《نحن نعيش لكي نرسم ابتسامة، ونمسح دمعة، ونخفّف ألماً، ولأن الغد ينتظرنا، والماضي قد رَحل، وقد تواعدنا مع أفق الفجر الجديد.♥》
.
أبو علي..ليش محجيتو علمود نأخذه للدكتور
أم علي..للعصر نأخذه
.....
وديان..للعصر ما نزلت حرارته كمت كعدته أريد أخذه للحمام
وديان..علي عليييي
علي..أمممممم
وديان..عليييي
علي..أمممممم
وديان..رحت عليه رفعته افف شكد ثكيل يربي كوه كومته واخذته للحمام فتحت مي بارد تبللت اني ويا بس احسن وهوه يدردم لأن باردة شالي وكع
علي..باارده ولج خل اطلع
وديان..لا متطلع أبقى
علي..ولج باردة
وديان..أششش عيني تحمل سكتت علي وره ربع ساعه هيج عشرين دقيقه طلعته وكعدته على كرسي حتى لا يتبلل فراش وطلعته هدوم تراك ملابس داخلية خليتهن يمه وكتله انته وكاعد بدل وإني راح ادخل للحمام أخذت ملابس وبدلت وطلعت لكيته مبدل أخذت هدومه خليتهن بسله وأخذت للفراش جان كوه وأكف نشفتله شعره بل خاولي ومدد وغطيته وشوية وغفه وجان وكت غروب كمت توضيت وصليت وكملت شفت حرارته احسن من قبل شويه نزلت جوه لكيت البنات وعمتي بل صاله وعمي وعمار بس أمير طالع دخلت وكلت
وديان..السلام عليكم
ردو..وعليكم السلام
أبو علي..ها بوية شلون صار
وديان..بخير عمو نزلت حرارته ونزلت أسويله أكل
أم علي..عفيه عليج بنيتي
وديان..عذريني عمه ما ساعدكم بل غدة بس العشة اني اسوي
أم علي..أبد والله سوي لرجلج وبس ماتمدين ايدج على شي
رنين..أي حبيبه احنه نكفي ونوفي
وديان..تسلمين وبهل أثناء دخل أمير وكال
أمير..السلام عليكم
ردينة..وعليكم السلام
أمير..أي مرت أخوية سمعت علي مريض
وديان..أي والله سودة عليه كلش مصخن وكوه نزلت حرارته
أمير..لتخافين كلشي مابي مثل حصان بس حاب يدلل على مرته معوز حنان عرج ميطبه
أم علي..ولك يمفجوع بيش طالب الولد فك عنه يمه كومي لرجلج
وديان..أي عمه كمت وسويتله شوربة خضار واخذتهه جان نايم كعدته وبديت أوكل بي كوه كعد وكوه أكل موتني نحس كمل ونزلت صينيه وغسلت اماعين وصعدت هم نايم كعدته شربته علاجه ورجعت أسويله كمادات ومادري بروحي غفيت وإني كاعده خاله ظهري على الميز البصف جربايه ومددت رجلي وغفيت
...............
علي..بعد كعدت وتريكت بل كليه محسيت براحة وجسمي يوجعني رجعت للبيت لكيت وديان كتلهه حنام لتكعدوني كالت حاضر وصعدت بس حطيت راسي بعد ما محسيت غير على وديان كاعد تشربني علاج وإني بحضنه وايدهه طخت شفتي فررحت حيل ورجعتني ونمت وضلت تسويلي كمادات أحس بل برودة نزلت وردت صعدت سوتلي كمادات وإني نايم بس برودة أحس وراها كعدتني وكومتني وسمعتهه تكول افف شكد ثقيل ضحكت بداخلي عليهه اخذتني للحمام وكع شالهه بووويه مو شعر طركااعه كل هاذا وهيه لازمتني وتمشيني طبينه للحمام والمي بارد متت ومتقبل تطلعني وتكلي عيني يمه اذا عينج نيالي😍طلعتني وطتني ملابس وراحت تبدل ورجعتني لفراش ونمت وردت كعدتني وكلتني بيدهه شوربة بس شكد طيبه وطتني علاج ورجعت نمت للصبح كعدت راسي طبل باوعت ماكو وديان داكوم جان اشوفهه بل كاع وبله غطه وهيه وكاعده غافيه يمه يحبيبتي شكد تخاف عليه شفت بعيونهه خوف البارحه كعدتهه وديان وديان
وديان..همم
علي..فتحت عينهه وتفرك بيهه مثل الأطفال كامت وكالت
وديان..كعدت صبح على صوت علي وإني اخلي أيدي على كصته وخدوده بعفوية صباح الخير شلون صرت
علي..صباح النور زين الحمدلله ليش نايمة هيج
وديان..أسفه مادري وغفيت
علي..ماكو داعي تعتذرين بس غير تتبهين لنفسج يلا ننزل جووعان
وديان..أي يلا
علي..وره مكعدتهه كمت داغسل وابدل هيه نزلت قبلي كملت ونزلت لكيتهه محضره الريوك أشكال وحليب مسويه أول منزلت وكعدت جابتلي حليب🍶
وديان..تفضل ومددت الحليب
علي..شنو هاي (بيبسي شبيك😒صدك مصخن)
وديان..حليب تفضل
علي..كل عقلج
وديان..أي نعم
علي..روحي باباتي لا اخلي بمممه واشربه الج
تريد ترد ونزلو أهلي امي و أبويه وعمار وأمير وكالو صباح الخير ردينة صباح النور وكعدو على سفره جان تكول وديان
وديان..عمو شوف علي ميقبل يشرب حليب والبارحه جان مريض
أبو علي..علي اسمع كلام مرتك وتشرب يلا
علي..يأبه صدك تحجي (اشرب فضهه كلهم يشربون حليب حتى بابا ما تكلي هو حليب😠)
أمير..يل يل طفل اشرب حليب بس مرت أخوية قصرتي مخليتي بل ممه
وضحكو كلهم
علي..أمير كافي شهل حجي
عمار..علي اشرب يلا عاد فضنه
علي..جيبي وامري لله واحسابج بعدين
أبو علي ..جرب احجي وياها كلمة وشوف
علي..من أبويه حجه باوعتلي بنضره انتصار بس اني اعلمج سهله راحت هيه للمطبخ واحنه كملنا وقبل ما اطلع جابتلي دوه وشربتني أخذت بدون نقاش وطلعت
.................
