﴿وحيدة أنا في عالمك﴾

#الفصل السابع عشر

#وحيده_انا_فى_عالمك

..................................................

وظل ادهم هاكذا يتذكر أحداث ومكالمات ثم قام ادهم من مقعده بسرعه وركب سيارته وذهب الى المنزل لانه قد جاء فى باله شيئ لم يكن يتوقعه ويريد التأكد منه..
...............................................
وصل الى الفيلا وترجل من سيارته ودخل الى مكتب والده دون أدنى كلمه حتى انه لم ينتبه لمنى والدته التى كانت جالسه على الكرسى وتردى نظارتها وتقرأ كتاب ولكن عندما رأت ادهم بي هذه الحاله فذهبت خلفه بسرعه ولكن قبل ان تدخل سمعته كان يتحدث فى الهاتف وما سمعته كانت صدمتها فقد كان يتحدث مع جده (جمال الدين)
ادهم:-الو يا جدو وحشتنى والله اي اخبارك واخبار ستى (فيروز) اى والصعيد كلها اى اخبارها
جمال:-احنا بخير يا والدى والصعيد كويسه ومضلمه من غيرك يا جلب چدك
ادهم:-هجيلك قريب يا جدو والله متقلقش فى حوار بس هخلصو واجيلك على طول إلا صح عملتلى اى فالموضوع الى قولتلك عليه
جمال:-يا والدى اطمن كله بجى عال العال كلها يومين تنين وهتلاجى الورق عنِدك بس انت متأكد يا والدى من الحتيت(الحديث او الكلام) ده
ادهم:-ايوه يا جدو مهو الورق قدامى اهو بس انا مش عارف ازاى انتو مكنتوش تعرفو حاجه زى دى امال مين الى يعرف يعنى
جمال:-والله يا ولادى انا مخابرش بحاچه واصل انت عارف من ساعه ما ابوك راح على مصر وعصى كلمتى ونا ماليش دعوه بيه واصل مفيش غيرك انت واخوك واختك الى كنت عم بتحتت معكم وابوك كلمنى وصالحنى جبل الوفاه بيوم يكمنه كان حاسس يا والدى
ادهم:-ربنا يرحمو اهو مات وانا محتاس مش عارف الكلام ده صح ولا لا وبكده مفيش قدامى غير انى اعمل تحليل DNA
جمال:-اى التى ان سي دى
ضحك ادهم رغم همه :-اااه يا جدى والله ضحكتنى مع انى مليش نفس اضحك عموما الDNA ده تحليل بيتعمل عشان يثبت الچينات الوراثيه بين الكائنات الحيه باختصار يعنى ده الى هيعرفنى الحيققه
جمال:-طيب يا والدى ان شاء الله خير وابجى تعالى خلينا نشوفك
ذهبت منى بعدما انتهى من المكالمه وهى تفكر فيما كانو يتحدثون
واغلق معه وفتح الملف الذى كان امامه وكانت هى المفاجأه عندما رأى أن والده بالفعل كان متزوج من سيده تسمى بياسمين سيف الدين ورأى عقد الزواج ولكن رأى أيضاً عقد الطلاق ولكن مهلا هذا من نفس هذه الشخصيه ولكن قد وجد ايضاً ورقه مكتوب بها ان السيده (ياسمين سيف الدين )قد تم تغير اسمها الى(يسرى الجارحى) يا ألاهى؟!! هذا حقيقى!!لماذا!!! ماذا حدث لكل ذالك!! نظر لتاريخ ذالك وتفاجاء انه بعد ولادته بشهر واحد فقط!!!!!! كيف جائت لها الجرائه ان تترك ابنها فلذه كبدها لوالده وهو فى هذا السن!!!!!لهذه الدرجه كانت تكرهه!!!
