مابين الماضي والقدر

مقدمة...

أ كان؟؟..
في حين ان كل قصة تبدأ ب كان ياما كان في سالف العصر والاوان كان...
الا هنا...
والا الان...
كان ولازال.. الزمان الذي لم يعرف الا وداع
الا غصة ونظرة خداع
وما بين سقوط وارتفاع
ورضوخ وانصياع
وعالم يغلبه الضياع
فتاة ذاقت كل الاوجاع
حتى ضاقت عليها الدنيا ولم تعرف اتساع

الحياة مابيها انصاف وماتعدل
والقدر يحكم والغريبة تشوفنا رغم كلشي رضيانين
وبعد كلشي مستمرين
ولا يوم وقفت بينا الدنيا واخذنا استراحة
نضل نمشي باتجاه واحد والنهاية بعيدة
ولأن ماكو عدل.. بالغالب تكون مو سعيدة

اترككم مع احداث قصتنا الي انطبعت على جدران ذاكرتي
وما كان مني الا ان ارويها بتفاصيلها والقلم بيدي
والسرد لصاحبتها..

كان الجو بارد..
والدنيا تمطر والكل ببيوتهم دفيانين
الا طفلة بعمر الاربع سنوات
تركها عمها بباب ميتم ميريد يتحمل مسؤوليتها
مجان عنده حتى الجرأة يطب يسلمها بنفسه
تركها برا بالمطر وراح
وهي تباوعله متدري انه مراح يرجع
جانت هاي اخر مرة تشوفه بيها
..
مرت سبع سنوات وهي عايشة بالميتم
صار عمرها 11
والقسوة الشافتها صنعت منها بنية قوية ومتنكسر
ابد متتسمى طفلة.. مترضى بدمعتها تنزل مهما تأذت
الوحيدة التشوفها تبجي هي ميسم
.. هي صلحها مع الحياة ومعدها اغلى منها وصديقتها الوحيدة

عن وعد اللي انقطع بليلة من الليالي
وتحت ضو القمر وبيديهم وردتين
(مهما صار مانفترق، مهما صار نحنا سوية، مهما صار انتي الاهم)
.. 12/4/2001 "11 سنة"
..
..

_هاجر 👀.. وينج
_تعالي اني هنا..
_مراح تاكلين؟ يلا جاي يصيحونج
_ماريد لأ
_شبيج 😕😕
_ضجت 💔😔 ترا هاي موحال اريد اطلع من هنا
_☹️☹️ اني هم اريد اطلع، معقولة يجي يوم ويتبنونا!
_ما اظن.. اذا اهلنا ذبونا هنا، شيسوي بينا الغريب 😔💔
_صدكيني رح يصير عدنا عائلة حلوة
راح نكبر ونطلع من هالمكان ويجي اليوم النحب وننحب
مارح تضل هيج طول العمر
_اي صح ☹️.. ان شاءالله تكون حياة حلوة تنتظرنا

صحيح!
معرفتكم بنفسي 😁
انا هاجر، ربيت بالميتم
تركوني بعمر اربع سنين بالميتم وما اتذكر وين جنت عايشة
تركو رسالة والمعلومات مالتي بجنطة صغيرة
كتبو بالرسالة انو امي وابوي ماتو بنفجار ببغداد
وكرايبي مكدرو يتحملو مسؤوليتي
حتى صور اهلي ماعندي
مرات اتخيل شكلهم.. يمكن اني اشبه ماما، هيج احس
عمري هسه 11 سنة، انتظر شوكت يصير العمر القانوني حتى اطلع من الميتم واشوف العالم
المديرة تكلي العالم برا مو زين مثل ما انتي متخيلته
بس اني متاكدة اكو شي حلو ينتظرني احسن من الميتم
اني وميسم راح نطلع ونعيش سوا
ونشتغل ويصير عدنا بيت حلو..
دائما نخطط لهالشي اني وهي ☹️♥️
ميسم هي صديقة عمري
احبها اموت عليها وهي هم نفس الشي
ماكو اغلى منها على گلبي
هي هم اهلها توفو بحادث سيارة وجان عمرها سنة
بس هي عاشت وهم جابوها هنا
القصص الموجودة بهالمكان كلها حزينة وقاسية
كلنا ربينا بلا عائلة وبلا اهل
احس احنا مموجودين بهالعالم مثل الباقين
.. يلااا مو مهم
خلي نكمل باقي الاحداث 😁♥️