🔥روايات حفيدة القمر🔥
🔥تقاليد عائلتي ظالمة🔥
نور كانت مروحة من المحل لانها بتشري هدية لامها بسبب انها اخيراً حصلت شغل وقررت تفاجئ بوها وامها بانها واخيراً بتعاونهم في لاصرخ على الحوش
ولكن للأسف تجري الرياح بما لا تشتهي السفن
🔥نور🔥
كنت مروحة فرحانة نتراقص في مشيئة نين وصلت قدام الحوش لقيت سيارات الشرطة وبدون ما نسأل خشيت بسرعة للداخل لقيت أفزع منظر نقدر نشوفه في حياتي بوي وامي ميتين وبرصاص!!
من قتلهم؟!
اني بديت في حالك هيستيرية ونعيط ونخبش في روحي والشرطة تلمو عليا يحاولوا يهدوني فكان معاهم الطبيب الشرعي اللي شدني وبدي يهدي فيا وحطني في السيارة وغطاني بغطا واني موقفاش بكي وعيوني على وسعهم واني مصدومة اكبر صدمة فـ حياتي
قرروا الشرطة يرفعوني للعيادة وبعد ما وصلنا طول دخلوني طوارئ لاني خشيت حالك هستيرية مرة ثانية وضربولي يبرة مهدء فرقدت
بعدها نضت نسمع في الدكتور يتعارك هوا وحد وبعدها خش بالقوة كانوا عدة رجالة كبار ومعاهم زوز نساوين فقال الكبير فيهم:نور انت بتروحي معانا
قعدت نشبحله بصدمة وقلت:اني منعرفكمش حتى انت من تكونوا كيف تقول هكي؟!
رنت في ودني كلمته:انت مش بنتهم..
وقفه التاني وقال:متصدمهاش صدمة تانية خليها في حالها توا وبعدها نتكلموا
مدوراشوكمل:انت بنت خونا وهوا سيبك عندهم وصيته هكي قالت لكن بعد موتهم خلاص انت وليتي لينا
صدمتي زادت فوقها صدمة ثالثة وخشيت في حالة هيستيرية مرة ثانية ولقيت الكل من عليا وبديت نجرح في روحي واني بكي ونعيط ونادي ماما وبابا
الأطباء خذوني غرفة تانية وضربولي مهدء ثاني
قعدت في المستشفى شهر على الحالة نفسها وجتني حالة نفسية لكن الرجالة اللي اكتشفت انهم عمامي روحوا بيا معاهم لحوش جدي ومخلونيش في المستشفى
اني خشيت في حالة اكتئاب ومش مصدقة شي ونتصرف زي المجنونة داروليدكتور نفسي بش يعالجني
🔥روايات حفيدة القمر🔥
🔥تقاليد عائلتي ظالمة🔥
////////////////////////////////
تمام لهنا اليوم
أنت تقرأ
تقاليد عائلتي ظالمة (باللهجة الليبية)
Fantasyتتكلم عن نور البنت اللي تعيش مع امها وبوها وفجاة تكتشف انها مش بنتهم.. وتكفل بيها عائلتها الاصلية والباقي في القصة