اقسم على ان قلبه كان يتقطع ارباً على حسرته وتخيلاته لقسوه امه عليه وخرج من المكتب وحاله لا يثرى عليه وصعد السلم ودخل الى الجناح الخاص به هو وملك ورأها تجلس على الفراش قلقه متوتره ومرهقه ويظهر عليها علامات التعب والارهاق فهى مهما كانت فالعمليه لها اثر خاص عليها
عندما  رأته همت بالوقوف والهروله اليه بسرعه واحتضنته بشده
ملك بشيئ من الراحه:-الحمد لله كنت فين يا ادهم الساع بقت ٥ الصبح 
ادهم وقد ارتمى باحضانها:-
ضمينى اووى وطبطبى عليا عاوز احس بامان عاوز حد جمى انا تعبان اوووى يا ملك تعبان اوووى
شعرت ملك بالخوف من نبره صوته وعلمت على الفور ان هناك امراً ما :-
اى الى حصل يا ادهم فى اى احكى
ادهم:- انا مش عارف انا متلغبط دوشه كتير وتعبت
ملك بتفكير كيف تهون عليه :-طب م تيجى نسافر يا ادهم ونغير جو
ادهم:-هنروح فين وبعدين انا لازم اتأكد من موضوع الاول ومش هينفع اطلع بره مصر
ملك:-طب يا ادهم تعالى نام دلوقتى وبكره الصبح نفكر سوى يلا
اخذته من يده واخرجت له ملابس من الخزانه الخاصه به دخل هو الى المرحاض وابدل ملابسه ونام بجانبها فى الفراش واخذها باحضانه وذهب الاثنان فى ثباتٍ عميق
_____________________________
فى مكان اخر
كانت تجلس وتمسك بهاتفها وتتردد فى اتصالها بشخصاً ما ولكن بعد حيره طالت لعشر دقائق اتصلت و...
^^:-خلصت الى قولتلك عليه
الطرف الاخر:-لسه يا مدام مستنى بس تنزل مصر عشان بلاد بره دى فيها سيم وجيم ولبش وحوار
^^:-انت غبى افرض عملتها من غير م نحس هيبقى اى العمل دلوقت
الطرف الاخر:-لا مش هتقدر اطمنى انتى انا عارف الاشكال دى كويس
^^^:-طيب بس حاول تخلص بسرعه بقى انا بقيت قاعده على اعصابى اه صح والتانيه دى كمان خليها تختفى بسرعه
الطرف الاخر:-اوامرك يا ريس
واغلقت الخط معه وظلت تفكر فيما تفعل...
____________________________
جاء الصباح سريعاًوفتحت ملك عينها بتعب نوعاً ما ورأت ادهم يجلس على الفراش غير مدرك بمن حوله ويسرح وعينه تدمع وحدها ظلت تنظر له وقلبها ينزف بدلا من الدموع دماً..
ملك:-برضو مش عاوز تقولى مالك
افاق ادهم على صوتها وفتح عيناه ومسح الدمعه الهاربه من عينه
ادهم:-اى يا حبيبتى صحيتى امتى
ملك ونظرتها مليئه بالحب :-احكيلى يا ادهم دا انا حبيبتك!!
تنهد ادهم تنهيده طويله :-طبعا حبيبتى بسـ..
قاطعت كلامه بقبله على كفه يده :-مبسش انت حبيبى وانا يوم مكان عندى مشاكل انت اول واحد اترميت فحضنك
اخرج تنهيده قويه
ادهم:-منى طلعت مش امى يا ملك
... اي ازاااى!!
هذا ما قالته ملك عندما تفاجأت بما قاله
ادهم:-مش عارف هعرف كل حاجه انهارده
ملك:-طب يا حبيبى انت هتعرف ازاى
ادهم :-عملت تحليل DNA امبارح وهيطلع انهارده
ملك:-طب اجى معاك بالله عليك
ادهم:-ملك انتى لسه تعبانه مش هينـ...
