سلااام كي واعدتكم تلحق 100 شكرا على لي فوط و svp ماتنساوش ديروه باه يلحقني بلي راكم تبعوا نتشجع و نتحمس باه نكمل ....
مهم ان شاء الله يعجبكم و نسيي مانطولش عليكم
فطفطوااا 😉🤣🤣
🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾🌾
سفيان :" سي خير الدين..أنت أصلا عارف بالموضوع و الحمد لله دوك جرأت ب. ..باه ندير هذي الخطوة .
شاف في روان تبسم و كمل :" جيتكم على سنة الله و رسوله نطلب يد بنتكم روان ليا !
روان غمضت عينيها و قلبها خبط حكمتها واحد الغصة ....
صفية فرحت و مام خير الدين
خير الدين :" ايييه يا وليدي فرحتنا الحمد لله بصح لوكان صبرت جبت باباك و جيت لالا ؟
سفيان :" أكيد حبيت ناخذ رايكم قبل ؟
صفية :" راينا ؟ وليدي وين حانلقاو واحد كيما نتا...خيرك علينا ماننساهش حياتي ...عاونت روان و وقفت معاها في الشدة !!
خير الدين:" حنا كيما قالت المدام وين نلقاو كيما انت ثيقتي فيك كبيرة و علابالي ماراحش ضرلي بنتي ...
تبسم سفيان و شاف فيها:" نديرها في عينينا!
روان والات حمرة ! تبسمت معاه ...
حتى خبطت سناء الطابلة بالزعاف قفزوا و شافوا من جيهتها ...
سناء بزعاف:" رايكم مايهمش ...هذا يخص ختي روان !!! نتي لي واش رايك ...
صفية :" سناء !! واشبيك طرتي فينا !! عيييب ا.
ماجاات تكمل عيطت سناء:" راني نهدر معااك جاوبي !!
روان حست بختها مقلقة عليها :" سقساني أنا قبل منكم و قلت إيييه ...
سناء شااافت في ختها و طلعت حاجب ماشي مقتنعة :" متأكدة ؟
روان ضحكت :" سناااء متأكدة !
سناء:" ايييه الله يهنيك ...
رفدت تيليفونها و خرجت من صالون و خلاتهم مافهمين والو...
ضحكت روان تنسي في سفيان لي شم اللوش ..
روان :" ماشي كونا خارجين ؟
سفيان :" جيت نهدر معاكم في هذا موضوع وحاجة تان ...حبيت الخطبة تكون الجمعة ! روان السبت ديماري ...حبيت نبينها قبل ما تسافر ..
روان ماا ستناتش منوا هذا باااسكوا بزااااف قريب
صفية :' علاه وليدي ماراحش تهرب تروح و تولي!
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
