#_حارسى 🔥
الحلقه9 ..
..
سامى : نبيك تباعدى ع يوسف
رغد : وعلاش
سامى تنهد ونزل راسه : كلمه ونفديها
رغد : مش حنفدها
سامى : رغد متعانديش
رغد وهيا تبكى : يوسفف ولد كويس والله ما زيهم عشت احلا 4 شهور في حياتى معاه😭 شوف ها خلانى نشري حوايج طوال ومستورات وخلانى نصلى ونتحجب وو خلانى ندير هلبا حجات اعتنى بيا كأنى بنتههه مستحيل نبعد عليه وغير هاذا كله عالجنى من شى مقدرتش عليه انت و..
سامى قاطعها : رغدددد باعدى عليه يعنى بتبعدى عليه
رغد : مستحيلللل 😭 يوسف مش حيضرنى
سامى قرب ليها وشدها من كتافها وقعد يهز فيها : حيضرركك لما يعرف ان انى يلي قتلت بوه
رغد : كيفف😳
سامى : اي انى قتلت بوه وخديت كل ممتلكاته
رغد قعدت مصدومه
سامى : غرتنى الفلوس وقتلت صاحبى
رغد دفت سامى وقعدت تعيط : انت مجرم حوول حوول انت خايف من الناس علياا انت يلي تخوف ومتخافش من ربى محمد وحاتم انظفف منككك 😭😭 حوول باعد من عليا 😭
وقعدت تبكى وضامه روحها وسامى طلع 😪 وشويه ونزلت ل يوسف
رغد : يوسف
يوسف نزل عيونه وكان الباين عليه متعفلق: شنو
رغد :كيف حال امك
يوسف : تمام
رغد قربت منه وحطت ايدها ع كتفه و يوسف باعد وتلفت
رغد نزلت ايدها: يوسف فى حاجه مضايقتتك !!
يوسف : مفيش
رغد حست بان يوسف مضايق ومتغير : تصبح ع خير وركبت
يوسف تنهد وحط ايده ع وجهه: يارب صبرنى وخلينى نختتار الصح
تانى يوم
رغد ناضت وراسها يوجع فيها من كتر البكى صلت ونزلت ل غرفه الاكل
سامى: صباح الخير
رغد قعدت ادور بعيونها ع يوسف لانها كانت متعوده تفطر معاه شافت ل مالك ومعطتش وجه لبوها: وين يوسف
مالك: خدى اجازه اليوم بيشوف امه
رغد : به تمام وطلعت
سامى حط فنجان القهوه: اخخ يارب
رغد ركبت ل دارها اتصلت ب يوسف مردش عليها خشت تتريض😪
عند يوسف
كيف خش ل العياده شاف احمد واقف سلم عليه
احمد: يوووسف
يوسف : كيف حالك
احمد: الحمد لله وانت
يوسف: ماشيه
احمد: فى حاجه
يوسف تنهد: متفكرش فيا امى وين ؟
احمد: الذاخل
يوسف ناض خش
يوسف: امى❤
ام يوسف(كريمه) : وليدى
يوسف قعد يشوف ل حالته امه يلي تقطع القلب وجي قعد يبوس ع ايدها وراسها ويبكى
" كل شئ في الدنيا يقدر الانسان يتحمله الا موت امه بالشعره قدامه "
كريمه : ولدى استحشتك اشش حالى باهى معش تبكى ومسحت دموعه
يوسف : انشغلت عليك يا امى سامحينى
كريمه حطت ايدها ع خده كيف ميحط يوسف ايده ع خد رغد : اشش انت في بالى وفى عقلى و حنانك وعطفك واصلنى و احمد قايم بالواجب ميخليش فيا ديما معاي
يوسف: معتبرك امه ❤ الله يرحمها امه ويوسع عليها
كريمه؛ وهو زيك بزبط مافيش فرق بينكم❤
احمد خش
كريمه : ولد الحلال عند ذكره يبان 😂❤
احمد قعد يشبحلهم ويضحك : حسيت كتافى خفووو انى نقول من مبكري😂
يوسف وكريمه: 😂😂
وقعدو يهدرزو ويضحكو ويوسف تفكيره كله في رغد
في اليل
احمد ويوسف طلعو من الحجره
احمد: يوسف
يوسف: نعم