ملك:-يلا  بس عشان هنتأخر يلااا
وقامت بنشاط من فوق الفراش وسحبت يده ووقفو امام الخزانه وادهم على وجهه الابتسامه رغم همه واخرجت له ملابسه واخرجت لها ايضاً ملابس وابدلو ملابسهم وخرجو وركبوا السياره وذهبو الى معمل التحاليل كى ياتو بالنتيجه...
_____________________________
اما عن رغد وحسام فقد ذهب لها حسام كى يجلس معها قليلاً فى منزلها، وعندما ذهب تصادف مع عبدالعزيز
حسام بغيره:اى يا رغد...مين الاخ
رغد:ده زيزو
حسام:يافرحتى بزيزو..ايوه برضو مين الاخ
عبدالعزيز برخامه: اخوها هااا حاجه تانى
حسام:نعمممم اخوها منين...بت يارغد انتى بتستغفلينى مش قولتيلى انك واحيده
رغد:اهدى بس يا حسام هفهمك...ده عبدالعزيز اخويا فى الرضاعه وجارنا وماما قالتلى مينفعش انك تيجى كده واحنا لوحدنا وهو نزل اجازه من شغله فاماما قالتله يعد معانا
حسام: اااه..طب يلا يابابا روح شوفلك حته تعد فيها
عبدالعزيز:لا والله..امال انا جاى اعمل اى مدام انتو تعدو لوحدكوا..وبعدين انتى بتبرريله لى يارغوده
حسام:رغ ااايييييي..ولا انا مش طايقك من ساعه ماشوفتك اترزع فى اى حته وخلصنا
جاء حسام ان يمسك بيد رغد ويجلسان على الاريكه بجانب بعضهم لكن جاء عبدالعزيز وجلس فى المنتصف بينهم
حسام:استغفر الله العظيم...يابنى ما كراسي الشقه كتير قدام عينك الى عاوز اصفيهم
رغد: خلاص ياحسام معلش استحمل شويه وماما هتيجى من بره وزيزو هيقوم عشان الشغل
حسام بغيره مكبوته: متقوليش زيزو دى تانى متعصبنيش
عبدالعزيز: انت مااالك قولى يارغوده الى انتى عاوزاه اى حاجه منك قمر زيك
حسام وقد فاض به‌ وامسكه من ياقة قميصه: ولا انا من ساعه ما جيت وعمال اهدى فى نفسي عشان خاطر البت دى منكدش عليها فى اليوم الى باجلها فى زياره انما اقسم بالله ماهرحمك بعد كده
امسكت رغد بيده وهى تحاول ان تخلص عبدالعزيز من يد حسام: خلاص بقى ياحبيبي سيبه معلش..خلاص يا حسام بقى
فى هذا الوقت قد دخلت مامة رغد ورأت حسام يمسك بقميص عبدالعزيز ويريد لكمه وكانت رغد من تمنعه عن ذالك
فيروز: اي ده...في اى
ترك حسام عبدالعزيز بسرعه والتفت اليها
فيروز: اى الى بيحصل هنا يا حسام اى المنظر ده
حسام بتوتر: ااا لا دانا كنت بهزر مع زيزو ده حبيبي...مش كده يازيزو
عبدالعزيز:اه طبعاً
حسام:طنط انا عاوز بقى احدد معاد الفرح انا خلاص هخلل جمبكوا
ضحكت فيروز: بصراحه حقق يابنى انا عارفه ان الخطوبه طولت بس عموماً اختار الوقت الى يناسبك احنا كده كده جاهزين
حسام: حلوووو اوووى..كده الفرح بعد اسبوع من دلوقتي
رغد:اه اي ده الله فرحي الاسبوع الجااااي
فيروز بضحك:والله انكو مجانين
اتفقو رغد وحسام على موعد فرحهم وهو بعد  اسبوع وانشغلوا فى الترتيبات
