المرأة الليبية 5 والأخيرة ❤
" مرت بوي "
... احيانا احني لما نسمعوا على شخص كلام مشش كووويس احني نصدقوه ونقعدوا نتباعدوا عليه ونكرهووه من القصص يلي نسمعوا فيها عليه ... ( مرررت الاب ) في ناس لما تسسمع كلمة مرت بووي او مرت بوها او مررت بوه ... اتقولوا اكيدة قاسية اكيدة حقيرة اكيدة مسمومه اكيدة ظالمة ... ايييه صحح في هكي نساوين مرت اب الظالمة ومرت الاب الكووويسه لككن نااادرة مرت الاب النادرة ... داليا اتكووون المرأة اللي تحملت كل شي صار في حياتها ... المرأة الليبية هاذي تزوجت واحد من عيلة عادية زي كل عائلات الليبية لكن العيلة هاذي طبعا الحماة وبناتها شي طبيعي يكوونوا ظالمين 👌 ... اني اسمي هبة اني امي توفت وبوي مزال عايش الحمدلله ... عمري 22 س نقرا في الجامعة عندي 2 خووت شباب اصغر مني بشووي ... وماتت امي بمرض السرطان ( عفاكم الله ) ... وكانت الفترة متع العلاج فيها حناي وعماتي يهزبوا فيها ويخلوا فيها تنضف وتكنس واطييب مع ان امي كانت وقتها تتتابعة نفسيا ومفروض نريحوها ونعالجوا لكن هما دارو العكس واني كنت نتفرج كيف امي كانت اضيييع بين ايديا ومكانش عندي اي ححد يعووضني ع الايام بدووون امي ... وخوتي الصغار كل واحد وعنده مشكلة في تانوية وفي المدرسة في الخدمه وانحرموا من حنان الام زيني 💔 ... طبعا بووي يخدم موظف في شركة طيران يعني عطوه وظيفة خفيفه لأن معاش قادر يتحمل وكبر في العمر ... ويوم من الايام تلقى مع ووحده ارملة ... كانت تبي تذكرة وهكي ... وكان عمرها في تلاتينات ... اطلقت من راجلها وكان بووي يبيها بالحلال ... وعرض الفكرة على امه ...
فتحي / والله يمى تعبت من الحياة والله تعبت ونبي مرا تونسني اني وصغاري
فتحية / وخيرها اخت خيرية في شن مقصرة
فتحي / يا يمى نبي نتزوج نبي مرا افهمي قصدي اني لما نروح نبي مرتي تستناني تساعدني تعيني فهمتي عليا
فتحية / خلاص يممى اني نشوفلك اول وحده ونتموا معاها ونلقالك بنت حلال يلي تبيها 👌
فتحي / في وحده يمى تكون اخت عمران صاحب المحل ملابس اللي في راس الشارع
فتحية / قصدك مروة بنتهم صغيروونه عاد ههه
فتحي / تي لا يا يمى اسمها داليا
فتحية كشخت / يا مصح وجهك بتجيبلي وحده مطلقة في الحوش ولا شني
فتحي تعصب / هاااا شني يمى تبيني نتزوج وحده نديد بنتي هبة ولا كييييف عاد
فتحية / لا اله الا الله فتكينا من وووحده جتنا التانية
فتحي / خيرك يمى لا يجوز على الميت الا الرحمه
فتحية / خلاص خلاص توا نمشيلهم غدوا ونمتوا الزواجه على خير بإذن الله ...
...
هبة / اييييه عادي بوي هاذي حياتك وانت حر فيها بسس اكيد مش حتاخد مكان امي صح 💔
فتحي / لا يا بنيتي مش حتاخد مكان امك كوني مطمنه الغالية محد يقدر ياخد مكانها
هبة / الله يرحمها 💔
فتحي / ووين خوتك يا بنيتي
هبة / سليم يخدم في المحل وسالم مريض قاعد راقد داخل ...
فتحي / حنمشي نقوللهم بالموضوع بالك يتفاهموا الموقف
هبة / هادي حياتك بوي ومحد يقدر يتحكم فيك
...
أنت تقرأ
المراة الليبية ( روايات ليبية )
Romance5 قصص مختلفة و كل قصة تناقش موضوع يعاني منه المجتمع الليبي و بدات ( المراة الليبية ) يلخص كل هذه المواضيع الكاتب : حسن الجامعي في حلقات منفصلة و يستنتج حكمة من كل موضوع 🔥
