مهرتي

16

بنو....حجيت وي عمو وكتله
عمو خل افكر
لان ما اكدر ارفض فالازم اشوف حل وبعدين اكدر ارفض (حجيت بيني وبين نفسي)

رائد....عمو براحتج وشتردين يجرالج

بنو....تسلم عمو شوية ضلو كاعدين وبعدين راحو واني هم تعبانه من كثر التفكير بهاي السالفه خل اخذ رأي البنات باجر ولله كريم رحت نمت وما ادري بعد بأي شي غير لمن كعدتني ماما

خنساء:يلا بنونه كومي اكعدي

بنو:بيش الساعه

خنساء :بالعشرة

بنو:وشعندي كاعد هيج وكت

خنساء:كومي عندي شغله وياج واريد اتريك وياج

بنو:الله يستر يلا  كايمه روحي كدامي

خنساء:هههه يلا

بنو:والنبي اكو شي اليوم اني متأكدة رحت غسلت وجهي وكعدة يمه وهي تسوي الريوك اي ماما اسمعج احجي

خنساء:هههه شبيج ولج

بنو:هس غير تحجي انتي مبين تردين تكولين شي واني اسمعج يلا

خنساء:ماشي خل احجي شوفي انتي تدرين خطبج عمج والبارحه هو بنفسه حجى وياج

بنو:امم يعني انتي موافقه على هل المهزلة

خنساء:وين المهزلة كول ابنيه تاليه البيت زوجه وهاي سنت الحياة واصلاً الزواج حلو

بنو:ماما بروح الحسن هس الي يسمعج ايامج كوله رومانسيه وماكو منه شحصلتي بالله بزواجج الي تكولين عليه وعلى سنة الحياة هاي اني ما اريده  و ممستعد ازوج اني ما اريد ادمر نفسي وادمر مستقبلي شنو عرفت من أركان حتى لو ابن عمي ما اريد اصير نفسج يابه ليش مرفضتي تكلي ولله استحي فطومة نفس الحاله شكت حلكه الضحكه واراحت عود تستحي مدري شبيه خل اكولج اني ما استحي وما اريد ازوج ولله لو ما ادري خر الثاني هم خاطبني جان من زمان رافضه السالفه وخل اكولج اني اصل رافضه واذا قبلت بأركان يعني راح استغله علمود اكمل دراستي وهذا الشي خطأ

ختساء:ليش شبيه فطومة شو زوجه مريحه ويحبه وعده بنيه جنه ورد واذا عليه اني حصلتكم انتو بزواجي طلعت بيكم

بنو:بالله ماما لا تخليني احجي اي يلا فطومة مرتاحه همزين كل شوية عركه وهم اكولج عادي كل زوجين يصير هيج وياهم وعمته بس تنك لو ما تحبه مو كل ما تجي شكد تحجي وتكول مكرته بعيشته ام علينه احنه بالله شنو محصله منه شو اني  صينيه ما اشيله وياج غير طلعاتي الي كل يوم غير الاسابيع الي بيت عمي هاي اني ممتزوجه هيج وموسى وعيسى فا اني اكولج اغسلي أديج بتيزاب مو بمي لان نسخة بابا

خنساء :فطومة لان حساسه هيج طالعه عليه  واصل عمته تحبه ولان جبيرة هيج تتصرف ولا تنسين هي فطومة نفسن تنقهر عليه هي اصل متحجي على اختج بس هي  متفتهم ما تضل تشيل هم الكول  شي بس هاي عادته وام موسى وعيسى اني شريد منهم يوصلون دراسه و ازوجهم وشلي دخل بيهم بعد ما عسى اعيش بدار العجزة