احمد: فواتير امك كلهم مخلصه
يوسف: كيففف
احمد: وحتى سفرتها واتيه
يوسف: ومن يلي دفع
احمد: سامى يلي تخدم عنده
يوسف: شننننو
احمد: اي يلي سمعته
يوسف حط ايده ع وجههه : امتى صار وعلاش محكيتليش
احمد: بلاهى من هو اماله يلي نكلم فيه يقولى مش فاضى يوسف تنهد
احمد : 🙂
يوسف كيف بنتصرف انى
احمد : خليك عاذي
يوسف: يصير خير هى تصبح ع خير
بعد نص ساعه روح يوسف ورغد شفاته من دارها نزلت تجرى
رغد : يووسف يوووسف
يوسف شدها من ايدها ولسقها ع الحيط : مشش قتلك معش تنزلى هكى باش تفهمي 😡
رغد قعدت تشبح ل عيونه : يووسف ايدى
يوسف رخها: اصلا معش دخلنى فيك وركب 😪
رغد قعدت مصدومه من ردت فعله وقعدت تفكرر في مليون حاجه 😪
ومرتت اياااام ورغد تحاول تقرب من يوسف ويوسف متجاهلها ومش معدل عليها يلي بديره اديره والشى هاذا قاتلها مش مخليها تعيش ولا تفكر في شئ تانى عذا هو واخد بالها وتفكيرها ادمناته بمعنى الكلمه 😪
عند رغد قعدت تفكر في يوسف وتدوى بروحها
رغد : زعما يمتل ؟ به وعلاش اصلا مستحيللل يوسف يمتل عيونه ومواقفه دقول لا ت شننن تخرفى يارغد اكيده عنده ضرووووف امممم عندى فكره انوض نديرها ونشوف ناضت لبست بدله السباحه وفتحت شعرها كانت تبي ادير اي شئ لتخليه يعبرها 🙆
ونزلت تعووم وشويه وشافت يوسف جاى
رغد :يوسف
يوسف معبرهاش
رغد طلعت من الحوض وجاته تجري بعصابيه: يوووسف
يوسف كمل طريقه ولا كأنه سمع حاجه
رغد شداته من كتفه وولفاته بعصابيه: يوووسف نكلم فيك خيرك متتردش
يوسف شدها من خصرها ودفها ع الحيط وقرب ليها : متحاوليش تغلطى رغددد
رغد : لانك هكى بس حتعبرنى
يوسف : ومن قالك من قبل معبرك انى
رغد قعدت تشبحله؛ يعنى كنت تمتل
يوسف رفع حاجه : اي نمتتتل لان مفيش حللللل غير هاااذا
رغد : تكذببب
يوسف ضحك ع الجنب : جيبلي اتبات
رغد دمعو عيونها وحطت ايديها ع لحيته وهيا تبكى : مستحيل كنت تمتل حنيتك و عفاويتك ومواقفك وعيونك مستحيللل يكذبو 😭😭
يوسف وخر من عليها : كلللة كذببب كله تمتيلللل لحتى نطلعك من حالتك النفسيه بس درت هكى 😡
رغد قعدت تمشى بخطوات بطيئه ليه ومتوتره : لاااا مستحيل تكذب اكيده فى شئ صاير
يوسف: هههههه شن صاير متلا 😂 ضحكتينى
رغد مسحت دموعها ورجعتلها قوتها : صدقنى يا يوسف حنخليك تندم ع كل شئ قلته رغد القديمه رجعتتت واقوه من قبل
يوسف دفها ع الحيط وحط ايده بجنب وجهها : مش انى يلي يتحدونى ره نقدر نقتلك وندفنك وانتى واقفه و...
رغد قطعت عليه وحطت صبعها ع فمه : قبل لتقتلنى نقدر نغريك ونخليك تتمنى ضحكه منى وغمزتله
يوسف تعفلق : الايام بينا ونشوفو
....
رايكم
رجعت الحرب من جديد🔥
زعما شن يلي حيصير!!!!! وشن قصه يوسف وعلاش تغيرر ؟
طبعا الحلقات قصيرات بحكم المواقف وهلبا حجات كانت في بالى اختصرتها لان لو حطيتها حتكون ممله
غدوه حنعوضكم بحلقه طويله❤
آسفه ع التأخخير❤
تفاعلو
# امونا - العقوري (amona⛄❤ ) 🔥
