ﻓﻲ ﺍﻟﻴﻮﻡ ﺍﻟﺘﺎﻧﻲ ﺭﺩﻭ ﻋﻠﻲ ﺍﻫﻞ ﻋﺒﺪﺍﻟﻘﺎﺩﺭ ﺑﻌﺪ ﻣﻮﺍﻓﻘﺔ ﺍﻣﻨﺔ ﺍﺗﺼﻠﺖ ﻋﻠﻴﻬﻮ ﻻﻧﻬﺎ ﻭﻋﺪﺗﻮ ﺗﺘﺼﻞ ﺑﻌﺪ ﻣﺎ ﻳﻤﺸﻮ ﺍﻟﻨﺴﻮﺍﻥ ﺍﻟﺠﻮ ﻳﺒﺎﺭﻛﻮ ﺍﻟﺨﻄﻮﺑﺔ..
* ﺍﻟﻮﻭﻭﻭ..
*ﺍﻫﻠﻴﻴﻴﻦ ﺑﺤﺒﻴﺒﺘﻲ ﻛﻴﻔﻴﻚ ﺍﻟﻒ ﻣﺒﺮﻭﻭﻭﻭﻙ ﻋﻠﻴﻨﺎﺍﺍ
* ﺍﻟﻠﻪ ﻳﺒﺎﺭﻙ ﻓﻴﻚ ﺧﻼﺹ ﺍﻧﺒﺴﻄﺎ ﻋﻠﻤﺖ ﺍﻟﻔﻲ ﺭﺍﺳﻚ ..
*ﻫﻬﻬﻬﻬﻬﻪ ﻋﺎﻳﺰﺓ ﺗﺜﺒﺘﻲ ﻟﻲ ﺍﻧﻚ ﻣﺎ ﻣﺒﺴﻮﻭﻃﺔ ﻳﻌﻨﻲ ..
*ﻫﻬﻬﻬﻬﻬﻪ ﻧﻬﺎﺋﻲ ﻃﺒﻌﺎﺍﺍﺍﺍ..
*كوﻳﺲ ﺍﻧﺸﻮﻑ ﺍﻟﻌﺮﺱ ﺑﻌﺪ ﺛﻼﺛﺔ ﺷﻬﻮﺭ ﺗﺨﻠﺼﻲ ﺍﻟﺴﻤﺴﺘﺮ ﺩﺓ ﺍﻥ ﺷﺎﺀﺍﻟﻠﻪ
*ﺍﺣﻠﻢ ﻳﺎ ﺍﻟﺴﻤﺢ ﻣﺎﻓﻲ ﺍﻱ ﻋﺮﺱ ﺍﻻ ﺑﻌﺪ ﻣﺎ ﺍﺧﻠﺺ ﺍﻟﺴﻨﺘﻴﻦ ﺩﻳﻞ ..
*ﻭﻳﻦ ﺩﺓ ﺍﺗﻔﻘﻨﺎ ﺧﻼﺹ ﻣﻊ ﻋﻤﻲ ﻭﺣﺪﺩﻧﺎ ﻛﻞ ﺷﻲ ,
* ﻫﻬﻬﻬﻬﻬﻬﻬﻬﻬﻪ ﻣﺸﻜﻠﺘﻚ ﻭﺍﻟﻠﻪ ﺍﺗﺼﺮﻑ ﻣﺎﻓﻲ ﻋﺮﺱ ﻫﺲ..
*ﺍﻟﻤﻬﻢ ﺍﻧﺘﻲ ﺑﻜﺮﺓ ﻣﺴﺎﻓﺮﺓ ﺻﺢ ﻧﻄﻠﻊ ﺳﻮﺍ *ﺍﻥ ﺷﺎﺀﺍﻟﻠﻪ ﻟﻮ ﺍﺻﺒﺤﻨﺎ ﺑﺨﻴﺮ..
* ﻃﻴﺐ ﻳﻼ ﻣﺎﺷﻲ ﺍﺷﻮﻑ ﺍﻟﺸﺒﺎﺏ ﺩﻳﻞ ﺍﺗﻮﻧﺲ ﻣﻌﺎﻫﻢ ﺷﻮﻳﺔ ﻭﻻﺯﻡ ﻛﻤﺎﻥ ﺍﺷﻮﻑ ﺍﺣﺘﻴﺎﺟﺎﺕ ﺍﻟﻤﺴﺘﻮﺻﻒ ﺩﺓ..
* ﺗﻤﺎﻡ ﻳﻼ ﺳﻼﻡ ,,,,,, ..
