البارت العاشر من السيف العاشق والحوريه بقلم ليلي شريف
دق الجرس وفتحت تيته ماجده
احتضنتها حور سريعا وقبلتها
تيته وحشتيني اوي
ماجده بفرحه
وانتي يقلب تيته يلا ادخلي بقي
دخلت ماجده وحور
ماجده
يلا يا حور غيري هدومك عقبال مااجهز الغداء
حور بحزن كان واضح
ماشي انا هطلع البس وانزل
......................................
عند سيف
روح البيت وطلع بسرعه علي اوضته خد شاور ونزل تاني واتغدا مع اهله
سيف وهو يتناول الاكل
بابا انا هبتدي اخد كورسات تاني
حامد بتعجب بس ليه ياحبيبي عايز تاخد كورسات انت عارف كويس انك تقدر تذاكر من غير كورسات ودايما كنت بتطلع الاول علي الدفعه
سيف
معلش يابابا الكورسات هتهتم بيا وانا عايز اطلع الاول علي الدفعه تاني
ليلي بتفاهم
خلاص يا حامد خلي سيف ياخد براحته
حامد
اللي يريحك يابني
سيف
انا حجزت الكورسات علشان تبقوا عارفين والنهارده اول حصه ليا
ليلي
تمام يحبيبي ربنا يوفقك
.....................................
عند اهل حور
كانت تبكي زينب اقترب منها احمد
مالك يازينب
زينب بعياط
صعبانه عليا حور انت مش شايف مشيت زعلانه ازاي
احمد بهدؤء
هي كلها فتره وحور هتنسي متقلقيش وهتعيش مع جدتها كويس
وبعدين اللي عملناه ده هو انسب حل انتي عايزه بنتنا الغلطه تتكرر مرتين
زينب
ومين قالك ماهي ممكن تتكرر عادي وبعدين احنا اللي يضمن لينا انها مش هتعمل زيها وتحبه
احمد بضيق
معرفش بس علي الاقل سيف مش هيعرف حاجه اطمني انتي بس وبكره نلاقي حل
زينب بتوسل
يارب سهل الامور
....................
عند حور وجدتها
نزلت حور علشان تتغدي
وقعدت مع جدتها واكلوا وقعدوا يتكلموا كتير في مواضيع لكن كان باين علي حور الزعل
ماجده
حور في ايه مالك من ساعه ما جيتي وانتي مضايقه انتي مضايقه طيب علشان قاعده معايا
حور بسرعه
لا لا ي تيته اللي بتقوليه ده انتي عارفه انا بحبك قد ايه بس انا مضايقه من بابا وماما
ماجده
حور حبيبتي حاولي تنسي كل حاجه عملوها عيشي حياتك انتي لسه في شبابك بكره تحبي وتتجوزي وساعتها حبيبك هينسيكي كل اللي شوفتيه في حياتك
في نفس الوقت جيه علي بال حور سيف وقد ايه هي بتحس معاه بالامان علي قد ماهما بيعملوا مشاكل بس هي برضو حست باحاسيس غريبه عمرها محستها مع حد تاني وبعدين اتقلب وش حور تاني وزعلت تاني
ماجده بقلق
حور مش ده بس اللي مضايقك انتي في حاجه اكبر من كده
حور بكذب وتوتر
لا ياتيته هيكون في ايه يعني
ماجده
هسيبك دلوقتي ياحور ولما تهدي شويه انا عارفه انك هتيجي تحكيلي يلا بقي اطلعي استريحي شويه
حور
لا انا هنظف البيت انتي مش شايفه قد ايه في حاجات متبهدله
ماجده
انا هجيب واحده تساعدنا وتنظف البيت
حور بضحك
يا فندم انا موجوده ازاي عايزه حد يساعدك غيري وانا طول عمري بساعدك يلا انتي اطلعي استريحي وانا هشتغل
ماجده بضحك
طيب يا مقروده انا هطلع اريح شويه
حور بابتسامه
ماشي
..................................
عند سيف
بص في الساعه لقي ان فاضل ساعه علي الكورس اللي بيبتدي الساعه ٧ المغرب ويخلص ٩ العشا
لبس هدومه وضبط نفسه وخد كتبه ومذاكرته ونزل
شاف اهله وقالوهم
انا ماشي عايزين حاجه
قالت ليلي
عاوزين سلامتك
وبعدها مشي وراح الكورس واول مادخل كان في عدد كبير ولكن اتفاجا بواحده بتنادي عليه
سيف باستغراب وهو ينظر تجاه الصوت فوجد فتاه بشعر بني غامق وعيون فيروزيه تلفت الانظار وبشره قمحاويه
بتنادي عليا انا
الفتاه بابتسامه
ايوه ممكن تيجي ثانيه
قرب منها وقالته اقعد هنا
استغرب سيف وقعد جمبها وقال بتعجب
حضرتك تعرفيني
الفتاه بابتسامه
انا اعرفك اه لكن انت تعرفني ماظنش بس احنا ممكن نتعرف انا داليا انا في سنه رابعه كليه طب
سيف يبادلها الابتسامه
انا سيف اتشرفت بيكي بس برضو انتي تعرفيني منين
داليا
انا معاك في نفس الكليه ونفس السيكشن بس مجتش غير اول يوم وقديلي فتره طويله غايبه وبذاكر من الكورسات وكنت بشوفك زمان كتير مع اصحابك بعدين مين ميعرفكش ده انت متسيط حتي
سيف بضحك
ايه ده انا مشهور كده وانا مش عارف
داليا بضحك
اه والله شوفت بس انت من امتي بتحضر الكورسات هنا
سيف
انا اول حصه ليا النهارده
داليا
امممم طيب انت محتاج الحاجات اللي اخدناها في الاول صح
سيف
اه انا محتاج كل الحاجات دي
داليا بتفاهم
طيب احنا ممكن بعد من نخلص الكورس نطلع نصورهم وتاخدهم معاك
سيف بابتسامه
ماشي
ثم حضر المدرس اللي في الكورس وبدا يشرح
كان سيف يدون الملاحظات ويهتم بكل كلمه
..................................
