حسن دخلت للغرفه ولكيت ميلدا فاقدة وعيهه رحت و حاولت اصحيهه بس ابد وكان درجت حرارته مرتفعه اخذت وديتهه للمشفى وطبعا كل ضل يصيحون ويريدون يعرفون شبيهه وديت و دخلو يفحصوهه
الدكتور شتقربلك المريضه
حسن زوجتي شبيهه دكتور
دكتور المريضه صار عدهه تسمم و ماخذة برد سوينالهه غسل معدة و طيناهه خافظ حراراة انتبه عليهه زين
حسن انشاءالله دكتور وشكرا تعبتك ويانه
دكتور العفو هذا واجبي .. ما بيهه غير العافيه
حسن شكرا .. وراح الدكتور دخلت لميلدا و شفت وجهه اصفر .. ميمو شلونج
ميلدا بتعب تمام .. حسن خلي نطلع لان اختنكت من ريحت ديتول
حسن وك بس يخلص سيروم ونطلع
ميلدا لا لا فدوة هسه نطلع
حسن بس لو مرة تبطلين عنادج ولو مرة وحدة
ميلدا شلون المثل الي يكوله مهدي
حسن قصدج ابو طبع ميغير طبعه
ميلدا ي هذا
حسن ميلدا مم يعني بعد ما تحجين ويه مهدي
ميلدا حسن خلي نطلع وبالسيارة اكلك
حسن وك رايح اسوي اوراق الخروجيه
ميلدا وك
نور بعد المشاكل الي صارت البارحه كلت لازم اسوي شي ياذي هي ميلدا كلش كارهته هم فصليه وهم حسن يحبهه يبخت حضهه المهم فكرت اخلي زيت ع درج و بليل حتى توكع و اخلص منهه بس لازم الكل ينام حتى انفذ خطتي 👹
مهدي ما اعرف شنو اكول ع الشي الي صار البارحه من جهه امي و اختي و من جهه الاقرب شخص اليه ميلدا مستحيل اتخلى عنهه بس هي هم زودتهه اوووف .. كعدت اخذت شور ونزلت لكيت البيت مكلوب من سئلت عرفت ميلدا مريضه قلقت عليهه ورة شويه اجوي هي و حسن
حسن يله امشي نطلع
ميلدا وك يله . وطلعنه و صعدنه بالسيارة
حسن ي يله طلعنه من المشفى سولفي
ميلدا ع شنو اسولف
حسن لا تسوين نفسج ما تعرفين الموضوع عاد
ميلدا حسن احجي الصراحه منو الغلط بنظرك ؟
حسن انتو الاثنين
ميلدا شلون ؟
حسن مهدي غلط لمن رفع ايدة عليج وكذالك انتي هم من رفعتي يدج عليج
ميلدا ي وبعد غير الضرب
حسن شوفي من تجاوزتي ع امه هم غلط بس ع اخته اوك نكول بنات وبيناتكم
ميلدا ممم وك هسه سوق خلي نرجع للبيت
حسن حاظر يا اميرتي
ميلدا ههه يله يا خادمي
حسن .. بعد ما وصلنه للبيت لكيت مهدي ياكل .. مهدي ا يدك بموضوع من تكمل اكلك
مهدي خير انشاءالله خو ما صاير شي .
حسن لا ولا شي بس بعدين نحجي وك
مهدي وك بس وين نحجي
حسن يم الشط .
مهدي ممم وك
حسن يله اني اترخص رايح للمضيف
مهدي حسن
حسن هممم
مهدي اكلك شبيهه ميلدا
حسن متسممه و ماخذة برد
مهدي وهسه شلونهه
حسن احسن من قبل .. ليش خايف عليهه هه
مهدي بكذب .. لا بس مجرد فضول
حسن صدكت يله باي
مهدي باي
ميلدة بعد ما رجعنه للبيت صعدت لغرفتي والي هيه غرفه حسن تمددت ع سرير و بجيت ما اعرف ليش بس يمكن بسبب الشي الي دامر بي لان صعب عليه مع انو اني شخصيتي ابد ما اهتم للاشياء الي تصير ويايه .. شويه ونفتح الباب فكرته حسن ..حسن اغلق الضوء و سد الستائر من يمك بليزز
نور مو خدامه عند الخلفج اني و لا حسن هم خدامج
ميلدا انتي اذا تردين مشاكل فمالي واهس وك من يصيرلي واهس اكلج تعالي نتعارك وك يله هسه تندلين الباب
نور لا والله هم عوزهه الفصليه تتامر و تطرد اسمعي هييي انتي هنا مجرد فصليه وما طلعين منا سالمه لازم تتكسرين او حتى تموتين
ميلدا تهديدات الاطفال هايه ما اهتملهه وك فيا بيبي يله روحي اشربي حليبج و نامي لازم تنتظمين بنومج وك هه
نور بعصبيه انتي الظاهر مو مال بس تهديد اني الج بسيطه انشوف اليوم من طفل هه .. وطلعت
ميلدا ما عاييزني بس الاطفال
مهدي بعد ما كملت اكلي و كلامي ويه حسن قبل لا اروح للشط صعت لغرفتي حتى ابدل ملابسي ومن اني صاعد سمعت حديث نور و ميلدا و عرفت من الحق و منو الباطل وعفت اختي دور مشاكل وكلت لازم اراقبهه.. رحت لغرفتي و بدلت ملابسي و رحت للشط و لكيت حسن هناك .. ها ضلع شنو الموضوع ردتني بي
حسن انت ملاحظ نفسك متغير 180 درجه
مهدي لاا ليش بشنو متغير ؟
حسن اولا تعاملك ويه ميلدا و ثانيا عصبيتك الزايده و كلشي بيك متغير متكلي شبيك شنو الي صار وين مهدي القديم الي نعرفه
مهدي ما اعرف حسن اني هم متعجب من نفسي وبعد ما اعصب اندم ع الشي الي سوسته
حسن كلي ليش ضربت ميلدا ليش كثرت خلافاتكم
مهدي حسن ترة سمعت حديث نور و ميلدا و سولفتله كلشي
حسن شنو شنو الي ناويتله نور
مهدي ما اعرف بس الي اعرف الموضوع صار بي تهديد
حسن ليش ما نروح للمول و بالمطعم تصالحون و تحلون الخلاف
مهدي ممم وك ليش لا يس برأيك ميلدا راح تسامح بسهوله
حسن نجرب ليش لا
مهدي تمام
حسن يله امشي نرجع للبيت لان تاخرنه
مهدي مم يله امشي
حسن طول طريق افكر بميلدا و خاف نور تسويلهه شي
مهدي شبيك وين صافن
حسن افكر بميلدا
مهدي بس لا تحبهه
حسن اعشقهه مو بس احبهه
مهدي ليش ما تعترفلهه
حسن انت تعرف ميلدا ما تحب شغلات الحب وبالنسبه الهه هذا خرابيط و ثاني شي و الوضع الي احنه بي هسه مو مال اعترفلهه
مهدي صحيح كلامك ،وصلنه للييت و تغدينه و نمنه لان بس نكعد كلنه شي اكيد تصير مشاكل
وبس هذه نهايه البارت اريد اكتب بعد بس نعست اتمنى تسامحوني ع السحبه الي سحبتهه بتنزيل البارتات بس اسفه وانشاءالله ما اتاخر بعد و كتبولي رأيكم و توقاتكم شنو راح يصير وهل ميلدا راح تسامح مهدي او لا وحسن راح يعترف بحبه او لا 😚😘
