🔥روايات حفيدة القمر🔥
🔥تقاليد عائلتي ظالمة🔥
قدام الدكتور النفسي اللي يكلم فيا اني كنت سارحة ومنسمعش فيه حتى نين قال:علاش متبيش تتقبلي؟!
رديت:به نتقبل موتهم عادي لكن انهم مش امي وبوي صعبة عليا راه!
تفاجئ الدكتور وقال:انت في تحسن تابعي استمعي لي كلام الناس وهدرزي معاهم بش تولي لطبيعتك
رديت:لكن علاش سيبني بوي الحقيقي؟!
رد الدكتور بابتسامة حلوة:اسألي عمامك ممكن تحصلي جواب منهم على الاقل
ابتسمتله ونضت شكرته وقلت:شكراً لانك واقف معاي وميئستش من حالتي معروفك ما ننساه لآخر عمري
كان عمي واقف برا بش يروح بيا اني ركبت من قدام وقلت:السلام عليكم
عمي استغرب وقال:حالتك تحسنت!!
رديت باستغراب:ها شن تقصد؟!
رد:انت في العادة متشبحيليش حتى وتركبيمن تالي ومتقوليش في حرف واحد!
ابتسمت وقلت:عادي نسألك علاش سيبني بوي؟!
رد وهوا عيونه على الطريق:محدش يعرف السبب!
وصلنا لحوش العيلة وخشيت مع عمي وألقيت السلام وقعمزت معاهم كلهم استغربوا فسألت جداي (عايدة) باستغراب:ها شن صار يا بنتي؟!
شبحتلها بابتسامة ورديت:كل خير يا جداي
ولد عمي واسمه مراد:متقوليش شبحت شاب حلو وانعجبتي بيه؟!
سارة(اخته):من ارل لقاء ليك معاها ادوي دوة فاضية بش تاخذ عليك فكرة كويسة باهي؟
عمامي ثلاثة وهما اللي روح بيا واسمه هشام والكبير اسمه محمد وعمي الصغير الشبوب فارس وعندنا عمي التاني مسافر برا سفير ماهو واسمه وليد وعياله قعدين
ولاد عمي محمد مراد-سارة-احمد-رواد توأمه إيمان
ولاد عمي هشام روان-نيزار-ميس-ريان
ولاد عمي وليد رنا-أمجد-بسمة-سراج-زهرة-ملاك
———————————————–—
رواد:من شاف الفرخة إيمان؟!
فارس:😑في الكلية البنت قعدة مروحتش خيرك عليها؟
احمد:نغران لانه عطلة اليوم!🙂
روان😒:اسكتوا شويا وانت معندكمش الا مشاحنات!
طبعاً اني كل كلمة يقولها اني معاها حسيت انهم عائلة مترابطة وحلوة ليش منعطيهمش فرصة؟!
نيزار خش ومعاه إيمان وريان وبسمة فقال مراد باستغراب:اه يعني القرد كان ماشي بيروح بيهم!؟😐
بسمة😅:عيب عليك
إيمان مشت لدارها وما قالت شي فناض رواد لحقها يبي يعرف خيرها اما البقية قعدوا يعدرزوا
ملاك:هيا نور تكلمي معانا😉
ارتبكت وقعدت نشبحلهم فقال احمد:ها شن فيه نبوا تسمعوا صوتك مرات مش حلوا زي شكلك🤗
ضربه مراد على راسه وقال:مدوريشي مريض شوي هوا شكله ترعشن كلي
ضحكت عليهم وعلى تصرفاتهم الطفولية رغم انهم أغلبهم فاتوا 18 في العمر
رواد يشبحلي بتفاجؤ ونظرات غريبة ارتبكت وقلت:شن فيه حاجة في وجهي؟!😶
والكل نفس النظرات اللي خلتني نرتبك فصيحت رنا بحماقة:بتقتلوا البنت بشبحاتكم يا كلب انتا وياه😠
مراد بعيون تلمع:ضحكتها تجنن!😍😍
اني:هادا بس حسيتني درت حاجة غلط يا برودك قريب متت وووك!😤
ضحكوا عمامي وجدي وجداي عليا وبنات عمي نفس الشي اما الولاد قعدوا يشبحلي بابتسامة واحمد لا مبالي نوعه بارد وغريب هوا اكبر واحد فيهم كلهم
ملاك:شن رايك فينا عجبتكم صح؟😏😉
أمجد:هناك حد نعجبوه وانت هناك يا اللفعة القبيحة😜
مراد:😂
عمامي:😂
نيزار:😂
سراج:😒
احمد:😑
ملاك:😒نكتة حامضة زي حماضتك يا الحامض
اني:لاش هيا حلوة بس انت احلى😊
ملاك:هادا كلام الناس اللي تفهم😌
نيزار:قصدك اللي تجامل
اني:منعرفش معنى مجاملة نعتبر فيها كذب ونفاق😇
سراج:جو البنات الدلوعات
اني:شكراً بس الدلع مش من صفاتي اني صفاتي عزيزي قمودة للعلم☺️
ضحكوا الكل على كلامي وهوا طلع وسيبنا ورواد رفع إيمان للمستشفى قال انها مريضة
/////////////////////////////
رأيكم الكريم وشكراً
أنت تقرأ
تقاليد عائلتي ظالمة (باللهجة الليبية)
Fantasíaتتكلم عن نور البنت اللي تعيش مع امها وبوها وفجاة تكتشف انها مش بنتهم.. وتكفل بيها عائلتها الاصلية والباقي في القصة
