حسن بعد ما راحت ميلدا دخلت يم مهدي وعباس
مهدي حسن ميلدا راحت
حسن ي راحت اكلك شوكت تسوي اوراق الخروج
مهدي هسه راح اسوي
حسن وك يله لعد
مهدي رحت سويت اوراق الخروج و طلعنه عباس ورحنه للبيت وتلكته امي تبجي و تحمدوله واني من تعب صعدت اخذت شاور و نمت لان ليل كله ما نايم
حسن بعد ما رجعنه للبيت لكيت ابويه و عمي رحنه كعدنه بالمضيف لان ابويه شيخ وحجيت وياهم ع ميلدا و كتلهم ما عدهه احد بس همه كالو ايروح بس ابويه و عمي و كم شيخ و يكلوله ع سالفه الفصليه
ميلدا بعد ما طلعت من المشفى رحت للشط (نست اكلكم انو اهل مهدي و حسن بالعمارة ) و اخذت كامرتي بديت اصور من ملل الي اني بي والسالفه صارتلي و شويه واتصل عليه حسن
في المكالمه
حسن الوو هلو ميلدا
ميلدا هلا حسن
حسن ميلدا انتي تعرفين راح تصير كعدة عشائر واني حاولت اغير قرار عمي بس هو قافل ع القرار
ميلدا ي وشنو قرارة .
حسن ياخذج فصليه
ميلدا وشنو فصليه ما فهمت
حسن فصليه يعني يزوجوج لاي واحد من ولدنه بس بدون حقوق محكمه وكنما خدمه
ميلدا هههههه
حسن شبيج ضحكين
ميلدا حسن اسفه ع هذا الكلام بس شنو هل جهل الي عمك بي
حسن ما اعرف شكلج
ميلدا وك وكله العمك لا يسوي كعدة و هوسه اني اجي و يفض السالفه
حسن ميلدا انتي متاكدة
ميلدا ي متاكدة يله خلي اكمل تصوير بس حسن يصير اشرك شرطين
حسن ي يصير بس شنو هنه شروطج
ميلدا ابقه ع دوامي و ملابسي
حسن وك ارجعلج خبر باي
ميلدا باي ... بعد ما سديت الخط عصبت لان كارهه فكرة زواج و الارتباط اخذت كامرتي ورجعت للفندق و كسرت كل كزاز الي موجود بالسويت مالتي و نزلت دفعت تعويض و ضمدت ايدي اليمنه لان صارت عبارة عن دم
حسن بعد ما سديته رجعت للمضيف و حاجيت ابويه و عمي وافقو ع شروطهه ورجعت اتصلت بيهه
(في المكالمه )
ميلدا نعم
حسن شبيج
ميلدا مابيه كول شكال عمك
حسن وافقو تعالي حتى تعقدين
ميلدا وك مسافه الطريق باي
حسن باي .. حسيت بيهه شي و مسويه لنفسهه شي لان صوته وعصبيته مبينه من صوتهه ..
زكي حسن بويه شكالت
حسن مسافه الطريق وتجي
زكي زين منو ياخذهه
حسن ما ادري كولو لعلي و مهدي
محمد ي نوور
نور بدلع مضطنع نعم بابا
محمد صيحيلي مهدي و علي
نور وك .. وصاحت لمهدي و علي
علي و مهدي سلام
الكل وعليكم السلام
مهدي خير انشاءالله
محمد البنيه راح تجي فصليه بس منو منكم ياخذهه
مهدي اني ما اخذهه وما اريد اخرب علاقتي بيهه طلعوني من الموضوع
زكي وانت علي شتكول
علي شيخنه اني اريد اتزوج حالي حال اي شاب مو اتزوج فصليه اتمنى طلعوني من الموضوع
محمد منو الياخذهه اشو مهدي طلعوني من الموضوع و علي طلعوني من الموضوع من الي ياخذهه عباس صغير مو مال مرة
زكي حسن بويه انت اخذهه
حسن بداخله كيفت لان ميلدا راح تصيرلي .. بس باب
زكي لا بس ولا شي ماكو هي اشهر و طلكه
حسن وك بس كم شهر
محمد 1 اشهر
حسن وك .. شويه وندك جرص الباب .. يمكن ميلدا وصلت
مهدي اني افتح الباب .. ورحت فتحت الباب الهه .. هلو تفضلي
ميلدا هلا شكرا .. دخلت لكيت بس الزلم كاعدين .. سلام
الكل سلام عليكم
زكي تفضلي بنتي دخلي غراضج جوة حتى تعقدون
ميلدا برود منو راح يكون زوجي
زكي ابني حسن
ميلدا بصدمه 😮هاا
بس خلص البارت انتضررو البارت الجاي اتمنى نال عجابكم وانطوني رأيكم بي و كتبولي اكثر شخصيه حبيتوهه بالقصه 😊😘