عند حور
نظفت البيت ورتبت حاجتها وعملت نسكافيه وقعدت علي الاب تشتغل وبعد ماخلصت
نزلت ماجده ولقيت حور قاعده
ماجده بتعجب
ايه ده ي حور انتي لسه صاحيه
حور
اه ياتيته عندي شويه شغل
ماجده طيب انا هقعد اتفرج شويه علي التلفزيون جمبك
حور
ماشي ياتيته
بعد فتره قصيره خلصت حور شغلها وقعدت اتفرجت مع ماجده ولكن ماجده كانت بتبص عليها بطرف عينها ولاحظت توتر حور
قفلت ماجده التلفزيون وقعدت تحكي مع حور عن حاجات كتيره تاني
ولكن حور كانت شارده وحزينه
ماجده بحنيه
حور حبيبتي فاكره لما كنت بتبقي عايزه تحكيلي حاجه كنتي بتعملي ايه
حور بابتسامه وحزن
ايوه ياتيته
ماجده طيب يلا بقي حطي راسك علي رجلي وتعالي نتكلم في ايه اللي مضايقك
حور
ماشي ياتيته
قاعدت حور وحكت لها عن كل حاجه حصلت من ساعه ما شافت سيف لغايه لما اتخانقوا النهارده
ماجده
بصي ياحور اي علاقه لازم يبقي في مشاكل وخناقات واي علاقه لازم تنجح لازم يبقي فيها شويه خناقات علشان يبقي في تفاهم لكن مش طول الوقت خناقات وحتي لما تتخانقي متغلطيش للدرجه دي ازاي تقوليله انت فاشل وتهنيه للدرجه دي وبعدين طالما عارفه انه كان متميز وشاطر وبقي حاله كده يبقي اكيد في حاجه خلته كده وبدل ما تقفي معاه تروحي عامله كده هو اكيد زعل منك ويمكن ميرجعش تاني وانتي قولتيلي من شخصيته ان قوي شويه في التعامل يعني مستحيل يرجع تاني زي الاول انتي بكره شوفيه وحاولي تصالحيه
حور بندم
حاضر ياتيته بس انتي مش شايفه هو بيعاملني كاني حبيبته مش صاحبته طول الوقت بيحسسني اني ملكه مع اني صحبته بس وبحس انه بيغير عليه واتخانق معايا النهاردة علشان لبسي كان ضيق
تيته ماجده بحيره
اوعي يكون حبك ياحور
حور وقد سرحت في هذه الجمله
لا حبني ايه يا تيته متوصلش لكده
ماجده بحيره
طالما قولتي انه بغير وبيحسسك انك ملكه يبقي ممكن يكون بيحبك
حور بقلق وخجل
لا ياتيته يحبني ايه
ماجده بخبث
يعني انتي مش حباه
حور بتوتر
لا حباه ايه احنا اصحاب بس وعمر ما هيكون في حب بينا ياتيته
ماجده
طيب ي حور يلا نتعشي بقي ونطلع ننام
حور
ماشي انا هجهز العشا
وبعد مده قصيره اتعشوا وكل واحد راح ينام
...........................
عند داليا و سيف
سيف بتعب
ايه ده انت تعبت اوي من الساعتين دول
داليا بضحك
انت لسه شوفت حاجه يلا بينا بقي نمشي ونروح نصور الورق
سيف
يلا بينا
ذهب سيف وداليا وقاموا بتصوير الورق
داليا
اديني رقمك
سيف
ماشي خديه بس اوعي تديه لشباب اصلي بخاف علي نفسي
داليا بضحك
لا متخفيش يا اووووختشيييييي
ضحك سيف وقالت داليا
سلام بقي انا همشي
سيف
استني طيب اوصلك
داليا
شايف العماره دي
سيف
ايوه مالها
داليا
انا ساكنه في الدور العاشر فيها احلي حاجه اني قريبه من الكورسات اللي هنا وطلعت لسانها وقالته باي ومشيت
سيف بابتسامه
باي ايه البت المجنونه دي بس دمها خفيف ومشي
.............................
وصل سيف البيت
واتعشي مع اهله وحكالهم عن الكورس وبعدها طلع يذاكر وعلي الساعه ١٠.٣٠ الليل
لقي رقم غريب بيرن عليه
ظن سيف انها داليا ولكن هي كانت حور ورنت من موبايل جدتها لانها عارفه ان سيف اكيد مش هيرد عليها من موبايلها
فرد سيف
ايوه يا داليا
اول مسمعت حور سيف وهو يقول داليا راحت قفلت بسرعه
استغرب سيف ثم بعد ٥ دقايق رن الموبايل تاني
المتصل ................
السيف العاشق والحوريه
بقلم ليلي شريف
أنت تقرأ
السيف العاشق والحورية
Roman d'amourاصبح بارد القلب ليس له هدف حبيس لذكريات الماضي لا يريد ان يتخطي ماضيه يريد ان ينتقم فقط من محبوبته السابقه التي هجرته لمصالحها الشخصيه ......... فتاه تربت بالخارج تكره كل الظروف التي جعلتها لا تعيش في سلام مع والديها وذهبت لتكمل تعليمها ثم نزلت إلي...
