قواعد عشق اليتيم

البارت الثاني (٢)

لا تنسون التصويت رجاءاً
اريد تفاعل وي البارت حتى انزل الكم باقي البارتات
#قواعد_عشق_اليتيم
#للكاتبة زهراء حسن الراوي
#البارت ٢

😐😐😐

الدكتور : بس للاسف هي فقدت وحده من كلياتها وانت تعرف

اضافه الى هذا الشي عدها ضعف بكليتها الثانيه لذلك هي تحتاج

لعنايه وراحه حتى تسترجع قوتها اني رح اكتب لك على علاج

تستمر عليه وان شاءالله تصير احسن وتكدر اطلعها حالياً

هزاع : دكتور  بس هي وين هسه اكدر اشوفها

الدكتور : موجوده بغرفه رقم ١٠٧

هزاع : مشكور دكتور

سلمت عليه وطلعت وانه حاير شنو رح اكول لاهلها هذول

حتى فصل هسه ما يردون اذا بتهم بهيج حاله

رحت ادور على غرفتها لحد ما شفتها دكيت الباب ..

زهراء حسن الراوي
______________________

ازل : هفففف ليش هيج ربي جان اخذت امانتك وريحتي من هالعيشه

الخايسه بله هسه اني اذا طلعت وين انطي وجهي اكيد نوريه رح تموتني اذا رجعت

يااااا وليش تموتني شنوو هو غير بيت ابوي ومسجله بأسمه يعني ميحقلها اطلعني

لا لا لا اذا رجعت رح تخلي واحد من الساقطين مالتها ينام ويايه

ضليت حسبه توديني وحسبه تاخذني ومحتاره شسووي
بس مستحيل اكدر ارجع الها

هففف استغفر الله غير لو اعرف خوالي وين جان رحت ولا هالذل

حتى لو ميردوني اصير خدامة الهم ع الاقل خوالي اهل امي ولا

نوريه الكح...... ضليت احجي وي نفسي لحد مسمعت الباب تندك عبالي الممرضه كتلها

دخلي

ضليت اباوع على ايدي وكتلها عفيه ايدي من مساع دتوجعني ليش
رفعت راسي وباوعت بصدمة ...

هزاع : بعد ما دكيت الباب سمعت صوت كالت دخلي عبالها الممرضه

اول ما دخلت شفتها مدنكة راسها وتشتكي من الم ايدها

السلام عليكم

ازل : بصدمة اهلاً ءءء وعليكم السلام (لعبت نفسي من شفت واحد

من جنس ادم كبالي اكرهمممم حييل ) انوب لابس زي عسكري

شكله ضخم حيل وعنده  كرش وراسه بي شعر قليل