ﻋﺒﺪﺍﻟﻘﺎﺩﺭ ﺍﻻﻣﻮﺭ ﻣﺎﺷﺔ ﻣﻌﺎﻫﻮ ﺗﻤﺎﻡ ﺑﺲ ﻭﺩﺍﻟﺰﻳﻦ ﺍﻟﻮﺿﻊ ﻣﺎ ﻋﺎﺟﺒﻮ ﻧﻬﺎﺋﻲ ﻟﻴﻪ ﺗﻔﺮﺿﻮ ﻭﺗﻮﺍﻓﻖ ﺑﻌﺒﺪﺍﻟﻘﺎﺩﺭ ﻳﻌﻨﻲ ﻋﺸﺎﻥ ﺩﻛﺘﻮﺭ ﻭﻻ ﺷﻨﻮ ﺯﺍﺩ ﺗﻔﻜﻴﺮﻭ ﻓﻲ ﺍﻧﻮ ﻳﻄﻠﻊ ﻣﻦ ﺍﻟﺤﻠﺔ ﻻﻧﻮ ﺗﺎﻧﻲ ﻣﺎﻓﻲ ﺳﺒﺐ ﻳﻌﻘﺪﻭ ﻓﻴﻬﺎ ,,, ﻋﺪﺍ ﻋﻠﻲ ﺍﻟﻤﻮﺿﻮﻉ ﺷﻬﺮ ﺧﺎﻟﺪ ﺳﺎﻓﺮ ﻭﻟﺴﺔ ﻫﻮ ﻛﻤﺎﻥ ﻣﻮﺿﻮﻉ ﻋﺮﺱ ﺍﻣﻨﺔ ﺷﺎﻏﻠﻮ ﻣﺮﺕ ﺍﻻﻳﺎﻡ ﻋﻠﻴﻬﻢ ﺍﻻﺗﻨﻴﻦ ﻣﺎ ﻧﺴﻮ ﺣﺒﻬﻢ ﻟﻴﻬﺎ ﻭﻫﻲ ﺑﺪﺕ ﺗﺠﻬﺰ ﻟﻠﻌﺮﺱ , ﺍﻟﻈﺮﻭﻑ ﺟﻤﻌﺖ ﻭﺩﺍﻟﺰﻳﻦ ﻭﻣﻨﺘﺼﺮ ﻭﺧﺎﻟﺪ ﺗﺎﻧﻲ ﻓﻲ ﻧﻔﺲ ﺍﻟﻤﺪﻧﻴﺔ ﺍﻟﻌﻼﻗﺔ ﺑﻴﻨﻬﻢ ﻣﺎ ﻛﺎﻧﺖ ﺗﻤﺎﻡ ﺑﺲ ﺷﻮﻳﺔ ﺷﻮﻳﺔ ﺣﺎﻭﻟﻮ ﻳﺮﺟﻌﻮ ﺯﻱ ﻣﺎ ﻛﺎﻧﻮ ﻣﻊ ﺍﻧﻮ ﺻﻌﺐ ,,,,,
*,ﻣﻨﺘﺼﺮ ﻣﺎ ﻣﻼﺣﻆ ﺍﻟﺒﺤﺼﻞ ﻟﻴﻨﺎ ﺩﺓ ﺣﺘﻲ ﻟﻤﺎ ﺟﻴﻨﺎ ﺍﻟﺨﺮﻃﻮﻡ ﻧﻐﻴﺮ ﻣﻦ ﺟﻮ ﺍﻟﺤﻠﺔ ﻭﻧﺎﺳﻬﺎ ﻛﻞ ﺍﻟﺘﻔﺎﺻﻴﻞ ﺑﺪﺕ ﺗﺮﺟﻊ ﻣﻦ ﺟﺪﻳﺪ ﻭﺩﺍﻟﺰﻳﻦ ﺑﺤﺎﻭﻝ ﻳﺒﻘﻲ ﻋﺎﺩﻱ ﻣﻌﺎﻱ ﺑﻌﺪ ﻣﺎ ﺑﻘﻲ ﺑﻜﺮﻫﻨﻲ ﺗﻔﺘﻜﺮ ﺍﻟﺤﺎﺻﻞ ﺷﻨﻮ *ﻳﺎﺧﺎﻟﺪ ﻋﻠﻴﻚ ﺍﻟﻠﻪ ﺧﻠﻴﻨﺎ ﻧﺮﻛﺰ ﻓﻲ ﺷﻐﻠﻨﺎ ﻭﻧﺸﻮﻑ ﻣﺴﺘﻘﺒﻠﻨﺎ ﺍﺻﻼ ﺍﻟﻤﻮﺍﺿﻴﻊ ﺩﻳﻚ ﻣﺎﺗﺖ ﻣﺎﻓﻲ ﺣﺎﺟﺔ ﺑﺘﺮﺟﻊ ﺗﺎﻧﻲ ﺯﻱ ﺍﻻﻭﻝ ﻭﺩﺍﻟﺰﻳﻦ ﻋﺮﻑ ﻏﻠﻄﻮ ﻭﺍﻧﺘﻮ ﺍﻻﺗﻨﻴﻦ ﺧﺴﺮﺗﻮ ﺍﻣﻨﺔ ﺷﻮﻓﻮ ﺣﺎﻟﻜﻢ ﻳﺎﺥ ﺍﺻﻼ ﺍﻟﺒﻨﺎﺕ ﺩﻳﻞ ﻣﺎ ﺑﺠﻲ ﻣﻦ ﻭﺭﺍﻫﻢ ﻏﻴﺮ ﺍﻟﻤﺼﺎﻳﺐ
