رامي واهلو وصلو عقدو طوالي 😀🙈جيت من الكوفير دخلت الغرفة كدا جاني اتصال من رامي الووو اهلين مرتي 🙈خلاص بعد دا انتي حلالي وواااي الحقوني بقيييت مرتو 💃ولا كذبت بكييت طوالي عارفني هبلة انا زاتي م مصدق بس فرحاااان شديد وفرحتي م قادر ادسى وربنى يخليك لي أن شاءالله قلت ليه ويخليك وقفلت الخط بعد شوية اسمع ليك صوت السلاح دموعي دي ولا شلال الرصيرص 😭بالزات لما دخلت علي امي تبارك حضنتها شديد اقسم ولا عصرة جونسينا وبكينا وصحباتي شغالين زغاريد طبعا عند صحبات من قمنا قمنا مع بعض بنفهم على بعض من النظرات م عندي اخت بس هم وقو لي اكتر من اخوات قرينا سوا من الاساس م اتفرقنا الا ف الجامعة معراج بتقرا تخدير قصيرة بس مزة واسراء تمريض أما دي طويلة قوامة حلووو وديل توئم أما هبة بتقرا مختبرات ربنا يخليهم ديل احلى اخوات يمرو عليك بعد الدراما دي الحفلة زنقت زنقناها زنق بس رامي م حضرا 😟رجعو تاني يوم من الصباح واحنا وقينا نجهز العرس والفساتين م مصدقة بعد اسبوعين حيبقى عندي بيت براي 😀 البنات جهزو معاي الفساتين قصيت فستان عنابي غامق مع جسمي للحنة والبنات قصو فساتين باللون الاسود للحنة والبالبنبي الفاااتح للزفاف عاملين ازمري كلنا لابسين زوريا بس مع تغير ف لون الأكمام بتاعتي شاي لبن سارة وبرو ورؤى وصلو من الجزيرة بالإضافة لي اسراء ومعراج وهبة ورحاب وهبة بت جيرانا واروى ظبوتو البيت وم خلو امي تتعب نهائي يوم الحنة طلعنا مشينا الكوافير حاجزة عن مس هديل ختت لينا ميك ابظاااابط للاخير ختت لي ميك اب بسيط كانت ملامحي حلوة شديد والبنات كمان كان مكياجك حلوججينا داخلين مع بعض باغنية حبك جنةي امي وشوفتك راحة ...بعد شوية غنت لينا مغارز واحنا نشيل ونكورك ونعمل ف حركات نسيت اني عروس الساعه لما تقول احي الدكاترة والما عرست دكتور تعبانه بطير فوق واجي نازلة اقسم محتاجة دستور عديل😂حتيت حت م نصيحة عارفة عدا اليوم على خير تاني يوم كان الازمري دخلنا بأغنية سكنتي ماي حبكو رقصت لما حسيت نفسي تاني م ينفع نحت لما تقعد ف الارض انا والبنات 😂عاد العرس دا بنعاد كم مرة 🙂جاتني الحنانة بعد المغرب شغالة فيني للساعة 10والبنات حلفووكان يفكوها م فاضل الايحننو كرعيم😂البورة كعبة 🌚 اليوم أما على خير تاني يوم العزومة جهزنا بدري طقينا طقة نضيفة ناس اراء جو من الجزيرة كانت حفلتنا رابا جات كتمتا معانا بعد شوية خموني جوا بعد تعب حتى طلعط ليك من الحفلة لبسوني القرمسيص خماتوني والبخور والخميرة م تديك درب ريحة الكبريت تجيب المودر😂 رامي جا عشان يسوقني كنت م شايفة حاجة سمعت البنات زغرتن عرفتو جا شغالين لي ابشر ي عريس انا انكتما خلاص عايزة اجدع الكفن دا قال لي ارح ي عرووس احي قلبى خلاص 🙈 مسكني من يدي 😂الفنانة غنت بت العزة والمهلة دخلنا قعدني ف الكرسي عم الصمت تاريهم بقرو يس وورامي ماسك يدي ودخل معاي جوا القرمسيص🙈بعاين لي جوا جنا عيني وانا خجلانة لما كاتمة نفس 🙂قال لي مرتي الحلوة الليل اليوم المنتظرو من زمااان خلاص حاسوقيك وحاتحكم فيك زي م عايز وحتكوني قدامي كل م اكووون عايز ......وكلام كتييير🌚🙈قلت ليه رامي بيقرو قرءان اظن 🌚اصلا بايخة بس كنت حاذوب خجلا بعد انتهاء من يس قومونا تاني غنت الليل اليل العديل والزيت وهو قطع الحلاوة والبلح المربوطين ف خصري وجدعا مسكتم هبة ونصو مسكتو اروى وقامو يشاكلو فيهو حقي ودي تقول حقي مش قلت ليكم البورة صعبة وفتح لي وشي وكنت ببكي م عارفة مالي قلت ادب بس😂ودعنا اهلي الساعه الكنكشت ف امي وقيت اجعر زي المخنوقة بكيت حلات بكى الا رامي جرامي جر منها طبعا مشو البنات كلهم معاي بالإضافة لخالاتي وبنات اهلي إلا الجزيرة وصلنا الجزيرة قريب العشاء اتخيلو بس والزفاف الساعه9م وصلنااالبيت الكوافير طوالي حاجز لي عن مس وفاء لبسوني وختت لي ميك اب حلوووو كان خفيف مع روج كبدي مشبع وبكج ورد كبدي طلعت واو 🙈قولو ماشاء الله والبنات كمان كان طالعت مزز عاملين لي اشابيل كلهم لابسين بنبي فااااتح جا رامي دخل مسكني من يدي وبقى يعاين لي من فوق لتحت لما خجلني المؤفن😂ققال لي .. .....م حاقول ليكم لاني ماف زول وراني 🙂اخيرا ي جماعة عرفت العريس يهمس بشنو🙈🙈 البنات بزغرتن والتصوير شغال وأصحاب رامي يصفرو فتح باب العربية طلعت ....
