#_حارسى ..🔥
للعلم منقوله "amona 🔥"
الحلقه3
...
رغد غسلت وجهه بالميه المسقعه وقعدت تفكرر كيف حتطرده😪
وشويه وطقطق الباب
رغد : تفضل
خشت ساره: رغودتى❤
رغد ساره وجت حضنتها
ساره: خيرك مضايقه في حاجه
رغد تنهدت : اى فى
ساره : احكيلى
رغد حكتلها
ساره : متقوليش هو نفسه يلي واقف البره
رغد : كيفففف
ساره:اي واقف البره تعرفي طرف يهبللل
رغد طلعت بعصابيه : شن ايدير البرره
يوسف بدون ميشبحلها : خدمتى
رغد خشت وهيا متعفلقه
ساره: اهدى
رغد :شن دخلههه في حياتي
ساره: بوك مكلفه😪
رغد: والله لما يشوف لما نكرهه في حياته
ساره : بس الولد باين عليه كويس
رغد : ساره انتى معاه ولا معاى
ساره: معاك ل موت اكيده
عند يوسف نزل ل غرفه ميرا
يوسف طقطق
ميرا: تفضل
يوسف: اسف ع الازعاج بس لو فاضيه نبيك شويه
ميرا ابتسمت: تفضل ❤
يوسف: لو في مكان تاني خير
ميرا : خلاص في الحديقه ندير قهوه ونجيك هى
يوسف: تمام وطلع
عند رغد
ساره : معش كلمتى محمد
رغد وهيا تاكل : لا
ساره: امم وعلاش
رغد: معش فضيت
ساره: بتطلعى اليوم
رغد : منعرفش احتمال
ساره: المهم ديري باالك من روحك ❤
رغد : انشاء الله
ساره : كيف حتطرديه 😩
رغد: مش عارفه قاعده نفكرر 😪
ساره: نقولك حاجه ومتفهميش غلط
رغد ابتسمت: قولى
ساره: الولد باين عليه كويس ومتفاهم وشكله مش متع بنات
ممكن لو تعامليه كويس حيعاملك كويس
رغد : يصير خير 😬
ساره غيرت الموضوع: وين المسطول 😂
رغد: ههههه معش شفته منين مكشخ عليه يوسف😂
ساره: ههههه عنده حق هو قدامه فار 😂
رغد قعدت تتذكر في ملامح وجه يوسف لما كان متعفلق : صح يخوف
ساره: اووو نونو
رغد ضحكت: خيررك
ساره: انتى تخافى من حاد!! 😳كيف جت هاذي😂
رغد : 😑
ساره: تنكنب في التاريخ😂😂😂😂
رغد قعدت تضرب في ساره بشويه: مبردك خلاص اسكتى🙂
ساره: ههههههه رغد يلي ميخوفها شى خوفها يوسف😂😂😂😂😂😂😂
رغد : ساره😐
ساره: ها سكتت😂
عند يوسف
ميرا قعمزت: هي تفضل يا ولدي بشن نقدر نساعدك
يوسف وعيونه ع الارض : سمعت انك انتى يلي ربيتي رغد
ميرا: اي انى
يوسف: نبي نعرف اكتر عليها
ميرا : رغد من مكان عمرها سنتين امها توفت انى يلي كبرتها وعلمتها ربيتها ع الدلع ويلي تبيه تاخده وتربت في بلاد اجنبيه تعلمت منهم كل شى لدرجه معش قدر حد يتحكم في لبسها ولا يتحكم فيها
يوسف: ايي
ميرا تنهدت: فقدت حنان الام وحنان الاب وهو عايش ، د سامى ميجيش الا مره بعد 6شهور ومرات مره في السنه مش مهتم بيها هلبا خدمته خلاته مش شايف حد 😪
وهاذا يلي خلا رغد توصل ل المراحل هاذي بدت عصابيه هلبا ومتحبش حد يتحكم فيها بدت انسانه قويه وصلبه من البره بس في داخلها لا في داخلها شخص يبي اهتمام يبى حب قدرو هلبااا يستغلوها من النقطه هاذي
يوسف رفع حاجبه: تقصدي ساره!!!!!
ميرا: لا ساره غيرر ساره البنت الوحيده يلي حبت رغد بعيوبها وتحملتها ❤
يوسف ابتسم
ميرا: اشخاص تانيين حبوها ع خاطر فلوسها بس
يوسف: وتوه قاعدين معاها ؟
ميرا: ع ما اعتقد لا
يوسف: امم
ميرا : يوسف البنت طيبه وكويسه بس فقدت الامان يلي كانت تبيه ياريت تعاملها بطيبه وتوريها الصح من الغلط
يوسف : انشاء الله
ميرا ابتسمت: اني حكيتلك كل شى يخصها لانى واتقه فيك انك حتغيرها❤
يوسف ابتسم ..
بعد مرور ساعتين كانت ساره مروحه لقت يوسف
يوسف: ساره
ساره: تفضل
يوسف: شكرا
ساره باستغراب: ع شنو
يوسف: انك مخنتيش رغد وحبيتيها ع خاطر فلوسها
سااره ابتسمت: اختى هاذي ... والشكر ليك انت يلي تخدم في خدمتك بقلب ورب ❤
يوسف ابتسم وكيف بيمشي
ساره: يووسف
يوسف : نعم
ساره: رغد بنت كويسه متشوفش منظرها الخارجى ، صاحبها متمتلكهاش كون زي خوها هكى حتحبك وحتسمع كلامك
يوسف: انتى وعلاش مقدرتيش تغيريها؟
ساره : حاولت لاكن مقدرتش 😪
يوسف: خليها علياا
ساره: وانى واتقه فيك لهاذا احكيتلك
يوسف ابتسم ومشى
بعد ساعتين❤
عند رغد لبست شرط قصير وتيشرت ابيض قصير وفتحت شعرها وطلعت لقت يوسف واقف وجت بتمشى
يوسف شبحلها : خشى البسى حاجه مستوره بعدين اطلعى
رغد بنفاد صبر : ولوووو مش حنخششششش
يوسف دفها وخششها ل الذار : متعانديش
رغد تتنفس بقوه: انت حاارس لياااا بسسس من انت لتدخل حتى بالبسى
يوسف شدها من ايدها ويضغط عليها وبصوت يخوف: انتى في امانتي توه نبيك تكونى في احسن صوره وكللل يلي حديريه حينكتتتب علياااا بتسمعى كلااامى واطبقيه ولو متبيش اقعدى هنى مفيييش طلوع ومش حيقدر حدد يطلعككك
رغد قعدت تشبح ل عيونه: يوسف ايدى 💔
يوسف رخاها وهو يساوى في جاكيته: البسى حاجه مستوره واطلعى
رغد قعدت شاده ايدها وطلعت توب طويل لبساته وطلعت
يوسف ابتسم بخبت: اصبرى
رغد بعصابيه: شنن مزالتت
يوسف وقف قدامها وشدلها شعرها بحنيه وقامه وغطاه بالطربوش
رغد تشبحله وريحته مدوختها 🔥
يوسف: هكى احسن ...
رغد : ...
...
رايكم ❤ تفاعلو
#ردينه_محمد (Rode ) 🔥
"🔥amona🔥"
لوتبو حلقه تانيه اليوم صوتو +علقو ☺❤🔥
