المراة الليبية ( روايات ليبية )

حلقة 3🔥 ( الفعل و القول )

المرأة الليبية 3 ❤

" الفعل و القول "

الفعل و القول 👌🔥 ... في فررق كبير بين تتكلم ع حجات مشش حتصير و في فررق بين ادير الفعل طوول بدوون ما تتكلم هلبا و ع فاضى ... مششش عارفه من بنبدا ولا من وين بنكتب بسسس رح تفهميني انتي يلي قاعده تقري توا ...في الحلقتيين اللي فاتت جبتلك المرأة الليبية القوية اللي مفييشش شي يقدر يوقفها ... وجبتلك البنت القاصرة وافكار المراهقين كيف ح تأثر في المستقبل وشن عواقب هاذي التصرفات ... بسسس كنت نحككي اكتر ان المرأة الليبية قووية وطيبه ونقية هذه كلها اوجه للمرأة الليبية ... ومشش كل النساء زي بعضهم لأن في نساء ميعرفوش معنى الامومه !!!!! وهذه الوجه جديد وكترر في جيلنا هذه المرأة ( الأنانية ) ...

‏❤ Part 3 ❤

ريهام / اسسمي ريهام عمري 20 سسنه مواليد 2000 ❤ ... عندي 5 خووت 3 شباب و 2 بنات واني نكون السادسة ❤ ووقفت قرايتي من صف السادسس ابتدائي عندي الأخ الاكبر هو عمر مواليد 1998 يخدم في اكتر من خدمه مرات يخدم في المطاعم ومرات يخدم في المخبز و مرات يخدم في محلات الغدائية ... المهم يخدم ومياكلش في مال ححرام 👌🔥 ... قضيتي تحكي عن المشاكل الزوجية و مدى تأثيرها ع الاطفال او المراهقين ... امي اسمها سمر طلقت من و اني في صف السادس وكانت المشاكل اللي بينها وبين بوووي ع الفلوس و قصص الفلوس وبعد ما بدت الثورة 17 فبراير بدت المشاكل بينهم تكثر يوم عن يوم بدت تكتر ... بوي طلقها ورماها في حوش بوها ... لكن هي وقتها سيبت كككل شي ومسكت في موضوع الفلوس وتقول نبي فلووسي ... ومقالتش نبي صغاري 👌🔥 ... خليني نحكيلكم ع حياتي كيف ماشية اني وخوتي الخمسة ❤🔥 ...

ريهام / هيا عمر و علي و احمد نوضوا بسسسرعه هيا نوضوا ... فتحت الرواششن متع الحوش و خشييت للمطبخ درت حليب وشاهي و حليب عادي للصغار ❤ ... وخديت الخبزة البايته من اول امسس حطيت اخرر شي منها ع طاولة ...

عمر / صباح الخخير ريهام اني عطلت ع خدمه شكلي
ريهام / لالا معطلتتتش مزززال بككري اني نوضتكم مبكري توا ساعه 7 صبحح مزال
عمر / هيا انتي وياها نوضوا
ريهام / ريماس رنا هيا نوضوا افطروا باش تلحقوا ع المدرسة
ريماس / تقرا اولى تانوي وديما مشش عاجبها شي بكل 💔🔥
رنا / وهاذي رنا تقرا صف خامس ابتدائي
احمد / يقرا صف سادس ابتدائي
علي / هذا علي يقرا تانية تانوووي ...
ريهام / هيا اغسلوا وجوهكم بسررعه وتعالوا افطروا ...
ريهام / اني امي سمر وحده غرريبة متبريه من عيلتها كلها وخالاتي وخوالي ميحبوناش بكككل ... لأن امي بعد ما طلقت بوي تحساب روححها مزالت صغيرة وفي عزز شبابها كانت تكلم في راجل ويواعد فيها ان يتزوجها ويعيشها عيشة الملوكك وبعد ما عرفوا اهلها تبرووا منها وصارت هلبا مشاكل ... يعني هي بايعه الدنيا كلها وميهماش الا مصلحة رووححها وبسسسس ... كل يوووم نخلي في صغار يوتوا روحهم للمدرسة واني و عمر كل واحد فينا يمشي يخدم خدمته اني مرات نخدم في معمل حلويات و مرات انظف في حياش الناسسس كنت انظف في حياش الناس لككن بعد ما كنت نسسمع في قصص غريبه يلي تصير معاش مشيت لي ولا ححوش لأن بديت نخاف ... في معمل الحلويات كان معاي واحد شغيل اسمه موسى كان ديما يصبح عليا لما يجي ياخد في طلبيات ويوصل فيهم ... هو اكبر مني ب تلات سنين شاب يعني بسسس كانت ديما عيونه عليا ... لكن اني منفكرش في حجات اهيا بكل ولا عمرري فكرت ندير علاقه مع راجل ... اني مشش زي اي بنت تخاف من خووها باش ميشوفهاش انها تكلم في راجل لا اني نخاف على كرامتي و شررفي ونخاف ع عيلتي و مسؤلياتي ❤❤❤🔥👌 ...