الدكتور.. كدرنه نصيطر عالنزيف بس خسر دم هواي ونحتاج بطل دم زمرة o موجب
محد بالعائلة o موجب غير ضي
ضي..إني إني دكتور o موجب
الدكتور..روحي وي الممرضه بنتي
ضي..رحت وياها وسحبت مني دم واني بالي مو وياها بالي كلة يم هشام طبعا تستغربون هسه مني شلون ماحبه وشلون اتبرعتلة بدمي..صراحه حتى إني ماعرف من بعد إلي صار حسيت هشام من صدك يحبني وأني جنت مفكرة انو حبني كأي بنت عادية بحياته ويوم يومين يعوفها بس من ضحه بروحه علمودي مشاعري تغيرت وحسيت شعور غريب اتجاها خفت عليي من كل كلبي وخفت لا اخسرا وإذا صار بي شي ماسامح نفسي..خلصت وطلعت كعدت مقابل باب العمليات
أم ضي..ها ماما حبيبتي شلونج تحسين بدوخه اجيبلج شي تشربيه
ضي..لا ماما مادايخه مابيه شي
أبو ضي..كومي بنتي روحي وي اخوج للبيت انتي وامج يالله حبيبتي
ضي..لا بابا الله يخليك خليني ابقى هنا
أبو ضي..على راحتج بنتي
إبراهيم..يالله أم محمد اخذي ايه وروحوا وي جلال خيوصلكم للبيت
أم محمد..لا ماروح ابقى يم أبني ما روح
إبراهيم..على راحتج يالله ايه روحي وياهم بدلي وجيبي وياج ملابس لضي ملابسها كلها دم
ايه..ماشي بابا رايحه ما طول
أخذ جلال وأمه وايه ويا وراحوا للبيت
طبعا بيت أبو ضي وأبو هشام قريبه من بعض بعد بيتين
وصل جلال ايه لبيتهم
ايه..ماطول عمه بس ابدل ملابسي واجي أخذ ملابس لضي وارجع
أم ضي..ماشي بنتي
نزلت ايه وهيه طول الطريق عينها على جلال وجلال ولا معبرها مو قصه شي بس ببالة غير وحدة
نرجع للمستشفى
ضي..لهسه ماطلع أحد يالله دخيلك نجي وخليليا ياربي ماريد اخسرة كلبي ديدكطع عليي كلما أتذكر شلون خزرني من دز الرسالة وشلون يباوعلي بنظرات كلها حب بالمخزن شعور بداخلي يتحرك وماعرفه شنو. فجأة طلع الدكتور جان بابا وعمو طالعين يجيبون أكل وبس اني وعمتي موجودين رحناله وكالت عمتي
أم هشام..ها دكتور بشر شلونه وليدي
الدكتور..الحمدلله تعدة مرحلة الخطر بس لازم يبقى تحت المراقبه 24 ساعه
ضي..الحمدلله ياربي ألف الحمدلله كال تعدة مرحلة الخطر يعني مابي شي
الدكتور..منو ضي....
أنت تقرأ
يا ضي عيني (نهوة عشك)
Ficção Geralتحجي القصه عن بنيه ماتحب ابن عمها وهو نهة عليها واضطرت توافق لسبب راح تعرفوا بالقصه