وفى الصباح اتصلت رغد بملك كى تخبرها هذه التطورات
-اى يا ملك عامله اى
=الحمد الله احسن وانتى
-الحمد الله المهم بقى
=اشجينى يا وش السعد
-ياستى اهدى علينا انا عاوزه اقولك ان فرحى كمان اسبوع
=احلفى!! بتتكلمى جد و الله هييييييي
-على فكره انتى فرحتى اكتر منى
=طبعا مش اختى هتتجوز واخلص منها
-بجد انتى الصاحبه الى بعتبرها اختى
=والله انا الى بعتبرك اكتر من اختى
-طيب ها هتيجى معانا نجيب الفستان ولا مش هتقدرى
=انتو هتروحو امتى
-كمان ساعه من دلوقتى
=طب خليكوا جدعين وخلوها بعد المغرب ننزل كلنا بقى
-مع ان حسام هيبهدلنى عشان عندو شغل الساعه ٧ بس ماشى يلا سلام بق واشوفك بليل
=تمام سلام
واغقت معها رغد واتصلت على حسام كى تبلغه بما حدث ومتى سوف تذهب
-ازيك يا حسام
=الحمد الله وانتى عامله اى يا قلبى
-احم اتلم
=كلها خمس ايام وشوفى مين يرحمك من تحت ايدى
-لحد الخمس ايام ميخلصوا تسكت خالص
=مااااااشى يا رغد والله لهيطلع عليكى ماشى
ضحكت
-طب بس بقى نستنى  كنت هقول اى
=اى يا ستى
-احم هنروح نجيب الفستان بعد المغرب
=نعممم ياختى ده لى بقى
-استنى بس اصل ملك انت عارف انها تعبانه ف مش هتقدر تنزل غير بعد المغرب
=اه صح ده ادهم اعتذرلى انو مش هيعرف يجى الصبح حاسس كده ان ادهم فى حاجه
-اه وانا ملك كانت بتكلمنى وحساها زعلانه من حاجه او خايفه صوتها مش مريحنى
=ان شاء الله خير
-ان شاء الله
واغلقت معه وتحدثت مع الفتيات وابلغتهم بما حدث كى لا بنتظرون دون جدوى
############################
وصلو الى المعمل وترجلو من السياره وكان ادهم قد اوشكت اعصابه على ان تفلت وملك كذالك ودخلو وصعدو السُلم ودخلو الى غرفه الاستقبال
-لو سمحت كنت عاوز التاحليل بتاع الDNAباسم ادهم هشام
×اه طب ممكن البيانات
املئ ادهم المطلوب واخذ التحاليل وكانت ملك معه ولم يفتحها ادهم ونزلو الى السياره وركبوها وقبل ان يفتحه ادهم
ملك:-ادهم احنا اتفقنا انك تبقى هادى وتتقبل الامر انا عارفه انك قوى وارجوك متحكمش عليهم غير لما تسمعهم وتفهم منهم اى الى حصل
ادهم:-متخافيش انا جاى وحاسس انه كدب بس حابب اتأكد وطول مانتى معايا انا استحاله اقع
ابتسمت هى له بخفه واشارة له بأن يفتح الظرف
وفتح ادهم ظرف التحاليل وكانت النتيجه هى......
ياترى النتيجه هتطلع اى ?
ويا ترى ادهم هيروح امتى لجده ف البلد?
وياترى اى الموضوع الى كان بيتكلمو فيه??
وياترى منى كانت بتسمعهم لى?
وياترى مين الى هيخلصو منها ?
وياترى مين دول اصلا?
وياترى اى الى هيحصل الفصل الجاى?
ياريت يا شاب الاقى تفاعل لان دى حاجه محبطه جداا لو سمحت انا ببذل كل جهدى عشان اطعلكو حاحه كويسه وتعجبكو متستكتروش عليا الفوت والكومنت وقدرو تعبى اذا سمحتو 😿💛💛
#Kenzy_Ibrahem🎶💙