كرامتي

الحلقة الاولى من رواية كرامتي

السلام عليكم اني الكاتبة اية اول مرة نشاركم بي رواية ونتمنى تعجبكم و حنفرح لو لقيت تفاعل منكم ونشاركم بي اكتر من رواية لو عجبتكم روايتي
الرواية اسمها كرامتي
بطلات الرواية رهف وهيا تحب اليوتيوب هلبا واي حدث من حياتها تشارك فيه على يوتيوب
اما حلا فهيا تحب تستكشف المجهول هلبا يعني تحب تغامر وتحب التشويق
اما اية فهيا تحب الكتابة وتحب تقرة وتحب وامنيتها تكون كاتبة كبيرة ومن هني تبداء القصة ونسيت نقوللكم ان حلا واية ورهف صاحبات العمر مع ان مجالاتهم وتفكيرهم مختلف لاكن ديما مع بعض وكل وحدة فيهم تكمل التانية وهما عايشين مع بعض مواليد رهف 1998 وحلا 1999 واية2000
ومن هني تبداء القصة
اية صباح الخير
حلا ورهف صباح النور
اية شن رايكم اليوم نطلعوا لسوق حلا به عادي
رهف ايه مش نصور ونزلهم في السوشل الميديا
حلا : هدا يلي فالحة فية
رهف : عندك مانع
المهم طلعنة لسوق مع بعض وشرينة بضاعة هلبا لان كان عندنا عرس قريب كان عندنا عرس صاحبة حلا وهيا صاحبتنة حتى لاكن تعرفنا عليها عن طريق حلا
وحني طالعين
حلا: جعانة شن رايكم نمشوا للمطعم #***#
اية: باهي عادي
رهف ايه مش انزل الصور في السوشل ميديا
اية وحلا في صوت واحد : سادك من التنزيل
رهف: انتم شن يفهمكم هادي هواية
وركبنا لسيارة ومشينية لي مطعم#***#
المهم كلينة ورهف صورت
مشينا للحوش ووحني متعودين في الليل ناكلوا شاهي وكاكوية وتشبس ومقرمشات وهكي يعني كليناهم ورقدنا
تاني يوم مشيت اني حلا ورهف للجامعة
واني كنت نكتب في كتاب قريب نكملة يعني في نهايته
كملنة المحاضرات وطلعنة من الجامعة مشينة للكافيتيريا كان في الجامعة فيه ولد ديما لما نمشي والي نجي يشبحلي يعني حاط عيونة عليا واني مش عايرته اي اهمية يعني حسيته عادي زي كل المعحبين لاكن طلع مش زي كل المعجبين طلع ذئب بشري في يوم من الايام وحني ماششين للجامعة بعد ما وصلنة رهف داخت علينا لانها كان ليها يومين مش واكلة مفهمتش خيرها رفعناها لي المستشفى على طول
حلا: يارب ميصيرلهاش شئ يارب يارب كون معاها طلع الدكتور
اني وحلا : يا دكتور طمنا رهف خيرها
الدكتور : لا اطمنوا مافيها شئ هبوط بسيط
اني :الحمدالله رهف بخير
حلا: امتة نقدروا نروحوا بيها
الدكتور: تقدروا تروحوا بيها اليوم
المهم ررونة بي رهف
وروحنة رقدنة
اليوم التاني كانو مدايرين حفلة في الجامعة
وتينا روحنا كنت لابسة سروال ابيض وسوية بيضاء وفوقها جاكة كحلة وشنطة كحلة وسبيدروا اكحل ووشاح اكحل
اما حلا: كانت لابسة سروال ابيض وسوريا سماوية ووشاح ابيض وسبيدروا سماوي وشنطة سماوية
اما رهف : كانت لابسة سروال ابيض وسوريا بودريا ووشاح ابيض وسبيدروا بودري وشنطة بودرية
وركبنة السيارة ومشينة للجامعة
حاول الولد يلي حكيتلكن عليه حاول ييتحرش فيا لاكن اني درت حركة دكية وصورته لان هوا واحد مهم وعيلته مهمة الحركة الدكية يلي درتها هيا ان صورتة وهوا يحاول يتحرش فيا لان هوا انسان مغرور وشايفة روحة حاجة كبيرة وهدته وقتلة يا تتأسف مني قدامهم كلهم يا حننشر الفيديو ومتنساش ان صاحبتي يوتيوبر يعني في رصة كنت نقدر نوديه في داهية المهم هوا وافق وجي في الحفلة قدام الناس تأسف مني لاكن شن تتقع اني درت لما هوا اتأسف اني مسامحتاش يعني دليتة مش يتعلم كيفةيتحرش ببنات الناس يعني هيا مش سايبة المهم هوا في قلبة يقول هادي خيرها دارت هكي لاكن انا مش حنسكت المهم روحت وحكيت الموقف لي صار معاي لي صاحباتي
رهف : احسن حاجة صورتيه مش يتهدد صح
حلا: يستاهل مفروض درتي اكتر من هكي
وبعدها تلفوني شرين
رهف: مني
اني: رقم غريب اول مرة نشوفة
حلا: ردي شوفيه مني
اني : الووو
كلمني واحد وقالي تو تشوفي حاجة متعجبكش وسكر على طول
حلا: هادا شكلة نفس الولد هداكا
اني: يعني شن بيدير خليه تونشوفة الصبح شن بيدير
رهف: خلي توا نرقدوا وغدوا ساهل
ورقدت واني نفكر بالموضوع ونقول في قلبي زعما شن بيدير وزعما بنفد تهديدة
حلا: صباح الخير
اني ورهف : صباح النور
ونضت غسلت وجهي وبدلت حوايجي ومشينة للجامعة
لقيت الولد قدام باب الجامعة
اني: يارب هدا خيره عاصبح
وخشيت واني نفكر في لكلام يلي قالة
وبعدين تلفتت لقيتة مهناش
وحضرت المحاضرة وبعدين مشيت للكافيتيريا اني وصاحباتي شوية لقيته في الطاولة يلي بحداي اني نخست رهف وشبحلي واني درت روحي مندريش عليى مش معبرانة
وروحنة خطمنة على الشط شوية وروحنا وهوا مدار شئ في الجامعة
يتبع""
زعما شن بيصير فيا وهل صح هوا نفس الرقم وهل حاينتقم مني تابعوا الرواية ولو لقيت تفاعل بنكملها♥
للكاتبة اية الطياري