* ﻣﺘﻘﻮﻝ ﻛﺪﺓ ﻳﺎﺥ ﺍﻟﺒﻨﺎﺕ ﺩﻳﻞ ﺍﺧﻮﺍﺗﻨﺎ ﻧﺤﻨﺎ ﺍﻟﺒﻨﻐﻠﻂ ﻭﺑﻨﺤﺒﻬﻢ ﺑﺪﻭﻥ ﻣﺎ ﻳﻜﻮﻧﻮ ﻟﻴﻬﻢ ﻋﻠﻢ ﻭﺑﻌﺪﻳﻦ ﻟﻤﺎ ﻧﺨﺴﺮﻫﻢ ﻧﻄﻠﻊ ﻓﻴﻬﻢ ﺍﻟﻒ ﻋﻴﺐ ﻛﺪﻱ ﻗﻮﻡ ﺍﺭﺡ ﻧﻤﺸﻲ ﺍﻟﻨﺎﺩﻱ ﻋﺎﻳﺰ ﺍﻻﻗﻲ ﺍﻟﺰﻭﻝ ﺩﺓ ﺍﺷﻮﻑ ﻋﻤﻞ ﻟﻲ ﺷﻨﻮ ﻓﻲ ﻣﻮﺿﻮﻉ ﺍﻟﺴﻔﺮ
*,ﻳﺎﺧﺎﻟﺪ ﺳﻔﺮ ﺷﻨﻮ ﺍﻧﺎ ﻋﺎﺭﻑ ﺍﻧﺖ ﻧﺎﻭﻱ ﻋﻠﻲ ﺷﻨﻮ ﻭﺩﺓ ﻣﺎ ﺑﻨﺼﺤﻚ ﻓﻴﻬﻮ ﺍﻧﺴﻲ ﺍﻟﻔﻜﺮﺓ
*, ﻳﺎﺥ ﻣﺎﺗﻌﻤﻞ ﻟﻲ ﻣﻮﺿﻮﻉ ﻳﻤﻜﻦ ﺍﺻﻼ ﻣﺎ ﺍﺗﻮﻓﻖ ﺑﻄﻞ ﻧﻘﺔ ﻋﺎﻣﻞ ﺯﻱ ﺭﺟﺎﻝ ﺍﻟﺤﻠﺔ ﻟﻮ ﻋﺮﻓﻮ ﻟﻴﻬﻢ ﺧﺒﺮ
*ﻫﻬﻬﻬﻬﻬﻬﻬﻪ ﻭﺍﻟﻠﻪ ﻳﺎ ﺣﻠﻴﻠﻬﻢ ﻳﺎﺥ ﺍﺷﺘﻘﺖ ﻟﻠﺤﻠﺔ ﻭﻧﺎﺳﺎ ﻭﻋﺪﻡ ﺍﻟﻤﻮﺿﻮﻉ ﺍﻟﻔﻴﻬﺎ
*ﻫﻬﻬﻬﻬﻬﻬﻬﻪ ﻫﺲ ﺩﻱ ﺑﺸﺘﺎﻗﻮ ﻟﻴﻬﺎ ﻣﺎ ﺻﺪﻗﻨﺎ ﺍﺗﺨﺎﺭﺟﻨﺎ ..
*ﻋﻠﻲ ﻗﻮﻟﻚ ﻳﻼ ﺍﺭﺡ ,,,,,,,,,
,انتقل ﺧﺎﻟﺪ ﻣﻦ ﺍﻟﺤﻠﺔ ﻟﻠﻌﺎﺻﻤﺔ ﻭﻣﻨﻬﺎ ﻟﻲ ﺑﺮﺍ ﺍﻟﺴﻮﺩﺍﻥ ﻛﺎﻥ ﻣﻦ ﺍﻟﻨﺎﺱ ﺍﻟﺮﺍﻓﻀﻴﻦ ﻓﻜﺮﺓ ﺍﻟﺴﻔﺮ ﻧﻬﺎﺋﻲ ﺑﺲ ﻫﺲ بحاول ﺑﻜﺎﻓﺔ ﺍﻟﺴﺒﻞ ﻋﺸﺎﻥ ﻳﺘﺨﺎﺭﺝ ﻣﻦ ﺍﻟﺒﻠﺪ ,,,,,, ﺍﻣﻨﺔ ﻣﻊ ﺍﻧﻬﺎ ﻛﺎﻧﺖ ﺭﺍﻓﻀﺔ ﺍﻟﻌﺮﺱ ﻣﻦ ﺍﻟﺒﺪﺍﻳﺔ ﺑﺲ ﻓﻲ ﻧﻬﺎﻳﺔ ﺍﺑﻮﻫﺎ ﻗﺮﺭ ﻳﻜﻮﻥ ﺍﻟﻌﺮﺱ ﺧﻠﺼﺖ ﺍﺍﻻﻣﺘﺤﺎﻧﺎﺕ ﻭﺍﻟﻌﺮﺱ ﻓﻀﻞ ﻟﻴﻬﻮ ايام..