وديان..كعدنه الصبح ونزلت حضرت ريوك وسويتله حليب كوه قبل يشرب لو ما عمو والولد بس اتحلفلي بكتله خفت منه بس عمو دافعلي وره مكملو طيته علاجه وطلعو كمت نضفت وحضرت الغده سويت تشريب لحم وتمن ولبن وكعدت هبة هم من صبح نضفت وياي وغسلت ملابس راحت تغسل الطرمه وإني كملت الغده كمل كلشي صليت وأجو الولد وعمي وعلي صبينه غدة وتغدو اني أكلت بل مطبخ شويه بعدني أخاف بفشلني على غدة سمعت عمي يكول بأجر جمعه نطلع للبستان احنه وبيت عمكم كلمو غدة وديت الجاي وعلي كالي جيبي جاي فوك هديل بقت تغسل اماعين وإني رحت فوك
.................
علي..طبيت للبيت ادور عليهه وصبت غدة شفتهه كلبي ارتاح بس بعدهه تخاف تكعد يمنة تكمل الغده وتفلت صبت الجاي كتلهه جيبي فوك وصعدت وره شويه هيه طبت عبالهه ناسي سالفة صبح وعقابهه كتلهه
علي..وره ماطلعت الصبح نمتي
وديان..هاا لا والله ضليت انظف
علي..كمت عليهه وكمت اتقرب وهيه ترجع كتلهه صببح شنو سالفة الحليب ها
وديان بخوف ومرتبكه..هاا والله مو هي اني جنت
علي..شفتهه تخربط بل حجي متت ضحك بداخلي سويت روحي عصبي
علي..احجي جملة مفيده مو هيه شنو هل كلام
وديان..والله مااقصد شي بس انته مريض
علي..ها مريض كتلهه بس متفلتين من العقاب جان أنزل رأسي يم خدهه وبستهه من خده يمه كيكة كيمر مو خد سحبت نفسي شفتهه على صدمتهه حتى رمشهه ما تحركه رحت كعدت على سرير كتلهه تعالي نامي شويه مردت صحت بعصبية موو وياج هيي هيه فزت وكالت هو وخاله يصيحوني وراحت ركض من طلعت فطست من الضحك ونمت
.................
وديان..طبيت طيته جاي سئلني نمتي ورأي ورديت عليه شو كام عليه يمشي وإني ارجع لحد ما لزك بل حايط كلي على مود حليب والعقاب كلبي وكع كلت اكيد راح انكتل صار تقريب شهرين مرتاحة محد يكتلني اليوم راح انكتل شو هاذا باسني بخدي خربط احوالي لو كاتلني ارحم صدمني كمت لا اهش ولا انش جمدت حجة وياي مرديت صاح بعصبية فززني كل كتلهه عمو وخاله يردوني واافلتت لغرفة هديل طبيت جانت دتنام كالت
هديل..ها
وديان..ها
هديل..هااااا؟
وديان..هاااااا؟
هديل..تره انتي بغرفتي
وديان..جيت انام يمج مردت ازعج علي
ورحت بصفهه ضلينه نسولف على مدرستهه وعلى صديقاتهه وغفينه بحياتي مصار عدي هيج أخت وصديقه كلش حبابه وتضحك رنين عكسهه هادئه منسمعله شي نزلت للمطبخ وجان تجي هديل تكول
هديل..دندونه
وديان..عيوني
هديل..بأجر يجون بيت عمي ونروح للبستان
وديان..أي سمعت عمو كال هله بيهم
هديل..ماشي بس ديري بالج من زينه بت عمي لاتحتكين بيهه لا خاله عينهه على علي
وديان..تحبه؟
هديل..لا لس تحب تفيك لأن يدرس طب كل ضنهه ياخذهه لأن دكتور وابن عمهه
وديان..هوه يحبهه؟
هديل..لا يتخبل منهه لأن لازكه بي
وديان..هااا
هديل..يلا اني اروح ادرس
وديان..ماشي
مر اليوم عادي كملنا عشه وكعدنه نسولف اني وهبه وهديل ورنين وعلي كعد من العصر وطلع ومااجه على العشة صعدو نامو وإني هم صعدت فرشت ونمت صارت تقريبا ب12 كعدت على صوت بل غرفه طلع علي كتلهه ................
.
انتظرو في بارت قادم😊
أنت تقرأ
أوجاع الحياه
Romance(هل هناك وجع أقسى من أن يقف الكلام بين فمك و حنجرتك أن أظهرته ندمت وان أبقيته تالمت😔) هل انتهيت انت، ينتهي وجعي #وديان،علي
