ابن عمي والضابط(روايات ليبية)

الــبــارت الـثــامن

آسفه انشغلت في الحوسه ونسيت نكتب😓

#إبن_عمي_والضابط

الـــبـــارت الــثامــن .. والآخـــير

فجآه سمعوو صووت تصفيره الجهاز وجو الدكاتره يجروو ..
امي:تخبط .. بنتييييي .. وطاحت اغمى عليها ..
كلهم:💔😱
الممرضه:لو سمحتو اطلعوو
طلعو كلهم وقيس رفع امي للاسعاف ..
يستلم القلم لي سيف ...
سيف:لما سمعت صوت الصفاره .. هنا عقلي وقف .. حسيت انه مش ح نشوفها بعد اليوم .. مش ح نسمع اسمي(سيفوو)بصوتها اللي واخد عقلي .. شفت الدكاتره يديرولها صدمات .. تمنيت لو نلحقها .. معاش قدرت نوقف .. قعمزت ع الارض .. مش قادر نشد دموعي .. جسمي سخوووون .. رآسي يوجع فيا .. لساني ارتبط ..
وف خاطري نقول .. يارب رجعهالي عطيني فرصه يارب .. مصدقتهاش .. صدقت الصوره .. مصدقتش حب حياتي .. يارب اشفيهالي .. مش قادر .. مش قادر نعيش بلاها .. نسمع ف الدكتور يعيط يقوللهم زيدوو اخرى .. قاطع تفكيري صوت امها واقفه قدامي مع قيس ..
رفعت راسي ونزلته مش قادر نشد دموعي بيفضحوني💔...........
قعمزت وحطت يدها ع كتفي وقالتلي صبي .. مقدرتش قعدت مقعمز .. طبست راسها ورفعتلي راسي بيدها وطبطبت عليا .. وياسبحان الله كانها عارفه الوجع اللي نحس بيه ..
أمي:قيس برا جيب اميه
قيس:حاضر .. ومشي
أمي:والدموع ف عيونها .. نوعدك ياولدي كان ناضت سالمه  مش ح تكون لغيرك انت بس اللي تستاهلها
سيف:قعد ساكت صوته مبحوح💔....
أمي:جت بتتكلم جا قيس ..
قيس:هاك اميه خيرك ياراجل
سيف:بالسسيف .. يمكن تأثرت من الموقف بس مدور شي
الدكتور:طلع .. انتم اهلها؟
قيس:ايه انشالله
امي:بالله قوللي شن صار ف بنتي
سيف:بلع ريقه بخوف
الدكتور:الففف مبرووك ناضت من الغيبوبه وتوا كويسه
أمي:وليش هي كانت في غيبوبه يعني
قيس:خلاص يما توا كويسه
مشوو كلهم قالو للعيله وكلهم فرحوو ...

___________________________________

سيف:طووول طلع ومشي للجامع❤
خش توضى وصلى ركعتين ..
ســـيـــف:يبكي .. الحمدلله ياارب لك الحمد والشكر يارب العالمين .. الحمدلله رجعتلي .. مكنتش نتخيل حياتي من دوونها حياتي جحيم بلااها ..
وقعد يدعي ويبكي ولما كمل تلفت ولقا راجل كبير في السن ..
الراجل(سالم):تقبل الله
سيف:منا ومنك صالح الاعمال
سالم:جي وحط يده ع كتف سيف
سيف:مسح دموعه وابتسم
سالم:الواضح انك تحب!
سيف:تحشم .. وابتسم
سالم:ننصحك ياولدي كون معاها راجل متخليهاش متضيهاش بين يديك مديرش زيني
سيف:ببه به شن درت ياعمي!((قصقاص😂))
سالم:خليتها بعد ماوثقت فيا وقتها كنت عيل منحسابش بنتعدب بعدها تزوجت ومعاش نندري عليها ولليوم مهموم
سيف:ربي يصبرك
سالم:ان شاء الله

__________________________________
قيس:طلع وركب سيارته ومشي لبوي .....
ولما وصل خش يجري .. بووي يابوي
بابا:طلع من داره .. خيرك شن فيه؟
قيس:رحـاب يابوي
بابا:قعمز بهدة حيل ومصدوم يحسابه صارتي حاجه
قيس:تخيل يابوي طلع كله كدب!
بابا:شبحله بمعنى شن قصدك؟
قيس:طلعت الصوره هاديكا كلها كدب طلع مهند يلي دارها باش تقولو مش شريفه ويقولك بياخدهاا باش يسترها وهكي بيكون خداها
بابا:طوول طاح .. رفعه قيس بسررعه للمستشفى لي انا فاها ................