التصووووووويت لا تنسوو
بالباررررت
تفاعلو رجاءاً رجاءاً
#قواعد_عشق_اليتيم
#للكاتبة زهراء حسن الراوي
#البارت ١٦
هزاع : بت الكلب لسانج صاير اطول منج
ازل : اني شكلت انت صارلك مده مدري شبيك كالب وجهك علية
هزاع : يعني شتردين بالضبط اشو بس اتقربلج اضلين ترافسين
وتبجين شون يعني اكضي حياتي هيج
ازل : اني قبل لا اتزوج شرطت هذا الشرط ليش هسه كلبت خلينه
مثل الاصدقاء بعدين روح تزوج ياهو لازمك
هزاع : اصدقاءء؟؟؟!! وروح تزووج ؟؟! ازل انتي شنوو ببالج هاا
شنوو قابل رح تضلين طول حياتج هيج بدون زوج بعدين منو كلج
رح اضل عليج انه من هذا الاسبوع اجيبلي مره
ازل : حجيتها هيج بس متصورته رح يتزوج صدگ اصلاً
انصدمت شبي ليش هيج يتعامل وياي اشو جان يحبني شلي غيره
يالله ضليت اقنع نفسي انو كذب بس يقهرني
لا لا ميتزوج لو يريد جان تزوج من زمان
زهراء حسن الراوي
مر اسبوع وطول هالفتره ميحجي وياي ومن ندخل للغرفه يروح ينام
على التخم واني ابدل واعدل وامكيج واكسخ وهو يضل يباوع بس
ميجي يمي ابد يسوي نفسه يباوع للتلفزيون
بيوم جنت كاعده بالمطبخ افرم سيبانيغ (شبزي) وسمر تسوي حلاوه
كانت الساعه ب٣:٣٠ الظهر سمعنه صوت سيارة هزاع بره راحت
سمر تفتح باب الگراج وره ١٠ دقايق اجت لونها مخطوف وبوجها قلق وحيره
ازل : شبببيج سمرر
سمر : ااا ءءءء ه ه هزاع بالاستقبال
ازل : اي شنو يعني
سمر : ه هزاع وي زوجته
ازل : ه هاااا شنووو ؟؟؟؟!!!
سمر : ما اعرف شنو كاعد يصير شنو كاعد يخطط هزاع
ازل : عفت الي بيدي ورحت غسلت رحت للاستقبال وسمر وراي
اول ما دخلت باوع هزاع وامه والجده ونجلاء وادياروالبنات هنه
جانن كلهن موجودات بالاستقبال ونجلاء وجها احمر وجانت اكو
بنية يطلع عمرها ببدايه ال٣٠ ضخمه حيل جنها رجال بيضاويه
عيونها لوزيه سود وخشمها صغير بس حلكها مسح بس بياضه
مغطي عليها صغرت عيونها وكلت
منوووو هااي
ام هزاع : يمة حدري هين يمي خلي احجي وياج
هزاع : صابرين زوجتتتي شنوو عندج اعتراض
أنت تقرأ
قواعد عشق اليتيم
Romantikفتاة يتيمة الابوين تصبح كورقه ربح بيد زوجة ابيها لتجعل منها عاريه الشرف فكيف تتماشى هذهِ الفتاة حياتها وتتخلص من ظلم زوجة ابيها وكيف تلتقي بمن يجعل لها طريق للعبور وتتخلص من الظلم وهل سيعرف بماضيها ام تخبئ عنهُ بقلم زهراء حسن الراوي
