
انا:حاولت للمره الاخيره وماقدرتش .. وتخبطني الطانطا وبوم بااف تنقلب بيا السيااره💔....
_______________________
آمي:نخلعت .. بسم الله الرحمن الرحيم
بوي:خيرك خيرك؟؟
آمي:بنتي بنتي نبي بنتي
بوي:استهدي بالله بنتك مشت لخدمتها
آمي:لا متاكده صارتلها حااجه اني مش مطمنه
بوي:رقد بدون ميرد عليها ولا كلمه
آمي:ربي يحميك بنيتي😭
_____________________
يستلم القلم لي سيف ..
سيف:وقفت السياره بقووووه .. طلعت نجري لي حبيبتي نشوف فيها قدامي تموت........................
التمووا علينا الناس وانا منشوفش في شي غيرها ندف في اللي قدامي ع خاطر ننقذها💔....
بعد صرااااع رفعتهاا نجري للسياره حطيتها في الكراسي اللي ورا وسيارتها انفجرت نتيجه للحادث القوي.....
ولعت السياره بسرعه وانا نمسح في دموعي ياريتني مازعلتها ياريتني ماصدقتش الصوره وياريت وياريت ...
بعد نص ساعه وصلنا للمستشفى رفعتها نجري ووجهها مخبش وبطنها دم💔....
خدنها الممرضات للاسعاف وانا طحت ع الارض ...
ياااربي اشفيها ياارب رجعالي والله مانقدرش نعيش بلاها ياررررربب احميهااالي بعد وقت هديت وركزت انا وين حتى الناس يلي في الممر يشبحو فياا .. نضت مسحت وجهي واتصلت بي قيس لانه الوحيد اللي عندي رقمه .. قعد يضبح وبعد وقت رد ..
قيس:الوو
سيف:قيس
قيس:نعم؟
سيف:اختك دايره حادث قوي وتوا في الطوارئ
قيس:نعم😳😳
سيف:زي مسمعت اتعالو انت والعيله
قيس:تم تم .. وصكر
طلع يجري من داره .. يما يماا
امي:نعم خيرك اللطف؟
قيس:رر رحااب
آمي:خخيرها بنتي قوولي
قيس:دارت حادث
آمي:بدت تعيط .. وووه عليا بنيتي من امبكري نحس انه صارتلها حاجه .. وتخبط
قيس:حضنها .. خلاص اشش اهدي يما توا نمشو
احمد:طلع يجري .. خيركم ؟؟
ابراهيم:خيركم تعيطو؟
قيس:رحاب دارت حادث
احمد:وانت الزح شن دير واقف بدال ماتمشيلها
امي:ارفعووني ليها😭
ابراهيم:نبدل ونجي نرفعك .. وخش للدار متاعه وبدل وطلع ..
بوي:طلع من الدار .. خيركم شن اصوات هذي؟؟؟؟
آمي:بنتي بتمووت 😭
بوي:شبح لي قيس شبحه متاع شنو؟
قيس:دارت حادث
بوي:صح تآلم لكن قاعد مصر على اني غلطانه💔.. وكان هدا؟؟؟؟
امي:شنو وكان هدا متاعك بنتك بين الحياه والموت هدا كله بسببك انت
ابراهيم:هيا يام
آمي:خشت ولبست عبايتها وطلعت وطول لطريق تبكي ...
سيف:هدا اللي صارلها بسببي انا انا السبب في كل شي ياريتني ماهزبتها ياريت اففففف يارب احميهالي😭💔.......... ... ...
الدكتوره:طلعت من الغرفه ..
سيف:وقف .. شن صار يادكتوره؟؟
الدكتوره:انت منو قبل؟
سيف:اانا انا خطيبها
الدكتوره:امم يعني مش عارفه كيف نقولها
سيف:بخوف .. خير نشالله
الدكتوره:الحادث كان قوي هلبا وبسببه خشت غيبوبه للاسف وفي احتمال 30%انه بتفقد الذاكره وجروح في راسها وبنزيدو نديرولها صورة لراسها لانه احتمال دماغها صاير فيه ارتجاج وبطنها خاش فيه قزاز(زجاج)لاكن الحمدلله نحيناه وربي يشفيها
سيف:لا ياربي لااا
الدكتوره:اهدا انشالله بتنوض
سيف:قعمز ع الكراسي وف باله ان اللي صارلي بسببه هو وبعد شوي وصلو اهلي امي وخوتي بس💔.................
أنت تقرأ
ابن عمي والضابط(روايات ليبية)
Narrativa generaleالقصه واضحه من عنوانها بنت اسماها رحاب بين نارين ولد عمها والضابط ف شنو هيصير معاها؟ كله ح نعرفو مع الحلقات بقلمي .. " ســــــــــــراب " مريم موسى محمد ✨🌸.
