مرت الايام وامتحنا وبهناك مع رؤى الجزيرة رئسا لانو العرس ف نفس الاسبوع نزلنا تجهيزات ف البيت مضافة وفرش م خلينا حاجة امجد وصل من السعودية طبعا امجد ود عم رؤى ساكتين معاهم ف نفس البيت بس ناس امجد الطابق الاول وناس رؤى الطابق التاني طبعا كانت تكشف من فوق واحنا نعلق ليها وهي تشيلووتتخجل امجد طويل حلبي عيونو كبار مز بمعنى الكلمة🤤يشبه رؤى قلت ليهااامجد مز بشبهك بعدين تجيبو عيال بشابهو زي طرقات الابري سكتني وبعدما نضحك ونتعولق🤣تاني يوم عملو حنة لامجد كان طالع مز لابس بدلة بالكحلي ووواو وهجوها هجيج طبع لبسنا عبايتنا واتلبدنا مشينا الحفلةف الحديقة بتاعت البيت حتينا حت م خلينا حاجة طبعا ورا مع الناس الواقفة😂رجعنا منتهين ماف اي تفاهم بردلب من فوق ف السرير خالتو سعاد قالت لينا اتعشو قلنا م عايزين رؤى اتصلت لامجد مجودي حبيبي اهلين سن البنات تصدق خفت بسحروك لي م تخافي متأكد حصنتيني ...كملوهو خيال 🌚قمنا الصبااح بدري رتبنا البيت لحدي الساعة 1مشينا الكوفير الليلة حنة رؤى طبعا بدو بالشعر طبعا كلنا معاها زينا وزي العروس واحد😂سرحتة تسريحة تعقد طبعا شعر رؤى طويل وحلو كوتو عشان التسريحة تظبط واو لبست الفستان الاسود ختيت ليها ميك اب خفيف بس ظااابط بس الرووج كبدي مشبع واكسسوار فضي وجزما كعب كرستال 🤤طلعت وااااو حصناها خمستطاشر مرة انا لبست بنطلون اسود مع طونك ايفل اسراء اسراء بنطلون اوف وايت مع طونك كبدي وبرو اي منقبة لبست بنطلون كحلي وطونك ايفل بالكحلي وسارة حلفت كان تلبس بنطلون دخلت ف فستان اوف وايت مشخت بالكحلي ممسوك من النص كلنا فاكين شعرنا وميك اب خفيف الحفلة بنات بس جات داخلة بالأغنية بتاعت عروسنا ي الله براها طبعا بعد داك شغلو اغنية العروس زينا جينا رقصنا معاها خالتو سعاد ام رؤى كانت لابسة توب كحلي مطرظ فيهو جدعة فوق الراس مع الدهب تعمل كدا جات رقصت معانا المهم كتمناها وكنا منتهين الحفلة انتهت كل وحدة أتصل ليها خطيبة والونسة م عداي طوالي النوم حبيبي🤤جاك زول اليوم التاني جاء صحينا صلاة الصبح صلينا والبيت ملان حريم نضفنا وظبطنا البيت وعملو الشاي ووزعناهو ورؤى جاتا الحنانة شغالة فيها من الصباح للعشاء اتحننا معاها كلنا صباح الجمعة قامت رؤى وليست تووب بترولي رهيييب وختيت ليها ميك اب خفيف للعقد لسة بجهز فيها نسمع ليك صوت السلاح انا والبنات شبكناها زغاريت الليلة اليسكتنا شنو رؤى طوالي عيونا دمعو ووقت تبكي مسكناها وبكينا معاها بكا جات امها وخالتى بكو معاها لما شبعو قلت ليها خلاص اسكتي م هي بورتك فكت فشنو حقو تزغرتي😪ي جماعة قولو عقبال تتفك بورتي بعد داك مشينا الكوفير وختت ليها ميك اب خفيف مع روج بنفسجي غامق مائل للكبدي ووردة نفس اللون نزلت ليها شعرا بقدام وقبضتو من ورا طلعت واو واحنا لبسنا فساتينا وختينا ميك اب خفيف مع روج كبدي خفيف وكعب عالي مع اللون واو وانا واسراء مسكنا الشعر ضنب حصان وطلعنا خصل بقدام سارة وبرو لبسو نفس فساتينا بس فأرة ولبسو معاها النقاب 🤤🤤فكوني دائرة اتنقب بس جا امجد يسوق رؤى كان لابس بدلة سوداء والتصوير وهي مادا ضهرا ومساكا وركبو العربية واحنا نزغرت واصاحبو يصفر الحفلة كانت ف صالة مدني نزلو بأغنية حلالي ودنيتي وكل امالي وبهجتي ومشو للنصوجو اهلم رقصو معاهم بعداك رقصو اسلو واصلا كنا مخططين نرقص ف الأغنية بتاعت بالرقبة وجئنا العروس طبعا سارة وبرو حلفو كان يجو قاعدين يطقو ف نهاية الصالة الساعه الرقصنا بالرقبة ومعانا العروس جدعو فينا جنس قروش امجد يشيل ويخت ف رؤى الشفع جو يشيلو القروش حفظتم جت بعد الحفلة مشيت شلتها منم اخليا ليهم يحلمو😪 بعداك مشت غيرت للجرتق اجرتقو وشال عروسو وسافرو قطر احنا الصباح نضفنا البيت وكل واحدة فينا مشت بيتم
